2 Timoti 2:1 - Golin: God ka main buku

¹ Na wanane, ka iru diga paamia, ena na ibal kobe Kirisito Yesu bole pena gale u taran pire milebinga, kal wai ere na ibal kobe tomia, ena i yobilaan bile milo.

2 Timoti 2:1 Referans Kwoze

Epesas 6:10

Ena na ka ta di wei si i terala piro. Yesu Singaba i bole pena gale si dawle u taran pi milabilga, yobilaan bil pai i tenangure, konagi i egile gi dire ere milo.

2 Timoti 1:7

God yalini inin Iban na yasu na tongwa, na yasu kuril ta pirekebilgi, yobilaan bilere, te denan miranan ibal terere, te gaynan kal pirebilga maangwa inan manaa di tobilwe.

Pilipai 4:13

Kamin wai taangwa kaun mo, kamin ki taangwa Kirisito yobilaan bile na tongure, niminin mile kalkan para eralga paamue.

1 Korin 16:13

Kanekun ere milere, te ka main pire gi dinga aa gi di pire milere, te den miriin suna niminin mile yobilaan bile milo.

2 Pita 3:18

God ere wai ere i tongwa, te aa ki di na ibal kobe tongwa yal, Singaba Yesu Kirisito i pire pol singa, main sutan iray piringire maa kora kulan pire erala dire ere milo. Na ibal kobe para malia deminin si yalini terere, te te milabingal milabinwe. I kawen.

1 Timoti 1:18

Na wanan Timotiye, goma ibal kobe i milina di pire, “Kal ta iru u maribe namua,” dungwa na piria, na i kiranin aa tere di i terala piro. Ibalin kobi goma ka dungwa i piranga, Yesu ka main kaymin paale tongwa ibal, kura bile i tenangwa ka main, main wai paangwa pire ero.

1 Timoti 1:2

Timoti i teiwe. Yalini ka main pire gi di milungwa iwe, na ka main di yalini tere kule yegire milemue. Abe God, te na ibal kobe Singaba Kirisito Yesu mile kenin wai ere i terere, te miriin bilkaw pire i terere, te denin miriin wai painama dire, kalin sutakobe iru ere i tenama di piriwe.

2 Timoti 1:2

Na ka minin ganin i, bile na wanan taran, Timoti, teiwe. Abe God, te na ibal kobe Singaba Kirisito Yesu mile kenin wai ere i terere, te miriin bilkaw pire i terere, te denin miriin wai painama dire, kalin sutakobe iru ere i tenama di piriwe.

2 Timoti 1:1

Na Pol miligire, Kirisito Yesu nusi erungwa ongwa yal, Aposel, na milama dire, God iru pirala di pire, na paale suna ere ingure, na miliwe. Na ibal kobe Kirisito Yesu bole pena galebilga sigare kule u wai pi milere mile pairabingal pairabina dire, God iru ere na terala dungwa, na kere di ibal kobe tenama dire, God na nusi eremue.

2 Timoti 2:10

Ka main iru paimia, ena God paale suna ere ingwa ibal Kirisito Yesu para pire gi di tongure, God aa te pilaan pai tenangwa sigare kule u wai nama dire, te ibalin kobi para God naabile aw dungwa bole mile painangwal painama dire, na gaynan giil pire milalwe.

2 Timoti 4:17

Yal kobe kal iru ere na tomba, Singaba Yesu Kirisito na bole ale milebilgire, yobilaan bile na tomue. Yuda ta milekungwa ibal para na ka main kirara muru di gawa di tenama dire, yobilaan bile na tomue. Te awi eli paangwa mere, ibal iru eli pai mile ta na si nekenama dire, Yesu Kirisito aa ki di na tere kenin ere na te milemue.