Kibiru 4:14 - Golin: God ka main buku

¹⁴ Ena ka iru diga paamia, ka main pire gi dire ka di gawa dibinga, ka main i aa gi di pire milabino. Iru milabinga iwe, ka main kenin erungwa yal bil milungwa mere, yalini yal singaba iru mile pi God milungwa gul pire, na ibal kobe kenin ere na te milemue. Ere milungwa yalini iwe, God Wan Yesu milemue.

Kibiru 4:14 Referans Kwoze

Kibiru 9:24

Wi yebe nangwa iru. God ogu ta painama dire, ibal ka main ogu kiingwa, kamin ai mere kiingwa, Kirisito ogu iray pi ala ta pekemue. Ta pekire yalini kirara kamin ai ala pirere, God milungwa mina na milebinga pire, ka sirin bile God tomue.

Kibiru 12:2

Na ibal kobe pire gi di God tobinga main iwe. Pire gi dibinga main i, Yesu kawn kule ere na tere, te pire gi di God te milabingal milabina dire, Yesu kal para iru ere na ibal kobe na tomue. Iru ere na tomia, ena Yesu nomanin tegi di milabinga, ena mile pai wai ere milabinwe. Yalini gain giil pirangure pare, miriin pai milala di piremia, ena eri pera mina si gulungwa, “Para paimua,” dire te “Gay gule milalga ta maakimua,” dimue. Malia yalini God kenin ere ke milungwa bol guman mina amin di milemue.

Kibiru 10:23

God mile, “Kal wai ere i teralwa,” dire aan kere ye na ibal kobe na tongwa, kirara iru u maribe nama di pirebinga, ena ka main pi tegi yere di gawa dibinga main i, aa gi di pire milabinwe.

Kibiru 9:12

Kirisito kamin ai ali pire Yuda ka main ogu bil kegemama yongwa mere, God milungwa mina ginin taranta tawle pi milemue. Pi milungwa kaun i, yalini bolima meme te bolimakau gawlin sire mayan God terala dire, ire pekimba, yalini inin mayan garu di tere pi milemue. Na ibal kobe sigare kule u wai pi milabingal milabina dire, yalini inin mayan garu di tere pi milemue.

Kibiru 6:20

Iru milebinga iwe. Yesu goma ain iray ere ala pire aa ki di na terala dire, pi milemue. Pi milere ka main kenin erungwa yal bil mile painangwal painangwa, Melkisedeke konagi iru erungwa mere ere milamue.

Epesas 4:10

Ere ime ungwa yal, te ere yebe ongwa yal, yal taran wen milemue. Ere yebe ongwa yalini kamin mina wen ibe pire, kamin te gariba para muru kobaan mile, kenin ere ke milala dire omue.

Orom 8:34

“I pirin paimia, gain giil piranwa,” dire ibena ka iru di na tename? Kirisito Yesu ka iru di na tekenangwi, yalini gulimba, God aa tongure kwi alere God guman kol milemue. Milere aa ki di na ibal kobe tenama dire, kaanan pire ana di God tomue.

Kibiru 3:14

Te Kirisito bole pena gale u taran pire milebilga main iwe. Goma na ibal kobe kawn kule Kirisito pi tegi yobinga, aa gi di pire milabingal milabinga main paamue.

Kibiru 2:17

Yalini aa ki di ibal terala dungwa, ena yalini u ibal nama dire, God iru pire dimue. U ibal ongwa iwe, yalini God ka main konagi kenin erungwa yal bil milama dire, te miriin pire ibal tenama dire, u ibal omue. Ibal kobe kal digan ere taalime erungwa, God pirin i gule ere ibalin kobi tenama dire, Yesu konagi iray ere milemue.

Kibiru 10:12

Pirin gule ere tekenangwa paamba, ibal kal digan ere taalime erungwa, pirin gule ere tenama dire, Kirisito kamin kaun ginin taranta yalini inin miin mayan si gulama di pire God tomue. Iru tongwa main iwe. God kanere, “Kal main erungwa i, imo di painangwal painamua,” dimue. Te Kirisito iru erere pare, yalini pi Nen God aan wen kol amin di milemue.

Kibiru 8:1

Ena ka di i tega, main wen kwi di i terala piro. Ka main kenin erungwa yal bil ta mile, naanin wen paangwa yal, God guman mina Yesu amin di mile, na ibal kobe milebinga i pire, ka sirin bile God tomue.

Aposel 1:11

iru dungwa, “Galili nen kobe, i tameran kamin mine imore tena yuulin bile kane miline? Yesu iray i milinga gul piserungure God awli kamin mina omua. Yalini kamin mina ongwa mere kwi ere ime unamua.”

Kibiru 1:8

Angel kobe mile pai erungwa mere ka iru dimba, yalini Wan milungwa mere ka iru dungwa, “God yo, i kenin ere ke mile milangal milanwa. Main kirara kawen paangwa mere pire, kenin ere ke mile milinwa.

Aposel 3:21

Tenamba, ‘Malia Yesu kamin ai milungure na kalkan para wen kwi ere yeralwa,’ dire God goma wen iru di ka kebe yal kobe kabin sire wai wen milungwa tongure, ka kebe yalin kobe bolin kule tongwa mere u maribe nangure pare, Yesu kwi gariba gul unamua.

Luku 24:51

Ka di te milungwa kaun i, God yalini awli pi ere kamin mina ongwa.

Maka 16:19

Ena Yesu Singaba ka di pisere God aa ki di yalini tongure, ere kamin mina ongwa. Pirere God aan wen kol amin di milungwa.

Kibiru 2:1

Ena ka diga main iru paamia, ena Yesu ka main di na tongwa aa gi di pire milabinwe. Ka dungwa i pisere main ta duulin bile ta warekirabina dire, aa gi di pire milabinwe.

Maka 1:1

God Wan Yesu Kirisito, yalini guun kan kawn kule u maribe ongwa.

Matyu 4:3

Kiraan sire kela kule tongwa yal Satan, Yesu milungwa gul urere iru dungwa, “I God Wan kawo milanga, kobile i, u komina birete nama dire i ka di kobile i to.”

2 Korin 9:13

I aa te wai konagi eranga, ena ibal kanere i ka main pire gi dinga, kawen kirara paama di piramue. Pirere God kaan ai yebe di terere, deminin si yalini tenamue. Kirisito guun kan tawle di gawa dinanga, taman. Yalini ka dungwa mere, pire wiina ere, kalkan aa te nenga, obin si ibalin kobi te ibal para tere te kora kule tenanwe.

2 Korin 12:2

Yal ta Kirisito bole pena gale u taran pi milungwa, yalini me erin anan kole kole muru kawnan milin sui sui goma milungure, God yalini awli kamin ai wai wen ongure milemue. Milungwa iwe. Yalini kirara wen ai iray om mo, yalini ul kiibi tawle kanim mo, na pirekun ta erekigire, God piremue.

Kibiru 3:1

Ena iru diga paamia, kabin sire dorimil mile nomanin naabilungwa ka main enan kobe, kamin ai God i bole milana dire, “I wo,” dire gala di i tomue. Yesu milungwa main i pire nomanin suna yeyo. Na ibal kobe ka main di gawa dibinga, Yesu ka main i kenin ere milungwa yal bil milama dire, God yalini nusi ime eremue.

Kibiru 6:6

te kal main iru kane pirimba, ka main i pisere mun kal waa tere God Wan eri pera mina nil bili sire si gulungwa mere, ibalin kobi iru erere, te ka di sutaw ere yalini tomia, ena kwi nomanin suna si kiruul sikire, sigare kule u wai ta pekenangwa paamue.

Kibiru 7:3

Melkisedeke nen man te yalini sanamoi gilekume main paangwa, ka minin ganin ta di maribe erekimue. Te yalini kule nongwa kaun te gulangwa kaun, para di maribe ta erekimue. God Wan, Yesu, ka main kenin erungwa yal mile painangwal painangwa milungwa mere, Melkisedeke para iru kuunin milemue.

Kibiru 10:29

Ibal ta kal iru erangwa si gulamba, ibal ta kal main iru di i teralga pire erangwa iwe. Ibal ta God Wan mun kal waa terere, te Kirisito ka wai di bole pena gale ibalini terala dire, mayan garu dungwa nomanin naabile tomba, ibal i, “Yalini kal erungwa paikimua,” di terere, te ibal kal wai ere ibalini tomba, ibalini gain ka si God Iban terere, te ibalini kal iru erangwa, ena gain giil bilkaw pire ibalini tenangwa paamue.

1 Pita 3:22

Yesu Kirisito kaya ale ere kamin ai pirere, God aan wen kol milemue. Milere angel kobe te kamin ai singaba ibal te kamin ai yobilaan bilungwa ibal, yalini ibalin kobi malia kenin ere ke milemue.