Orom 7:22 - Golin: God ka main buku

²² God kile kaman ka di ibal tongwa, na denan miranan suna wai pire wiina ere terala di piriga paamue.

Orom 7:22 Referans Kwoze

Kibiru 8:10

Milere pare na ka wai di bole pena gale Isirel ibal terala dire, kile kaman ka kwi di teralga, kal iru ere teralwa. Na kile kaman ka ibalin kobi nomanin suna yerere, te na kile kaman ka i den miriin suna painama dire, para iru yerere, te ibalin kobi God na miligire, te na ibalan gawlimanan ibalin kobi iru milamua.

2 Korin 4:16

Ena iru paangwa main i pire, ka main konagi gay gule ta erekire, na yobilaan bile erebinwe. Na gaynan bile yerala di erimba, kamin kaun kaun na nomanin suna si kwi ye na tongure, sigare kule u wai obinwe.

Epesas 3:16

Na iru sirin bile God tobinga, i ibal kobe pire gi di Kirisito tere yalini i nomanin suna mile pai erama dire, God inin Iban nusi i tere, yobilaan bil wen paangwa mere, i nomanin te denin miriin suna yobilaan bile niminin milana di pire di tobinwa. God yobilaan bile miriin pire ibal tongwa mere pirere, God iru ere i tenangwa di yalini tobinwa. Di tere ka ta iru para sirin bile tobinga, i ibal kobe denin miriin tenanga main, kirara iru wen milana di pire, di God tobinwa.

1 Pita 3:4

ibal kobe i kanama dire, denin miriin te nomanin suna wai painangure, nomanin suna kabin si mile den miriin mone di dinan milo. Main iru milanga imo di painangwal painangure, te God main i eringa kanere, “Kirara wi yebe omua,” di i tenamue.

Orom 8:7

Ibal ta gain kal pire nomanin suna yenangwa, ena ibalini kaymin paale God tere, te God kile kaman ka pire wiina ere tekire, te wiina ere tenamba, kuunin ta paikimue.

Kolosi 3:9

I ibal kobe goma main ki paangwa ere waringa pisere ibanin sigare kule Kirisito main paangwa mere iru mile pai eringa, ena inin inin kakiibi dire bawle tekio. Ibanin sigare kule milinga iwe, God pire pol sinana dire, te yalini mile pai erungwa mere i iru milana dire, God iru ere i te milemue.

Yon Yesu guun kan ka minin ganin bilungwa 4:34

Dungure Yesu ka iru di gawlima kobe tongwa, “Na inan komina main iwe, na nusi ime erungwa yal ka dungwa mere wiina ere terere, te ‘Konagi ero,’ di na tongwa mere, ere wei siralwa.”

Orom 2:29

Yuda ibal main paangwa mere ibal ta nomanin suna pire erungwa, ena ibal i Yuda ibal kawen kirara milemue. Ibal i gain bile ere milungwa iwe, gain imore bilungwa pisere, God Iban ibalini nomanin suna pire aa te wai ere tomba, Mose kile kaman ka bile paalungwa iru ere ibalini ta tekemue. Ibalini iwe, ibal deminin si ibalini ta tekungure, God deminin si kal iru ere milungwa ibalin kobi tomue.