Luku 6:47 - Golin: God ka main buku

⁴⁷ Ibal kobe na miliga gul ure na giranan wiina pai tenangwa, ena yalini milungwa mere main di maribe ere terala piro.

Luku 6:47 Referans Kwoze

Luku 11:28

Dimba Yesu maan dire iru dungwa, “I iru dinba, ibal kobe God ka dungwa pire wiina ere tenangwa, miriin go painamua.”

Yon Yesu guun kan ka minin ganin bilungwa 14:15

“Ena i yal kobe den miriin na tenanga, ena na kile kaman ka di i tega wiina eranwa.

Yemis 4:17

Te yal ta kal wai iru erala di pirimba, iru ta erekinangwa, ena yal i kal digan ere taalime erungwa pirin paimue.

Matyu 12:50

Na Abe kamin mina milungwa, giraan wiina pai tongwa ibal kobe iwe, ena ibalin kobi na kebinanbi te alanbi te na mina mere milemua.” dungwa.

Yon Yesu guun kan ka minin ganin bilungwa 13:17

Ka di i tega main piringa, ena wiina eranga miriin painamua.

1 Pita 2:4

Ena i ibal kobe Yesu Singaba bole pena gale milana wo. Na ibal kobe kwi imo milebinga, komin kanin yalini taran milemue. Ogu kiingwa eri ta piserungwa mere, yalini para iru milimba, God yalini paale suna ere ire, “Tobe maa yebe pi biliwa,” dimue.

Kibiru 5:9

Yesu God giran pire wiina ere tongwa para kuunin pai milungwa kaun, ibal kobe Yesu giran pire wiina ere tongwa, ena ibalin kobi sigare kule u wai pire mile painangwal painama dire, Yesu kal iru ere ibalin kobi tenangwa paamue.

Rebelesen 22:14

Kwi milungwa eri milin nerala dire, te ogu ain iray kana giran pi ala nala dire, ibal kobe galsuna bigin sungwa mere, God ka dungwa pire wiina eremue. Iru ere milungwa ibal, wai pire miriin painamue.

Luku 14:26

“Ibal kobe na miliga gul ure na gawlimanan milala di pirangwa, ena ibal iwe. Ibalin kobe mile nenin manin te ebinin te wanin abilin te kebinin abinin te ibalin kobi inin pire, gibilin mui kol yekenangwa, ena na gawlimanan kobe ta milekenamua.

1 Yon 3:7

Na kule yega kobe, ibal ta kakiibi dire i bawle tenamba, ka dinangwa i, i ta pirekio. I inin niminin milo. Kirisito kabin sire wai wen milungwa mere, ibal ta kal wai erangwa, ibal i para kabin sire wai wen milangwa paamue.

1 Yon 2:29

Kirisito kabin sire wai wen milungwa, i ibal kobe iru kaninga, ena ibal kobe kabin sire kal wai erungure, God ibalin kobe kule yongwa milungwa para kananwe.

Yon Yesu guun kan ka minin ganin bilungwa 10:27

Bolima siipe siipe kobaan ka dungwa naan pirungwa mere, na ibalan kobe ka diga naanan pirungure, na ibalan kobe pirekun eria na munan kol duulin bile umua.

2 Pita 1:10

Iru diga paamia, ena God, “I na duulan bilana wo,” dire te i ibal kobe paale suna ere ingwa main, i ibal kobe kirara wen kanabina di pire, konagi nega di ero. Kal main di i tega i eranga, ena i ibal kobe yaa main ta sikinanwe.

Yon Yesu guun kan ka minin ganin bilungwa 6:37

Na Abe ibal kobe na tenangwa, ibalin kobe para na aa gi di piramua. Ibal kobe na aa gi di pirangwa, ena na ibal wen ta pisere erekiralwa.

Yon Yesu guun kan ka minin ganin bilungwa 6:35

Dungure Yesu ka iru di tongwa, “Ibal kobe mile painangwal painangwa na komina mere miliwa. Ibal kobe na aa gi di pire milamia, ena na ka main i para paima di piramua. Te ibal kobe pire gi di na te milamia, ena main ta paikungwa ama para pirala pirekenamua.

Yon Yesu guun kan ka minin ganin bilungwa 5:40

Paamba i mile painangal painanga, te na i kenin erabina di erebinba, i manaa di na tenwa.

Luku 8:13

Milin taw yaa kobile bolimina sungwa mere, ibal iru milemua. Ka main pirere wai pire miinin maamba, dulaanin ikire baan tawlita pire gi dire, kiraan sire bawle tenangwa kaun u bawa dungwa, ka main mun kol eremua.

Luku 8:8

Milin taw gariba wai dungwa gul yaa sirere, gune di maare arin sire milin kule sulu dimua. Dire erin ta milin binanwenbile wan kandret, paimua.” Yesu ainere dungwa, “Ibal kiranin gi dekemia, kiranin gule piro.”

Matyu 17:5

Ka i di milungure kawa ta naabilungwa yobile suna erungure kawa ye suna erungwa ali ka ta iru dungwa, “Yalini na Wanan taran milemia nomanin wai tere, gun ye teiwa. Yalini ka dungwa piro.”

Yon Yesu guun kan ka minin ganin bilungwa 8:52

Dungure Yuda ibal yal singaba kobe ka iru di yalini tongwa, “Ebarakam gulungure, ka kebe yal kobe para gulimba, i ‘Na ka diga wiina erangwa, wen ta gulekinamua,’ dinga i sia ta denin miriin suna milungwa, malia kawen kanebinwa.

Luku 6:48

Yal ta ogu iru kiingwa mere yalini iru milemua. Yal i ogu main balere ogu dimin wai gul ogu kiimua. Kiimia ena nimin sire nil simba, ogu mama wen kiingwa si suule erekimua.