Kibiru 11:13 - Golin: God ka main buku

¹³ Ena ibalin kobi pire gi di God te milungwa gulemue. God, “Kal iru ere i teralwa,” dungwa mere, u maribe pi ibalin kobi ole ta tekungure gulimba, ibalin kobi eme u maribe nama di pire miinin maare ka iru dungwa, “Na ibal kobe gariba gul milebinga, gariba baan ta ibal mere milere baan ta nabinwa,” dimue.

Kibiru 11:13 Referans Kwoze

Kibiru 11:27

Yalini pire gi di God tomia, ena Isipi gariba gul pisere Isirel ibal awli omue. God milungure, ibal yalini ta kanekimba, Mose yalini kanere yobilaan bile milemia, ena Isipi yal bil den gule yalini tongwa, kuril ta pirekemue.

Yon Yesu guun kan ka minin ganin bilungwa 8:56

I yal kobe sanamoi gilekume Ebarakam, na gariba gul uralga kaun na kanala di pirere, ena na kane pisere wai wen pire milemua.”

Kibiru 11:39

Ibalin kobi kan digi, pire gi di God tomia, ena God mile, “Ibalin kobi mile pai erungwa wai paimua,” di tomue. Iru mile pai erimba, God “Kal wai iru ere i teralwa,” dungwa mere, u maribe pi ibalin kobi ta tekungure milemue.

Epesas 2:19

Ena kal iru erungwa paamia, malia i gariba baan ta ibal ta milekingi, God ibalin kobe milungwa gul suna i milere, te God wan abilin milinwe.

Orom 8:24

Suul milere God kal wai ere na tenama di pirebingire, God aa te pilaan pai na tongure, u wai obinwe. Dimba kal ta kanebinga kal i, u maribe nama di pire, suul milabino? Suul ta milekerabinwe. Kal ta kanekibinga kal i, u maribe nama di pire, suul milebinwe.

1 Pita 2:11

Na ye nega kobe, i gariba gul milinba, baan ta ibal milinga i kiranin aa tere iru di teralga, i gaynin kal piringa maangwa mere erala dire, miriin kabin paangwa pisero. Kalin dungwa i, kura bile i nomanin te ibanin tomia, ena pisero.

1 Pita 1:17

Ibal kobe kalkan erungwa mere kanere, God ka kol ere ibal tongwa, ibal kuunin kuunin milema di pire ere tomue. Iru tere milamia, ena i ibal kobe ana di God tere, “Na Abe,” di tenanga kaun, i gariba gul abila imo mile painanga kaun i deminin si gun ye God tenanga paamue.

1 Yon 3:19

Iru ere milabinga, ena God ka main ibal milabina di pirere, te God guman mina milebinga pire oliba sire niminin mile milabinwe.

Matyu 13:17

Kawen di terala piro. I kalkan kanere te piringa mere God ka kebe yal te kabin sire wai wen milungwa yalin kobe para, kanala di pirimba, ta kanekimua.

Yon Yesu guun kan ka minin ganin bilungwa 12:41

Kirisito yobilaan bile niminin milungwa Aisaya kanere, Yesu milungwa mere ka iru di maribe erungwa.

2 Korin 4:18

Inan kalkan omilan kanebinga i, guman mina ta yekebinba, kalkan te main inan omilan ta kanekibinga, ena kal main i, na ibal kobe i guman mina yobinwe. Kalkan omilan kanebinga, kaun tawliga dinangure wei sinamba, kal main ta kanekibinga, eme imo di painangwal painamue.

2 Korin 5:6

Kal iru eremia, ena na ibal kobe yobilaan bile niminin mile paabinwe. Malia gaynan yobilagi kule milebinga kaun, God Singaba gaynan kwi kule na tekema di pirebinwe.

Kibiru 11:14

Ibal iru mile ka iru dimia, ena gariba ta inin kobaan milabina dire, waa duu milema di kanebinwe.

Kibiru 11:17

Ena God Ebarakam suan kanungwa kaun Ebarakam pire gi di God tomia, ena yalini inin wan Aisaka si gale God terala di eremue. God, “Kal iru ere i teralwa,” dire aan kere ye Ebarakam tomba, Ebarakam wan taran si gale God terala di eremue.

1 Pita 1:1

Na Pita mile Yesu Kirisito nusi erungwa ongwa yal, Aposel, na milere, ka minin ganin i bile God paale suna ere ingwa ibal kobe milinga i teiwe. I ibal kobe garibanin pisere u sutaw pire Pontas gariba gul te Galesia gariba gul te Kapadosia gariba gul te Esia gariba gul te Bitinia gariba gul gariba iru pi milinwe.