Orom 13:7 - Golin: God ka main buku

⁷ Ena i pirin painangwa, gule ere to. Kaunsol takis tere, te gabman takis tere, te yal singaba kobe pi guman tere, te ibal kobe para kaan gale yebe ere to.

Orom 13:7 Referans Kwoze

Luku 20:25

Dungure, “Sisa milemua,” dimia, ena Yesu ka iru di tongwa, “Ena Sisa kal dinangwa, te inin baan ero, te God kal dinangwa, te inin baan ero.”

Matyu 17:25

Dungure Pita, “Tomua,” dungwa. Dire ogu ala pire ka dirala dimba, Yesu kaya dire iru di Pita tongwa, “Gariba gul yal bil kobe kobile takis ingwa we. Enin taw kobe tom mo, gariba baan ta ibal tome? I inin nomanin si piranga mere di na to.”

1 Timoti 5:17

Ena ka main goma yongwa yal kobe ka main yal singaba konagi nega dire erangwa, ena ibal kobe ai yebe di tere tobe maa kora kule tenangwa paamue. Te yalin kobe konagi nega di ere ka main kere di maribe ere ibal tere, te ka nil si tenangwa, kirara tobe iru tenangwa paamue.

Matyu 22:21

Di tongure yalin kobe, “Yal bil Sisa milemua,” dungure ena Yesu iru di tongwa, “Ena i para dina, Sisa kal dinangwa te inin baan ero. Te God kal dinangwa te inin baan ero.”

Epesas 6:5

Nil konagi ibal kobe, i ibal kobe gariba gul yal singaba kuril di kane, ka dungwa pire wiina ero. Kirisito gun ye tere ka main konagi eringa mere, i iru ere singaba kobe to.

1 Pita 3:7

Ena ebin kobe iru di tega mere, i win kobe milinga ka iru di terala piro. I ebininbi bole si dawle mile nomanin painangwa pire ere to. Win ebin kobe para i wai wen mile mile painangal painana dire, God kal wai ere i ibal kobe tongwa, ena abal kobe niminin ta milekungwa, abalin kobi kenin wai ere to. I win kobe milinga ana di God tenanga kuunin painama dire, i iru ere to.

1 Timoti 6:1

Ena nil konagi ibal ka main pire gi dungwa milere, gun ye tere ai yebe di ibalin kobi inin singaba kobe tenangwa paamue. Iru ta ye tekenangwa, ena ibal kobe God kaan di ime ere, te na ka main nil si tobinga para yaa ime sinamue.

Epesas 5:33

Pirebinba ka dungwa i main para di i tomue. I yal kobe i inin nomanin tenga mere, i ebininbi kobe para iru nomanin tenanga paamue. Te i abal kobe i ama wiina ere wininbi kobe tenanga paamue.

Luku 23:2

Pirere ka digwane waa tere iru dungwa, “Yalini mile, ‘Kobile takis yal bil Sisa tekio,’ dire te ‘Na yal bil Kirisito miliwa,’ dire bawle ibal kobe tongwa kanebinwa.”

Maka 12:17

Yesu iru di yalin kobe tongwa, “Sisa kal dinangwa te inin baan ero. Te God kal dinangwa te inin baan ero.” Dungure ibal pire buul kunungwa.

1 Timoti 5:13

Abalin kobi ogu kebe yere sin nege erungwa main kanere ere milemue. Ere milimba, abalin kobi kal ta ki wen ere milungwa piro. Abalin kobi ka way ere ka bare ere milere, te ka ta dinangwa, ta paikungwa ka dungwa i si aine dimue.

Luku 20:22

Pirebina ena ka sirin bile i teralga, ka maan di kole ere na to. Kobile takis Orom yal bil Sisa terabinga, na yal kobe kile kaman ka main paangwa mere, si keli sirabin mo sekerabine?”

Orom 12:10

I denin miriin enan kobe tenga mere, iru ama te milo. Kaan aa te yebe ere gale deminin si tongwa main iwe, i kawn kule goma ibal taw kaan aa te yebe ere gale to.

Orom 13:6

Main para iru paangwa pire, kobile takis para tenanwe. Gabman konagi iru ere na ibal kobe na tongwa iwe, God konagi erungwa mere si aine eremia, ena kobile takis tenanga paamue.