2 Timoti 3:3 - Golin: God ka main buku

³ te den miriin ibal ta tekire, te girin di mile u taran ta pekire, te ka way ere milere, te gain kal pirungwa maangwa kal i inin ere milere, te bolima eli paangwa mere niminin mile mile ibal sirere, te kal main wai paangwa pire den ki ye terere,

2 Timoti 3:3 Referans Kwoze

Yut yalini ka minin ganin bile tongwa 1:18

Yalin kobi ka iru di i tongwa, “Kamin kaun wei sinangwa kaun u pilau dinangure, yal taw kobe ure ebi mi i tenamua. Yalin kobi inin gain kal pirungwa maangwa mere, kal ki ere waramua.”

Orom 1:31

te nomanin ta paikire, te “Kal iru eralwa,” dungwa wiina ere tekire, te inin ibalin kobe den miriin ta tekire, te miriin pire ibal ta tekire, te kal iru ere milemue.

Matyu 10:21

“Kebinbi si gulama dire abinbi bale taal sinamua. Nen para iru gawlin kobe ere tenamua. Nen man kobe si gulama dire, gawlin kobe den gule tere, bale taal sinamua.

2 Pita 2:14

Yalin kobi abal kunibe irala di pire, miriin kabin pai milemue. Milere kal digan ere taalime erungwa main iray ta piserekire, erala di pire milemue. Ibal kobe ka main pire gi dire niminin ta milekungwa, yalin kobi bawle ibalin kobi tere awli pi kol digan omue. Kalkan te kobile moni den inanin gire inangwa main, kaya nomanin suna nil si piremue. God yalin kobi kanemia, den gule tenamue.

1 Timoti 3:11

Yalin kobe ebin kobe para omilin kane kabin sire tawa mile ka way ta erekire milere, te kule ta si warekungwa abal milere, te pi tegi ye terabina di pirungure, abal iru milamue.

Matyu 4:1

Ena Satan Yesu kiraan sire kela kule tenama dire, God Iban milere Yesu awli gariba simi yongwa gul ongwa.

Rebelesen 17:6

God ibalin gawliman kobe si gulungwa mayan dungwa, te pire gi di Yesu tongwa gulungwa mayan para dungwa, abal i mayan iru nere omilin maalungwa kaniwe. Ena na abalini kaniga, na pire buul kuniwe.

Rebelesen 16:6

Gariba gul kal ki erungwa ibal kobe milere, God ibalin gawliman kobe te ka kebe yal kobe para si gulemia, ena ibalin kobi mayan nere gulama dire, i iru ere tenwa. Mile pai erungwa mere, kal maan ere tenga paamua.”

Rebelesen 13:17

Ibal kobe gain mina kultabane ta sekemia, ena kalkan aibe tobe ta erekinangwa paamba, kultabane sungwa ibal aibe tobe erangwa paamue. Gain bilungwa mere iwe, kabe biin i kaan mo minin ganin taw yalini kaan di bile bilemue.

Rebelesen 13:15

Bale ere yongwa kobile i ka dinama dire, te ibal ana dire deminin si kobile iray tekungwa ibal si gulama dire, kabe biin ta goma milungwa giran miin pu dungure, kobile bale ere yongwa i, si kwi yere milemue. Iru erama dire, “Para owa,” di tomue.

Yut yalini ka minin ganin bile tongwa 1:16

Ka iru dungure yalin kobi iwe, kalkan para kanere, “Nigi domua,” dire, te kalkan para kanere, “Main ta paikimua,” dire, te inin gain kal pirungwa maangwa mere ere warere, te inin kaan gale yebe erimba, kalkan nerala dire, kiraan sire kela kule giran niriin ka di ibal tomue.

2 Pita 3:3

Main ta malia di i teralga, kaya pire pol sinanwe. Kamin kaun wei sinangwa kaun u maribe nangure, yal kobe taw inin gain kal pirungwa maangwa erungwa mere, mile pai eramue. Erere ka di sutaw ere i tere

Yemis 2:6

Iru main paamba, i ibal kobe kal aa te nekungwa ibal kaan di ime ere milingiray. Ibena gain ka si i tome? Te ibena i awli pire ka kol ere i tome? Kulgal bona aa te nongwa yal, yal iray kal iru ere i tengiray.

Taitas 2:3

Abal dimanin kobe para iru mere milama dire, kile kaman ka iru di to. Abal kobe kal dime di ere mile mile pai erungwa mere para iru ere milo, di abal dimanin kobi to. Abalin kobi gain ka ta si ibal ta tekenama dire, te nil wain binanbile ta nekenama dire, di to. Main wai paingwa nil si tenangwa painamue.

Taitas 1:8

Te yalini aa te wai ere ibal tere, te kal main wai paangwa para erala dire oisa tenamue. Te kal main nomanin si pire ere milere, te kal dime di ere milere, te God main paangwa mere ere milere, te gain kal pirungwa maangwa inin manaa di te milamue.

1 Tesalonaika 4:8

Imia ena ka nil si tobinga, i ibal ta mile, “Paikimua,” dire, ibal ka dungwa manaa di tekenamba, God ka dungwa manaa di tomue. Te God iwe, yalini inin Kegemama Iban i ibal kobe para i tomue.

1 Korin 7:9

Diiba gaynin kal piringire maangure, i manaa di terala di pirinba, i kuunin ta paikinamia, ena abal ta gibilin sire iyo. Abal ta inanga wai paamba gaynin kal piringire maangwa manaa di tekenangwa, kuunin ta paikimue.

1 Korin 7:5

Winbi mile, “Bole pairalwa,” di ebinbi tenangwa, ebinbi manaa dikio. Te ebinbi ka iru di winbi tenangwa, winbi para manaa dikio. Ka iru diiba, win ebin sui i kaun taw ana di God terala di pirangwa, ena win ebin sui nomanin goma u taran pire, “Inin inin milabilwa,” da. Milangure pare, win ebin sui kwi pi bole paiyo. Win ebin sui goma nomanin u taran ta pekire, te kwi bole ta paikinangwa, ena Satan kiraan sire bawle win ebin sui tenamue. Tenangure kura ka u maribe pire, guman inin inin dinamue.

Yon Yesu guun kan ka minin ganin bilungwa 6:70

Dungure Yesu en dire ka iru dungwa, “I yal kobe anan kole kole muru kawnan milin sutan paale suna ere ibinba, yal ta i milinga i, suna milungwa Satan nil konagi yal milemua.”

Luku 16:14

Ka dungwa i Parasi kobe pirere, kobile moni aa te nongwa wai piremia, ena ebi mi Yesu tongwa.

Luku 10:16

Dire ainere iru di gawlima kobe tongwa, “Yal ta i ka dinga wiina ere tenangwa, ena yal i giran wiina ere na tenamua. Te yal ta mun kal waa i tenangwa, ena yalini mun kal waa na terere, te na nusi erungwa yal para mun kal waa yalini tenamua,” dungwa.

2 Pita 2:19

Ka main kakiibi nil si tongwa yal kobe mile, “Na ka nil si i tobinga eranga, ena i ibal kobe inin kal ta erala di piranga eranwa,” di ibalin kobi tomba, yalin kobi kal piril sungwa main i ere ere milungwa, kan kule gi di paalungwa mere milemue. Iru mere milungwa main iwe, kalkan ta wi yebe pire ibal ta i ime erungwa, ena erungwa kal i, ibalini kan kule gi di paalungure, nil konagi ere kal i tomue.

Orom 1:29

Ibalin kobe kal digan wen ere ere milere, te kal ki erere, te kalkan para kan irala direre, te kal nigi dongwa ere enin kobe terala di pirere, te enin kobe kalkan aa tongwa san bale te irala direre, te ibal si gulere, te kura ka di milere, te kela kule kabiibi di milere, te kakiibi dire ka digwane waa terere, te ka digwane waa bale taal si terere,