1 Timoti 6:1 - Golin: God ka main buku

¹ Ena nil konagi ibal ka main pire gi dungwa milere, gun ye tere ai yebe di ibalin kobi inin singaba kobe tenangwa paamue. Iru ta ye tekenangwa, ena ibal kobe God kaan di ime ere, te na ka main nil si tobinga para yaa ime sinamue.

1 Timoti 6:1 Referans Kwoze

Orom 2:24

Si tengire ka main minin ganin iru dire bilungwa paangwa, “I Yuda ibal kobe kal digan iru ere milinga, ena Yuda ta milekungwa ibal kanere gain ka si God tomua.”

1 Pita 3:16

“Na kal eriga paikimua,” dire nomanin suna i iru ta pirekerala dire, kal main wai ere milo. I ibal kobe Kirisito bole pena gale mile pai wai eringa, ka di sutaw ere i tere gain ka si i tenangwa, ibalin kobi gay gulama dire, kal main wai ere milo.

1 Pita 2:12

God ta pire tekire imore milungwa ibal, i ibal kobe ibalin kobe bole ereko mile painanga, ena mile pai wai wen i maribe ere milanwe. Ibalin kobe mile, “I ibal kobe kal ki erungwa erinwa,” dire ka digwane waa i terala dinamba, i kal dime di ere milinga kanamia, ena God gariba gul u milangwa kaun, ibalin kobi deminin si yalini tenamue.

Galesia 5:1

Mose kile kaman ka kanin pai na tekungure, iru milebinga main iwe. Na ibal Mose kile kaman ka se erebinga, pirin pai na tere kanin paangwa mere milebinba, Kirisito gule ere na tongure, na ibal kobe sigare kule wai wen milebinwe. Milebinga ena Yuda ibal main paire erungwa mere, i kile kaman ka iray pire wiina ere tere kanin paangwa mere milanga, pisere niminin mile milo.

Aposel 15:10

Tongwa, tameran God ka dungwa sua i kanine? I iru dinga kal obin dongwa pire gi dungwa ibal kine tenga, na sanamoi gilekume te na ibal kobe para kine warebinga, i kuunin erekimua.

Aposel 10:22

Yalin kobe dungwa, “Simil nen kenin erungwa yal kaan Konilias, yalini wai wen mile yaa ime sire, God deminin si tongure Yuda ibal para wai pire tomua. I ka pore dinanga yalini pirama dire, God angel iru di yalini tomua, ‘Pita i ogin wo, di to.’”

Aposel 10:7

Angel di tere ere ongure pare, yalini inin simil nen ta, God ka main aa gi di pirungwa, te nilerari yal sutan, “Ere wo,” di gala dungwa ungure,

Luku 17:1

Ena Yesu ka iru di gawlima kobe tongwa, “Ibal kobe kal digan ere taalime ere milama dire kalkan u maribe namba, kela kule tongwa yal iwe, ayo, yalini gain giil piramua.

Matyu 11:30

Konagi ere i terabinga nega dikinamua, te kalkan kine i teralga pilaan painamua,” dungwa.

1 Timoti 5:14

Abal weray kobi iru erungwa paamia, ena abalin kobi kwi yal ta nama di piriwe. Kaymin paale na tongwa yal, na ibal kobe yaa ime si na tekenama dire, abalin kobe kwi yal ere pire gaan kule yere milin nongwa abal konagi erungwa mere, kwi si aine eramue.

1 Korin 10:32

Yuda ibal mo Giriki ibal mo, ka main ibal kal nigi dongwa ere ibalin kobe tengire, kol gawl sinama dire, kalkan ta iru erekio.

Matyu 11:9

Ena ka ta sirin bile i teralga di na to. God ka kebe yal i kanala di eno? Owa, para dina, yalini ka kebe yal imore ta milekimia, Yon ka kebe yal bil wen milemua.