Luku 12:33 - Golin: God ka main buku

³³ I kul gal bona para ibal tere kobile moni inanga, aa te nekungwa ibal kobi obin si to. Kalkan imo di painangwal painangwa aa gi do. Kamin gul bona gana dungwa gul i daibe daibe do. Dinanga u mege ta pikinangure, ibal ala pire kunibe nekenangure, te gunagaan para ta nekenamua.

Luku 12:33 Referans Kwoze

Matyu 19:21

Dungure Yesu maan iru di tongwa, “I ibal dimi di milala di piranga, ena i pi bona aa te nenga ibal tere kobile moni ire aa te nekungwa ibal obin si to. Tenanga kamin gul bona gana aa te nere ure, na munan kol duulin bilo.”

Luku 18:22

Dungwa i, Yesu pirere ka iru di tongwa, “Kal ta i erekinga, kal i eranga painamua. Pi i bona aa te nenga ibal tere, kobile moni ire aa te nekungwa ibal obin si to. Tenanga kamin gul bona aa te nenanwa. Nere ure na munan kol duulan bilo.”

Aposel 2:45

Bona gana te gariba aa te nongwa, ibal tere kobile moni ire obin si, kal aa te nekungwa ibal tongure kuunin kuunin milungwa.

Luku 16:9

Dire Yesu ka ta ainere iru dungwa, “Ka ta di i terala piro. I ye nenga ibal kobe milama dire i kobile moni kire di yenga, obin si ibalin kobe to. Te piseranga ena kamin ai mile painangal painanga aa tekun ere i tenamua.

Luku 12:21

Ibal kobe bona gana inin aa te nenangwa, binanbile kire di yuungwa para iru milamba, aa te nekungwa mere milema di God iru piremua,” dungwa.

2 Korin 8:2

Ibalin kobi ka main pire gi dungwa u main nam mo, wi yebe nam mo, kanama dire, gain giil bilkaw pirimba, ibalin kobi miriin wen paimia, ena kobile moni i ku bile te kora kule Yudia ibal tomue. Ibalin kobi kulgal bona aa te nekimba, iru tomue.

Yon Yesu guun kan ka minin ganin bilungwa 12:6

Dire bona gana aa te nekungwa ibal miriin pire tekire, kunibe nongwa yal milemia ena ka iru dungwa. Gawlima kobe kobile moni gal taran gule yongure, yalini kenin erimba, kamin kaun kaun kunibe ne nere milungwa.

Luku 11:41

I kalkan obin si imore tenanga mere, i nomanin te den miriin tenana ena nomanin naabilamua.