Pilipai 1:10 - Golin: God ka main buku

¹⁰ I main iru ere milanga, ena main wai paangwa kal i, pire bawa di kananwe. Di kananga ena Kirisito u bawa dinangwa kaun, nomanin naabile dorimil milere, te God pirin gule ere i tongwa pirin kwi ta pai i tekenangure, wigi sire wai wen milanwe.

Pilipai 1:10 Referans Kwoze

Orom 12:2

Gariba ibal inin main paangwa kal erungwa mere, ta ere milekio. I kal digan eringa kwi nomanin suna si kiruul sire u ibal wai ta nala di piringire, “I iru ere na to,” di God to. Ka di tenanga, ena God kalkan ere i terala dinangwa mere piranwe. Kalkan ere i tenangwa kal wai erere, te eranga, yalini kawen gun ye i terere, te kirara kawen dungwa paamue.

1 Tesalonaika 3:13

Kal iru eranga, ena yalini i ibal kobe nomanin suna yobilaan bile i tenangure, ena Singaba Yesu te yalini ibalin kobe bole ere ime unangwa kaun i ibal kobe Abe God guman mina kabin sire wai wen milere, te pirin ta pai i tekenangwa milanwe.

1 Tesalonaika 5:23

God den miriin wai pai na ibal kobe tongwa, i ibal kobe kabin sire kirara wai wen milana dire, yalini kal iru ere i tenama di pirebinwe. Te i ibal kobe te iban te nomanin yobilagi kirara muru wai painama dire, God kal iru ere i tenama di pirebinwe. Ere i tenangwa, ena Singaba Yesu Kirisito ere ime unangwa kaun pirin pai i ta tekenamue.

Orom 2:18

Mose kile kaman ka nil si i ibal kobe tongure piringa, ena God kal iru erala dungwa mere pirere, te kal wai dungwa dim mo, kal nigi dongwa dim mo, i main piringiwe.

Epesas 5:10

Kal ta eranga God Singaba kanere wai pirangwa kal i, pire pol sinanga pire, kwi ere milo.

1 Yon 4:1

Na ye nobinga kobe, ka kebe yal binanbile gariba gul suna ware kakiibi di milemia, ena ibal taw mile, “God Iban ka di na tongwa diwa,” dimba, ibalin kobi para kawen dima di i iru pirekio. Pirekenanba God di ibalin kobi tom mo, tekim mo, i ibal kobe sua i kano.

Pilipai 1:6

God kal wai ere i tongure, ka main pire gi dinga yalini kawn kule iru ere i tongwa, ere mili nangwa nangwa, Kirisito Yesu eme u bawa dinangwa kaun, konagi iru kawen kirara ere wei sinamue. God kal iru ere i tenama di kawen kirara piriwe.

1 Tesalonaika 5:21

Kalkan para muru kal wai dungwa dim mo, kal ki erungwa dim mo, i suan kano. Kal wai ta dinangwa kananga ero.

1 Korin 1:8

Kamin kaun malia i wei sinangwa, Singaba Yesu Kirisito kwi u maribe nangwa kaun, i ibal kobe kal digan eringa kire di erungure, pirin paikire mile painana dire, God i ibal kobe kenin ere te milangwal milamue.

Rebelesen 2:2

I mile pai eringa main, na i kane piseriwa. I konagi nega di erere, te gaynin giil pire i tongwa, niminin mile ale milinga, para kaniwa. Yal kobe kal ki ere milungwa, i ibal kobe yalin kobi nigi de kaninga, i na para piriwa. Yal taw kobe mile, ‘God nusi erungwa ongwa yal, Aposel, na miliwa,’ dire i ibal kobe yalin kobi suan i kanere yal iru ta milekungwa kanere, kakiibi dungwa pirinwa.

Epesas 5:27

Ka main ibal taminin kobe kirara wai wen milungwa kanala dire, Kirisito kal iru wen ere ibalin kobe tomue. Ka main ibal taminin kobe milungwa mere iwe, ibalin kobe kal digan erungwa kire di ere pirin ta paikinangwa milere, te dorimil milere dime di wai mile painamue.

Yon Yesu guun kan ka minin ganin bilungwa 1:47

Ena Nataniel Yesu milungwa gul ungure, Yesu kanere Nataniel milungwa mere ka iru dungwa, “Yalini Isirel yal mabil milungwa kaniwa. Kakiibi dungwa ta paikungwa yal milemua.”

Matyu 16:23

Dimba Yesu kiruul sire iru di Pita tongwa, “Satan i ere tayan po. Na kal eralga i kol si pere di na tenwa. I ka dinga God nomanin si pirungwa mere nomanin si pirekingi, ibal nomanin si pirungwa mere i iru si pirinwa,” dungwa.

2 Korin 1:12

Ena na ibal kobe mile pai erebinga, miinin maabinga main iwe. Na ibal kobe gariba gul mile pai erebinga, te kalkan ama para ere i ibal kobe tobinga, na di gawa di i tere, te giran niriin ka ta di i tekebinwe. Iru ere i tobinga, na inan nomanin wai paima di pire erebinwe. Erebingire te ibal nomanin paangwa mere pire ta erekebinba, God kal wai ere aa te wai ere na tongwa pire erebinwe.

Orom 12:9

Ena i denin miriin ibal tenga, kirara niminin mile te milo. Kal ki erungwa main i den ki ye to. Main wai dungwa aa gi di pire ware milo.

Orom 8:7

Ibal ta gain kal pire nomanin suna yenangwa, ena ibalini kaymin paale God tere, te God kile kaman ka pire wiina ere tekire, te wiina ere tenamba, kuunin ta paikimue.

Matyu 26:33

Dungure Pita ka dagi dire iru dungwa, “Yalin kobe nigi de pire i tere u sutaw namba, na iru ta pire i tekeralwa.”

Pilipai 1:16

Wai pire na tere kere di maribe ere ibal tongwa ibal kobe mile, “God konagi ere Pol tongure, ka main kawen kirara dungwa, di maribe eramua,” dire den miriin tere, ka main kere di maribe ere ibal tomue.

Epesas 6:24

I ibal kobe Singaba Yesu Kirisito den miriin te milingal milinga, ena God kenin wai ere i ibal para tenama di pirebinga paamue.

Epesas 4:15

Ta milekerabingi, na inan denan miranan ibal tere ka paangwa mere direre, te Kirisito bole pena gale tere u taran wen pi milabinga u ibal mere pire milabinwe. Kirisito iwe, yalini na ibal kobe gibilanan mere milungure,

Galesia 5:11

Ena na enan kobe, na mile ka dibinga iwe. Ibal taw mile, “‘Gain bile erungwa main wiina ero,’ i iru di ibal tenwa,” dire di na tomue. Ka dungwa i, kawen dinangwa, ibal kobe gain giil pire na tekenamba. Ka main di ibal terabinga, ena Kirisito eri pera mina gule na tomia, u wai nabinga ka i, kere di ibal terabinga, pirere nigi de pire na tekenamba.

2 Korin 8:8

Ena ka diga i, i kiranin aa tere kile kaman ka di i tekiiba, i denin miriin ibal tenga kawen kirara ten mo, tekin mo, na kanala dire, Masedonia gariba baan ta ka main ibal kobe nega dire ibal taw aa ki di terala dungwa mere, di maribe ere i teiwe.

2 Korin 6:3

Na ibal kobe ka main konagi erebinga, ibal taw kobe kane nigi de pire na tekenama dire, kal piril sungwa ere ibalin kobi ta tekebinwe.

2 Korin 2:17

Ibal taw kobe God ka main konagi erungwa, konagi bil ta paikima di pire erungwa mere, na yal kobe konagi iru ta erekibinba, God konagi iray ere na toma di pire, Kirisito bole pena gale mile God guman mina kirara di gawa di ibal tobinwe.

1 Korin 10:32

Yuda ibal mo Giriki ibal mo, ka main ibal kal nigi dongwa ere ibalin kobe tengire, kol gawl sinama dire, kalkan ta iru erekio.

1 Korin 8:13

Komina ta nerabinga, na enan kobe kal digan ere taalime eramia, ena na inan kabe ta nekerabinga, na enan kobe kal digan ere taalime ta erekinama dire, kabe ta nekerabinwe.

Orom 16:17

Ena na enan kobe, na i kiranin aa tere ka di i terala piro. I ibal kobe gumanin u inin inin dinama dire, ibal taw ure taalime main i maribe ere i tongure, te kal digan ere u main nana dire, ibal taw ure ere i tongure, te kal iru ere i tongwa ka main nil si i tobinga mere, ibalin kobe pire wiina te erekimia, ena i kanekun ere mun kal waa ibalin kobi to.

Orom 7:22

God kile kaman ka di ibal tongwa, na denan miranan suna wai pire wiina ere terala di piriga paamue.

Orom 7:16

Kal main ta erekirala di piriiba, ere miliga, ena Mose kile kaman ka, “Iru ta erekio,” dungwa na, “Ka iray wai paimua,” diga i maribe eriwe.

Aposel 24:16

Iru eriga God mabin mina te ibal kobe mabin mina gay ta gulekeralga, konagi nega wen dire eriwa.

Yon Yesu guun kan ka minin ganin bilungwa 3:20

Ibal kobe kal ki erere, nigi de pire, nomanin naabile tongwa yal, tongwa. Kal ki erungwa i maribe erekinama dire, nomanin naabile tongwa yal milungwa gul ta ukungwa.

Pilipai 2:16

Milere ibal kobe sigare kule u wai pire mile painangwal painangwa ka main, i ibal kobe pirama dire, kere di maribe ere to. Ere tenanga, ena Kirisito kwi ere ime unangwa kaun, na i kane wai pirabinwe. Wai pirabinga main iwe, na ka main konagi nega dire ere i tega, ibal kobe mile, “I ta paikimua,” di na tekenamue.