1 Yon 1:8 - Golin: God ka main buku

⁸ Na ibal kobe mile, “Kal digan ere taalime ta erekungwa ibal milebinwa,” dirabina, ena na inan milebinga mere paikungwa pire ka main pire nomanin suna ta yekebinwe.

1 Yon 1:8 Referans Kwoze

Orom 3:23

Ibal kobe para wen kal digan ere taalime ere milere, te God naabilungwa mere, na ibal kobe nomanin suna iru ta naabile dikimue.

Yemis 3:2

Na ibal kobe kamin kaun binanbile kal main ta paikungwa ere milebinba, ibal ta ka ta paikungwa kamin kaun taran ta dekenamia, ena ibal iray kalkan para erala di pire, nomanin si pire erangwa paamue.

1 Yon 2:4

Yal ta mile, “Na yalini pire pol siwa,” dinamba God kile kaman ka wiina ere tekenangwa, ena kakiibi kobaan mile ka main pire nomanin suna ta yekinamue.

1 Yon 1:10

Na ibal kobe mile, “Kal digan ere taalime ta erekibinwa,” dirabina, ena “God kakiibi dimua,” dungwa mere dirabinwe. Dire yalini ka main pire nomanin suna ta yekirabinwe.

Galesia 6:3

Yal ta ka main yal maribe milema di pirimba, yalini yal imore milemia, ena yalini inin den suna bawle tomue.

Yemis 1:26

Ena yal ta mile, “Na ka main piriga yal miliwa,” di piramba, yal iray girabilin kiruul sire ka gogo dinangwa, ena yalini inin bawle irere ka main pirungwa, kal imore dimue.

1 Timoti 6:5

Kal main iru u maribe nangure, te ibal kobe nomanin gule daalin sungwa, te ka main kawen dungwa, aa gi di pirekire, ka bolebilin diria ere milamue. Yalin kobe mile, ka main aa gi di pirabinga, bona gana binanbile kire di yerabina, di piramba.

1 Korin 3:18

I ibal kobe inin bawle inanga, i pisero. “Ibal main paangwa na nomanin paangwa miliwa,” dire i milinga suna ibal ta iru pirangwa, ena ibalini kirara wen nomanin painama dire, kwi si kiruul si pire, “Na yal digan miliwa,” dinamue.

2 Yon 1:2

Ka main kawen dungwa, na ibal kobe nomanin suna di painangwal painangwa, ena na ibal kobe denan miranan i ibalin kobe tobinwe.

1 Yon 1:6

Na ibal kobe nomanin kama sungwa ware mile, “God bole pena gale milebinwa,” dirabinga, ena kakiibi dire God ka main wiina ere tekerabinwe.

Yemis 1:22

Ena ka main tawle piranba, ka dungwa mere ta erekinanga ena i inin bawle ikio.

2 Timoti 3:13

Milamba kal ki ere kiraan sire kela kule tongwa ibal u ibal digan wen kirara namue. Ibalin kobe kakiibi dire kela kule di ibal tenangure, ibal kobe para maan kakiibi dire kela kule di ibalin kobi tenamue.

3 Yon 1:3

Ka main enin taw kobe i milinga gul pisere u bawa dire, ka main kawen dungwa i aa gi di piringa, di maribe erungure na wai wen piriwe. Ka main kawen dungwa i aa gi di piringal piringa iray, ibalin kobe di maribe eremue.

2 Pita 2:13

Yalin kobi kal digan ere gain giil pire ibal tomia, ena yalin kobi inin gain giil piramue. Kamin taangwa omale kaun inin gain kal pirungwa maangwa mere, duulin bile kal piril sungwa ere gay gulekire, ena yalin kobi inin miinin maamue. Yalin kobi i ibal kobe komina bole taran nena, ena yalin kobi si kunal si i tomue. Te milungwa kela kule bawle i tongwa main wai pire morin ere milemue.

Yon Yesu guun kan ka minin ganin bilungwa 8:44

I ibal kobe i nenin Satan milemua. Yalini kal ki erala di pirungwa mere, i para erala di pirinwa. Kamin kaya wen yalini ibal si gulungwa yal mile, mili ongwa ongwa malia para iru milemua. Yalini kawen ta dekungwa, ena kalkan para kawen dungwa yalini i gibilin mui kol yomua. Yalini kakiibi dungwa kobaan milungwa, ena inin main paangwa mere kakiibi morin morin dimua.

Orom 3:10

Iru ere milebinga ka main minin ganin ka iru dire bilungwa paangwa, “Kabin sire wai wen milungwa ibal taran iru ta milekemua.

1 Yon 4:20

Ibal ta mile, “Na God denan miranan teiwa,” dinamba, den miriin ki ye enin ta tenangwa, ena ibalini kakiibi dungwa ibal milemue. Ibal ta enin ta kanere den miriin ta tekenangwa, ena ibalini God ta kanekire den miriin tenamo? Ta tekenamue.