Kibiru 1:11 - Golin: God ka main buku

¹¹ Kalkan para ere yenga kobi, kamin kaun ta kirara wei sinamba, i imo mile painangal painanwa. Gal bali sire u golin ongwa mere, kalkan kobi para iru namua.

Kibiru 1:11 Referans Kwoze

Maka 13:31

Kamin te gariba wei sinamba, na ka dibinga wei ta sikire di painangwal painamua.

Rebelesen 21:1

Ena na iru kanigire pare, kamin te gariba te pirin nil wei sungure, kamin te gariba ta kwi u maribe ongwa kaniwe.

Luku 21:33

Kamin te gariba wei sinamba, na ka dibingai, wei ta sikire di painangwal painamua.

Matyu 24:35

Kamin te gariba wei sinamba, na ka dibinga wei ta sikire di painangwal painamua.

Kibiru 12:27

“Ginin ta ama dinamua,” dungwa main iwe. Kalkan ere yongwa, ememe pilau dinangure kal i para wei sinamue. Wei sinamba God giran wiina erungwa, kalkan di painangwal painangwa tawle imo dinamue.

Rebelesen 20:11

Ena iru kanere pare, yal bil kenin ere ke milangwa bol bil ta pege kanere, te yal ta bol iray bolimina amin di milungwa para na kaniwe. Yalini milungwa ain kamin te gariba pisere kirara ere wei sungure, ibal kamin te gariba kwi ta kanekimue.

Rebelesen 2:8

“Ena ka ta dirala, i ka minin ganin bile Simena ka main ibal taminin to. “Ka pore di i tega i, yal ta kamin kaya wen kalkan para muru kawn kule ere yere, te eme kalkan para muru wei sinama di erere, te gulere alungwa yal i, na mile ka pore di i teiwa.

Rebelesen 1:11

Dungwa iray ka iru di na tongwa, “Kalkan para kananga meri ka minin ganin piapa mina bilere, Esia gariba gul ka main ibal taminin anan kole muru kole sutan nusi ere ibalin kobi to. Ibalin kobi milungwa ain iwe, Epesas milungure, te Simena milungure, te Pegamam milungure, te Tayataira milungure, te Sadis milungure, te Piladelpia milungure, te Eleodisia milungure, ain iru milemua.”

Kibiru 8:13

God mile, “Kile kaman ka kwi iray di i teralwa,” dimia, ena goma ta di tongwa ka golin iray yaa ime simue. Yaa ime simia, ena gin taran wei sinangwa paamue.