Orom 16:21 - Golin: God ka main buku

²¹ Ena na ka main konagi bole erebilga yal Timoti abila milungure, “Yalkuno, mile dinio,” di i tomue. Ulusias te Yeson te Sosipata na gawlimanan kobe milemia ama pare, “Yalkuno, mile dinio,” di i tomue.

Orom 16:21 Referans Kwoze

Aposel 20:4

Beria ai nen Piras wan Sopata, te Tesalonaika ai yal sui kaan Aristakas te Sekandas, te Debi ai yal ta kaan Gayas, te Timoti, te Esia ai yal sui kaan Tikikas te Tiropimas, yalin kobi Pol bole para ongwa.

Aposel 17:5

Erimba Yuda ibal yal sui den miriin ki ye tere yal digan taw irere, ibal kobe binanbile u ku bilere wi yau dungwa, yalin kobe Yeson ogu kol di guru dire, yal sui awli ibal milungwa gul urala di pirungwa.

Aposel 13:1

Ena Antioko ai ka main ibal taminin milungwa, ka kebe yal kobe te nil si tongwa yal kobe para, iru mile kaan iru paingwa. Banabas, te Simion yalini kaan ta Naisa, te Sairini gariba nen milungwa kaan Ulusias, te yal ta yal singaba Kerodi ke kuunin mile ogu taran milungwa yalini kaan Maneyen, te Sol, yal iru milungwa.

Orom 16:11

Na gawlimanan ta Kerodion milungure, te Nasisas bole para ki pai milungwa ibal pire gi di Yesu Singaba te milungure, “Yalkuno, mile dinio,” di tobinwe.

Orom 16:7

Na gawlimanan Andironaikas te Yunias, yalsui na bole para kanin pai milebinga, “Yalkuno, mile dinio,” di tobinwe. Na Yesu pire gi di tekebinga kaun yal sui iray goma pire gi di warungwa, ena nusi erungwa ongwa yal kobe, Aposel, yalsui iray kanere kaan goma paangwa milema di kanemue.

Kibiru 13:23

I ibal kobe ka ta di i terala piro. Na ibal kobe enan ta Timoti goma kanin pai milungwa, malia gule eremue. Yalini kaya gin taran na miliga gul unamia, ena na bole i milinga gul kanabina di piria, urabilwe.

2 Timoti 1:2

Na ka minin ganin i, bile na wanan taran, Timoti, teiwe. Abe God, te na ibal kobe Singaba Kirisito Yesu mile kenin wai ere i terere, te miriin bilkaw pire i terere, te denin miriin wai painama dire, kalin sutakobe iru ere i tenama di piriwe.

1 Timoti 6:20

Timotiye, God mile, “Ka main kenin ero,” di i tongwa mama dinama dire, kenin wai ere milo. God milungwa main ta dikire ka gogo dungure, te ibal taw mile, “Ka diga nomanin paimua,” dimba ka dungwa i paikungwa, i mun kal waa to.

1 Timoti 6:11

Ena ibal taw kal main iru erimba, i God gawliman mile kalin dungwa mere, i iru ta erekirala dire, kanekun ere milo. Kabin sire wai wen milere, te kal dime dire ere ware milere, te ka main pire gi di milere, te denin miriin ibal tere milere, te ka main aa gi di pire pire milere, te girin ta di milekire mone mone di erere, kalin kan diga i duulin bile ere milala dire, konagi nega di ero.

1 Timoti 1:2

Timoti i teiwe. Yalini ka main pire gi di milungwa iwe, na ka main di yalini tere kule yegire milemue. Abe God, te na ibal kobe Singaba Kirisito Yesu mile kenin wai ere i terere, te miriin bilkaw pire i terere, te denin miriin wai painama dire, kalin sutakobe iru ere i tenama di piriwe.

2 Tesalonaika 1:1

Pol na miligire, Sailas milungure, te Timoti milungure, na yal sutakobe milere ka minin ganin bile Tesalonaika ai ka main ibal taminin tobinwe. Ibalin kobi Abe God, te Singaba Yesu Kirisito bole pena gale te milemue.

1 Tesalonaika 3:6

Malia Timoti i milinga gul pire urere i ibal kobe pire gi dinga te den miriin ibal tere milinga ka pore wai di na tere, te i ibalin kobe, “Nomanin wai pire na tenwa,” dungure, te na yal kobe i ibal kobe i kanabina di pirebinga mere, i para iru na yal kobe na kanabina di pirinwe.

1 Tesalonaika 3:2

Iru pirere Timoti nusi i milinga gul ere i tobinwe. Yalini na enan kobe milere God ka main konagi na bole para erere Kirisito guun kan ama kere di maribe eremue. Yobilaan bile i tere ka main pire gi dinga pi nima nama dire, na yalini nusi i milinga gul ere i tobinwe.

1 Tesalonaika 1:1

Pol na miligire, te Sailas milungure, te Timoti milungure, na yal sutakobe milere ka minin ganin bile Tesalonaika ai ka main ibal taminin tobinwe. Ibalin kobi Abe God, te Singaba Yesu Kirisito bole pena gale milemue. God kenin wai ere i terere, te den miriin wai pai i tenama dire, na yal kobe main iru pire paale dibinwe.

Kolosi 1:1

Na Pol miligire, Kirisito Yesu nusi erungwa ongwa yal, Aposel, na milama dire, God iru pirala di pire na paale suna ere ingure, na miliwe. Na ibal kobe ka main enan yal ta Timoti na bole milebilgire,

Pilipai 1:1

Na Pol miligire, te Timoti na bole milere na yalsu Kirisito Yesu nil konagi yal kobe milebilga, ka minin ganin bile Pilipai ai God ibalin kobe tobilwe. Ka main kenin eringa kobe, te aa te wai konagi ere tenga kobe, para pire bile tobilwe.

2 Korin 1:19

Diga main iwe, God Wan Yesu Kirisito ka main paangwa Sailas te Timoti te na para ka main i kere di maribe ere i ibal kobe tobingire, yalini ka gogo ta dikimue. Ta dikimba yalini ka taran wen dire, God giran pire wiina ere tongwa yal, milemue.

2 Korin 1:1

Na Pol miliga, Korin ai God ka main ibal taminin na ka minin ganin bile ibalin kobi tere, te God ibalin kobe Akaya gariba bilin bilin milungwa, para bile teiwe. Kirisito Yesu nusi erungwa ongwa yal, Aposel, na milama dire, God iru pirala di pire na paale suna ere ingure, na miliwe. Ka main ibal enan ta, Timoti, yalini na bole para milebilwe.

Aposel 19:22

Yalini aa ki dungwa yal sutan kaan Timoti te Erasitas milungure, yalini yal sui nusi Masedonia gariba gul erungwa, yalini Esia gariba gul kaun taw pai milungwa.

Aposel 18:5

Sailas te Timoti bole Masedonia ai pisere u bawa dungwa kaun, Pol ka main kere di ibal tere konagi taran erere, “Yesu mile God konagi erungwa yal, Kirisito, milemua,” di maribe ere Yuda ibal tongwa.

Aposel 17:14

Ye tongure enin kobe Pol nusi pirin nil binan erimba, Sailas te Timoti bole Beria ai mile paangwa.

Orom 9:3

Na ibalan kobe, Isirel ibal kobe na enan kobe milungwa ibalin kobi God guman kane ire u taran nama dire, na iru pirala di pirega paangwa, “God na pisere Kirisito bole si dawle milebilga yalini a piraa si na terala dungwa paamua.”