Matyu 3:7 - Golin: God ka main buku

⁷ Parasi kobe te Sadusi kobe bole, yalin kobe taw binanbile nil bilama di pire ungwa, Yon kanere di tongwa, “I oniba gawlin milinga mere ibal digan milingi. I kal digan ere taalime eringa pirin paimia, God i sirala di erungwa ibal ena ‘Si po,’ di i tome? Si pekenanga kirara i sinangirawa.

Matyu 3:7 Referans Kwoze

Matyu 12:34

Iru paamba oniba milungwa mere, i yal kobe kal ki eringa, ‘Nomanin kama sungwa ka wai dibinwa,’ dino? Ta paikima. Nomanin suna paangwa mere ka iru dinangwa paamua.

1 Tesalonaika 1:10

Te God Wan kamin mina pisere kwi ere ime unangwa, ibalin kobi kwi paamua.” Ibal kobe i kanin diria erungwa pirebinwe. God Wan Yesu gulere alungwa God iru ere yalini tongure, te God den gule ibal tenangwa kaun u maribe nangwa, na ibal kobe gain giil iru ta pirekenama dire, Yesu aa ki di na tenamue.

Orom 1:18

Ena God kamin mina mile kal ta iru i maribe erungwa paangwa. Ibal kobe God main paangwa si kunaal sirere, te kal ki wen ere God ka main kawen dungwa si alibe erere, te ibalin kobe kal iru ere milungwa God den ki ye ibalin kobi tomue.

Matyu 23:33

I oniba gawlin milinga mere ibal digan milinwa. God ibal para ka kol ere tenangwa kaun iwe. Na pirin ta paikire, enderin de paangwa ai pekerala di pirino? Pisere, ere nanwa.

Orom 5:9

Yalini gule mayan garu di na ibal kobe na tomia, ena God kane mile, “I kabin sire wai wen milinwa,” di na tongwa milebinwe. Iru ere na tomia, ena God den gule gain giil pire ibal tenangwa kaun, na kane unin si na tenangwa, giil ta pire na tekenanguray.

Matyu 22:23

Ena kaun iray Sadusi kobe taw, Yesu milungwa gul ungwa. Yalin kobe, “Ibal gulere kwi alekinamua,” dire nil si te milungwa.

Matyu 16:6

Yesu iru di gawlima kobe tongwa, “Parasi te Sadusi kobe bole komina birete u bil ongwa mere, yalin kobe ka dinangwa sidinadi u bil nangwa, i nai kane milo.”

1 Yon 3:10

Ibal taw kobe God wan abilin milam mo, Satan wan abilin milam mo, tamintan guman kanekun erabine? Ibal ta kal wai ta erekinam mo, den miriin enin ta, ta tekenamia, ena ibal i God wan abilin ta milekenangwa paamue.

Yon Yesu guun kan ka minin ganin bilungwa 9:40

Parasi kobe taw Yesu bole milere Yesu ka iru dungwai pirere, ka iru sirin bile tongwa, “Na yal kobe para omilan gi dungwa milebingire, i ka iru dino?”

Kibiru 11:7

God kal digan ere gariba gul ibal terala dungwa, ibal ta pirekungwa kal i, di Noa tongure Noa pire gi di God tomia, ena yalini kawen dima di piremue. God ka dungwa, Noa pire wiina ere sipe ta baale ere yere, yalini te ebin te gaan kobe sipe ala pi milere, ta gulekire wai milemue. Yalini kal iru u maribe nangwa pire gi dimia, ena gariba ibal para pirin pai tongure, te God Noa pire gi dungwa main kane, “Kabin sire wai wen milinwa,” di tomue.

Aposel 26:5

Parasi yal kobe ka main nen na iru ware milega, yalin kobe goma te malia para kanere, di maribe eramba.

Aposel 20:31

Iru diga i yal kobe kanekun ere milo. Na me erin sutakobe girungwa taangwa kay miire bubin ka di i yal para tega nomanin si piro.

Aposel 15:5

Tomba Parasi taw kobe pire gi dungwa yal milungwa, alere dungwa, “Yuda milekungwa ibal gain bile erangwa kuunin paimua. Ena ‘Mose kile kaman ka dungwa mere, para wiina ero,’ di tenangwa paamua.”

Aposel 5:17

Ena Yuda ka main kenin erungwa yal bil te yalini gawlima kobe Sadusi ibal milungwa, para san bale nusi erungwa ongwa yal kobe, Aposel tere

Yon Yesu guun kan ka minin ganin bilungwa 8:44

I ibal kobe i nenin Satan milemua. Yalini kal ki erala di pirungwa mere, i para erala di pirinwa. Kamin kaya wen yalini ibal si gulungwa yal mile, mili ongwa ongwa malia para iru milemua. Yalini kawen ta dekungwa, ena kalkan para kawen dungwa yalini i gibilin mui kol yomua. Yalini kakiibi dungwa kobaan milungwa, ena inin main paangwa mere kakiibi morin morin dimua.

Yon Yesu guun kan ka minin ganin bilungwa 1:24

Dungure ena Parasi kobe taw nusi erungwa ungwa yalin kobe suna milere,

Luku 18:11

Parasi inin baan ta milere, ana dire iru dungwa, ‘O God, ibal kobe para kunibe nerere, te ki erere, te abal kunibe irere, te kal main iru erungwa i, na ta erekiwa. Te kobile moni takis ingwa yal milungwi ime, kal ki erungwa mere, na ta erekiga, ena i maki ye teiwa.

Luku 16:14

Ka dungwa i Parasi kobe pirere, kobile moni aa te nongwa wai piremia, ena ebi mi Yesu tongwa.

Luku 7:30

Tomba Parasi kobe te kile kaman ka nil si tongwa yal kobe bole, “Nil bile na to,” di Yon tekemia, ena Yesu ka dungwa i pirere God kol ta i maribe ere tongwa i gibilin mui kol yongwa.

Maka 12:18

Ena Sadusi kobe mile, “Ibal gulere kwi alekinamua,” dire nil si tongwa yalin kobe, kaan Sadusi Yesu milungwa gul urere ka sirin bile iru di tongwa,

Maka 12:13

Ena Parasi taw kobe te Kerodi gawlima kobe para, Yesu bawle tenama dire Yesu kaymin ibal nusi erungwa.

Maka 8:15

Yalini kan tere iru di yalin kobe tongwa, “Parasi te Kerodi, yalin kobe komina birete u bil ongwa mere, yalin kobe ka dinangwa sidina di u bil nangwa, i nai kane milo.”

Matyu 22:34

Yesu ka paangwa mere gi dire dimia, ena Sadusi kobe sime milungwa. Milungure Parasi kobe pirere u ku bilungwa.

Matyu 22:15

Ena Parasi kobe pirere, Yesu ka dungwa paikungwa pire, kela kule bawle terala dire di paalungwa.

Matyu 12:24

Dungure Parasi kobe pirere iru di tongwa, “Sia bil wen kaan Bielsebul, Yesu nomanin suna milere aa ki di tongure, sia maa si mena eremua.”

Matyu 5:20

Yuda ka main ka nil si tongwa yal kobe, te Parasi kobe God ka dungwa wiina erungwa mere i iru eranga, tamama. I wiina wen ere tenanga ena God kenin ere ke milungwa ai suna nanwa.

Kibiru 6:18

God aan kere yere, te maabin mina aa taw sungwa, kalin sui bole u taran omia, ena kalin sui i u main ta pekire God kakiibi iru ta di ibal tekenangwa paamue. Iru paimia, ena na ibal kobe pi yalini kulebingire, kuman kine na tongwa, na ibal kobe mile, “God kal iru ere na teralwa,” di na tongwa aa gi di pirabina dibingire, yalini yobilaan bile na tomue.

Matyu 15:12

Dungure gawlima kobe ure iru di tongwa, “Maliagira i ka dingi, Parasi kobe nigi de pire milungwa, i pirino?”

Matyu 16:1

Ena Parasi te Sadusi kobe taw, Yesu milungwa gul ungwa. Urere, “Na yal kobe i main pirabina dire, kamin mina kal guman kwi dungwa ta i maribe ere na tenanga kanabinwa,” dire yalini sua i kanungwa.