Matyu 18:3 - Golin: God ka main buku

³ Yesu iru di yalin kobe tongwa, “Na kawen dirala piro. I nomanin suna si kiruul sikire u gamege mere pekenanga, ena God kenin ere ke milungwa ai suna ta pekenanwa.

Matyu 18:3 Referans Kwoze

1 Pita 2:2

Abal gaan mege malia kule nongwa, man amin niriin nerala di pirungwa mere, i ibal kobe ka main milin iru nerala di piro. Nenanga God Iban i aa ki di tenangure, u ibal mere pire sigare kule u wai nanwe.

Matyu 19:14

Yesu iru dungwa, “Gamege kobe na miliga gul urala di unangwa, i iru kobaan si tekio. Gaan iru milungwa God kenin ere ke milungwa ai ali painamua.”

1 Korin 14:20

Na enan kobe, i nomanin si piranga, gamege nomanin si pirungwa mere, i iru ta nomanin si pirekio. Kal ki erungwa main gamege ta pirekun erekungwa main i, iru ere milo. Milanba ibal nomanin paangwa mere, i iru mile nomanin si pirekun ere milo.

Yon Yesu guun kan ka minin ganin bilungwa 3:5

Yesu maan dire dungwa, “Kawen dirala piro. Yal ta God kenin ere ke milungwa ai nangwa, man kule yerere, te God Iban para kule yenangwa paamua.

Yon Yesu guun kan ka minin ganin bilungwa 3:3

Yesu maan dire dungwa, “Kawen di terala piro. Yal ta gamege mere nangure, God kwi kule nenangwa, ena God kenin ere ke milungwa ai kanamua.”

Luku 13:24

“Kana giran megemaaga dungwa kol i, i yal kobe nala dinanga, konagi nega di ero. Ibal binanbile kol mege dungwa kol i, nala di eramba, ta paikinamua.”

Aposel 3:19

I ibal kobe kal digan ere taalime eringa God kire di erama dire, nomanin suna si kiruul sire God bole pena galo. Iru eranga wai wen milangire God pilaan pai i tere, te yalini Wan Yesu paale suna ere i tongure, Kirisito milungwa eme kwi nusi ere i tenamua.

Aposel 28:27

Nomanin paikungwa milungwa kiraan gi di milere, omilin gi di milemua. Iru erekinangwa, omilin kanere kiraan pirere nomanin painamba, yalin kobe nomanin si kiruul sire God nomanin tegi dinangwa, yalini yalin kobe pilaan pai tenamua.’”

Yon Yesu guun kan ka minin ganin bilungwa 1:51

Dire ainere ka iru dungwa, “Na kawen dirala piro. Eme kamin ai kawa ala di kole kole nangure, aw dinangure God angel kobe Na U Ibal Obinga Yal miliga gul ere ime ure, kwi wi yebe nangwa kananwa,” dungwa.

Matyu 5:20

Yuda ka main ka nil si tongwa yal kobe, te Parasi kobe God ka dungwa wiina erungwa mere i iru eranga, tamama. I wiina wen ere tenanga ena God kenin ere ke milungwa ai suna nanwa.

Luku 22:32

Kal iru eramba, i pire gi dinga pisere erekinana dire, ana di God teiwa. I nomanin kwi si kiruul sire na kwi kulanga, ena i enin taw kobe yobilaan bile to.”

Maka 4:12

‘Ibal mena milungwa ka di bile dungwa imore pire kanimba wai wen ta kanekinamua, te kiraan pirimba pire bawa dikinamua. Wai wen kane pire bawa dinangwa, ena nomanin si kiruul sinangure, te kal digan ere taalime erungwa pirin paangwa, i gule ere tenamba.’”

2 Pita 1:11

I ibal kobe kal main iru duulin bilanga, ena aa ki di inin ibal kobe tongwa yal, Singaba Yesu Kirisito yalini kenin ere ke milangwal milangwa ai pi suna milana dire, “Suna po,” di i tenamue.

Aposel 14:22

Pire gawlima kobe pire gi di nima pire milama dire, ka iru di tongwa, “Pire gi di milangal milo.” Dire iru nil si tongwa, “God kenin ere ke milungwa ai suna nabinga, goma giil binanbile pire eme suna nabinwa.”

Matyu 19:23

Ongure Yesu iru di gawlima kobe tongwa, “Na kawen dirala i piro. Bona binanbile aa te nongwa ibal, God kenin ere ke milungwa ai suna nangwa, nega wen dinamua.

Matyu 13:15

Nomanin paikungwa milungwa, kiraan te omilin para gi di milemua. Iru erekinangwa, omilin kanere kiraan pirere nomanin painamba, yalin kobe nomanin si kiruul sire God nomanin tegi dinangwa, yalini yalin kobe pilaan pai tenamua.’

Matyu 6:16

“Ena kaun ta i God nomanin si pire komina mawal ere milanga miriin kaalungwa yal kobe komina mawal ere guman yaangwa mere, i iru erekio. Ibal kobe na kanama dire, kenan gulungwa mere guman iru kule suna kobi wari omua. Ongure ibal kobe wai pire yalin kobe tongwa, ena tobe kaya imia nomanin si pire milo.

Matyu 6:5

“I ana di God tenanga miriin kaalungwa yal kobe erungwa mere erekio. Yalin kobe ibal na kanama dire, ka main ogu ala te kol bine bane ale mile, ana konagi ere milemua. Ibal kobe yalin kobe kaan aa te yebe erama dire, iru erungwi. Yalin kobe tobe kaya imia, i nomanin si pire milo.

Matyu 6:2

Kal ta aa te nekungwa ibal kobe, i aa te wai ere tenanga, ibal kobe na kanama dire, erekio. Ka main ogu ala te kombil binan, miriin kaale tongwa ibal kobe iru erungure, ibal kobe kaan gale yebe eremua. Erimba, ibalin kobe tobe kaya imua. I nomanin si piro.

Matyu 5:18

Ka ta dirala nomanin si suna yeyo. Mose kile kaman ka dungwa para muru imo di painangwal painangwa, ena minin ganin taran wen ta yaa ime ta sekenangwa. Kalkan para wen wei sinamia ka i para wei sinamua.

Matyu 18:2

Dungure gamege ala dire, “Wo,” dungure ungure, gawlima kobe milungwa suna alungure

Matyu 18:4

Yal ta nomanin yaa ime sire gamege mere mile u main nangwa, ena yalini God kenin ere ke milungwa ai suna singaba mile goma yenamua.