Aposel 5:36 - Golin: God ka main buku

³⁶ Goma yal ta kaan Teudas u bawa dire, ‘Singaba bil miliwa,’ dungure yal kobe binanbile, po kandret, pi gawlima kobe kule milimba, ibal kobe yalini si gulungure gawlima kobe u sutaw ongure, yalini konagi erungwa wei simua.

Aposel 5:36 Referans Kwoze

Aposel 8:9

Ogu ai bil iray yal ta kaan Saimon ki pai mile kankiray ere milungwa, Sameria ibal buul kunungwa. “Yal singaba bil miliwa,” dire yalini iru dungwa.

2 Pita 2:2

U sutaw namba main geray dungwa i, ibal binanbile pire duulin bile waramue. Te yalin kobi main geray dungwa erangwa, ena ka main kol wai dungwa, di ime eramue.

Rebelesen 17:5

Abalini maabin mina kaan ta main aal kule paangwa, minin ganin bile paalungwa ka iru dungwa, “Na Bebilon abal bil milere yal maale ingwa abal kobe, na abalin kobi man milere, te kal ki iru erungwa ibal, na ibalin kobi man para miliwa.”

Yut yalini ka minin ganin bile tongwa 1:16

Ka iru dungure yalin kobi iwe, kalkan para kanere, “Nigi domua,” dire, te kalkan para kanere, “Main ta paikimua,” dire, te inin gain kal pirungwa maangwa mere ere warere, te inin kaan gale yebe erimba, kalkan nerala dire, kiraan sire kela kule giran niriin ka di ibal tomue.

Galesia 6:3

Yal ta ka main yal maribe milema di pirimba, yalini yal imore milemia, ena yalini inin den suna bawle tomue.

Galesia 2:6

“Ibal kobe taw ibal singaba milemua,” dungwa kawen dim mo, kakiibi dim mo, main i ta maakimue. Ta maakungwa iwe. Ibal para muru milungwa God kanere, maangwa yaangwa milema di pirekire, ke kuunin milema di piremue. Ibal singaba kanin dibinga i, ibalin kobe ka main ta kwi di maribe ere na ta tekemue.

Aposel 21:38

Goma Isipi yal ta kura i maribe erala dire, taalime erungwa ibal binanwenbile, po tausen, awli gariba simi yongwa gul ongwa, i yal iray milin mo, yal ta miline?”

Matyu 24:24

Kaun iray kakiibi kobaan taw ure, ‘Na Kirisito miliwa,’ dinangure te kakiibi kobaan taw mile, ‘Na God ka kebe yal miliwa,’ dire u maribe namua. Pirere kal guman kwi dungwa erere, te kal main main ama erangwa, ibal kane buul kunamua. Kunangure God paale suna ere ingwa yalin kobe para kakiibi di tere kela kule terala dire, eramba.

Rebelesen 17:3

God Iban na denan miranan suna paire niminin mile na tongure, angel iray na awli gariba simi yongwa gul omue. Na awli ongure milere, kabe biin baa ta ele paangwa mun bolimina abal ta aw si milungwa kaniwe. Kabe biin i ka minin ganin binanbile gain mina bilungwa, gain ka si God tongure, te gibilin anan kole muru kole sutan kulere, te gibilin sigin anan kole kole muru kulemue.

2 Pita 2:18

Yalin kobi inin kaan gale yebe ere ka imore dimue. Kal piril sungwa erungwa ibal milungwa suna, ibal taw ka main malia pire gi dire ibal digan kobi milungwa gul piseremue. Piserungure ibalin kobi bawle terala dire, ka main kakiibi nil si tongwa yal kobe mile, “Abal kunibe ingwa main, main i para eranga kuunin paimua,” dire kiraan sire bawle ibalin kobi tomue.

Matyu 24:26

“Ena ibal kobe mile, ‘Kirisito gariba simi yongwa milemia kano,’ dinangwa i kanana pikio. Mo ibal taw kobe mile, ‘Kirisito kiile ala aal kule milemia kano,’ dinangwa i ka dungwa i pirekio.

Matyu 24:5

Ibal binanbile ure na kaanan gale, ‘God konagi erungwa yal Kirisito miliwa,’ dire ibal miriki bawle i tenamua.

Aposel 5:35

Di tere iru di u ku bilungwa yal kobe tongwa, “Isirel nen kobe, kal ta ere yalin kobe tenanga, nomanin si pirekun ero.