Matyu 23:13 - Golin: God ka main buku

¹³ “Yuda ka main nil si tongwa yal kobe te Parasio, i miriin kaale tongwa yal milingiwe. God kenin ere ke milungwa ai sipere dire i ala pekire, te ibal ala nala di omba, i manaa di tenga ena gain giil piranwa.

Matyu 23:13 Referans Kwoze

Luku 11:52

“Eke, Yuda kile kaman ka nil si tongwa yal kobe milingiwe. Ka main i inin pirala di pire ki milin aa girin di mile kol yawle ibal kobe ta tekinwa. Tekinba i ala ta pikire, te ibal ka main pirala di omba, i manaa di tenga ena gain giil piranwa.”

Matyu 23:29

“Yuda ka main nil si tongwa yal kobo, te Parasio, i miriin kaale tongwa yal milingiwe. God ka kebe yal kobe gulungwa, kobile giraan ai wai dungwa ere yere, te kabin sire wai wen milungwa ibal kobe gulungwa, maul wo yere ogu wai ki tere

Matyu 23:27

“Yuda ka main nil si tongwa yal kobo te Parasio, i miriin kaale tongwa yal milingiwe. Gal pege mere sigi di waringire, ibal mile wai wen milema di i kanimba, i nomanin suna gule daalin simua.

Matyu 23:23

“Yuda ka main nil si tongwa yal kobe te Parasio, miriin kaale tongwa yal milingiwe. Komina kaa kawi sinangwa kal i taw anan kole kole muru yere, taranta God tenwa. Kal i megemaaga mere tenba, kile kaman ka u maribe ongwa nomanin si ala ere wiina ere tekinwa. Kile kaman ka u maribe ongwa iru paamia. Ibal kenin ere tere, te miriin wen pire tere, te aa te wai ere tere, kal iru paangwa mere kuunin ere wiina ere tenanba, ka megemaaga iray para wiina ere tenanwa.

Aposel 8:1

Ibal kobe Sitiben si gulungwa Sol, “Para paimua,” dungwa. Are kaun ta iray ibal kobe kal main nigi dongwa ere Yerusalem ai ka main ibal taminin tere, binanbile sirere ere milungwa. Ere milungure pire gi dungwa ibal para Yudia gariba te Sameria gariba u sutaw ongwa. Nusi erungwa ongwa yal kobe, Aposel, tawle Yerusalem ai mile paingwa.

2 Timoti 4:15

Ka main dibinga, yalini kaymin paale na ibal kobe na tomia, ena yalini milangwa i nai kane milo.

2 Timoti 3:8

Yanis te Yambiris yal sui, kaymin paale Mose tongwa mere, yalin kobi kan diga i, kaymin paale ka main kawen dungwa tomue. Yalin kobi nomanin gule daalin sungure, te ka main pire gi dungwa, main i pirungwa ta paikimue.

Aposel 13:8

Gia erungwa yal kaan Giriki ka paingwa Elimas, kenin erungwa yal bil pire gi dekenama dire, yalini yal sui bolebilin di tongwa.

Aposel 5:40

Yalini ka dungwa yal kobe pire wiina erere, “Nusi erungwa ongwa yal kobe, Aposel, ere wo,” di gala dungure, ungure kuba aa tere sire di yobilaan bile iru di tongwa, “Yesu guun kan kwi ama ibal kobe di tekio.” Dire kan gule erungure yal kobe ere ongwa.

Aposel 5:28

“‘Yesu ka main nil si tekio,’ iru di i tobinba kano. Yerusalem ibal kobe para muru di tengire kaya piremua. Yesu gulungwa na pirin painama dire iru erinwa.”

Yon Yesu guun kan ka minin ganin bilungwa 9:34

Dungure yalin kobe ka di kole ere iru dungwa, “I nenin manin kal digan ere taalime erungwa i kule yongure, i omilin gi dungwa milinga iwe, i iru mile ka nil si na yal kobe terala di pirino?” Dire pare Yuda ka main ogu kirara pi mena mile painama dire, yalini aa nusi mena erungwa.

Yon Yesu guun kan ka minin ganin bilungwa 9:24

Dungure ena Parasi kobe goma omilin gi dungwa yal, “Kwi ere wo,” di gala dungure, ungure ka iru di tongwa, “God milemia, i maabinin mina sire kirara kawen dinanga di na to. Yal iray kal digan ere taalime erungwa yal milungwa kanebinwa.”

Yon Yesu guun kan ka minin ganin bilungwa 9:22

Yalini nen man Yuda ibal yal singaba kobe kuril pire tomia, ena ka iru di tongwa. Yuda ibal yal singaba kobe ka iru di paalungwa, “Yal ta Yesu milema di pire, ‘God konagi erungwa yal Kirisito milemua,’ dinangwa, ‘Yuda ka main ogu para pi mena milamua,’ di terabinwa,” dungwa.

Matyu 23:25

“Yuda ka main nil si tongwa yal kobo te Parasio, i miriin kaale tongwa yal milingiwe. I sin kabe te pele bala mena kol bigin singa mere, i gaynin bigin sinwa. Sinba kakiibi dire kunibe nere, nomanin gule daalin simua. Simia ena gain giil piranwa.

Matyu 3:7

Parasi kobe te Sadusi kobe bole, yalin kobe taw binanbile nil bilama di pire ungwa, Yon kanere di tongwa, “I oniba gawlin milinga mere ibal digan milingi. I kal digan ere taalime eringa pirin paimia, God i sirala di erungwa ibal ena ‘Si po,’ di i tome? Si pekenanga kirara i sinangirawa.

Matyu 23:16

“Ibal awli enga yal kobo, omilin gi dungwa milingiwe. Ayo, i gain giil piranwa. Ka nil si tengi, i iru dinga, ‘Yal ta Yuda ka main ogu bil pire maabin mina sire, kal ta iru eralwa dinangwa, ka milin ta paikimua,’ dingiray. Dinba, ‘Ka main ogu bil ain yobilagi gol egin galungwa pire maabin mina sire, kal ta eralwa dinangwa, ena milin paamua,’ dingiray.