1 Timoti 5:8 - Golin: God ka main buku

⁸ Ka iru diiba, yal ta gawliman kobe kenin ta ere tekire, te wan abin te nen man kobe para kenin ta ere tekinangwa, ena yal i ka main pire gi dungwa main i, kire di mena erere, te ka main pire gi dekungwa ibal kal ki erimba, yal iray kal ki wen ere milamue.

1 Timoti 5:8 Referans Kwoze

Galesia 6:10

Iru paamia ena kamin kaun kaun aa te wai ere ibal kobe terabino. Terere te God ibalin kobe pire gi di yalini tongwa aa te wai ere ibalin kobe te kora kule terabino.

2 Korin 12:14

Ena goma ginin sutan i milinga gul uga, malia kwi urala di eriwe. Uralga, “Aa ki di na to,” di i ta tekire, i kobile moni aa te nenga, irala ukigi, i ka main pire gi dinga pi nima nama dire, uralwe. Diga meri ka ta iru dungwa paangwa, “Wan abilin kobe komina kalkan waa duure nen man kobe aa ki di tongwa, main iru ta paikimua. Nen man kobe komina kalkan waa duure gaan kobe aa ki di tongure, nongwa paamua.”

Taitas 1:16

Pirere, “God pire pol si piriwa,” dimba mile pai erungwa mere, ka dungwa i, ka di kile di mena eremue. God ibalin kobe nigi de wen kanungure, kile kaman ka pire wiina ta erekire, te kal wai ta erangwa paikimue.

Matyu 7:11

I yal kobe digan milinba i kalkan wai dungwa i wanin abilin kobe terala di piringiwe. Ere tenga mere God ere mine ere i tongwa iwe. Ibal kobe mile ana di God tenangure kalkan wai kaan di Kamin Abe tenangwa ena tenangirawa.

2 Timoti 3:5

Yalin kobe ka main konagi kawen eria di pire, giran mina ka dimba, ka main i yobilaan bile ibal tongwa main, i paikima di piremue. Kal iru erungwa, yalin kobi i mun kal waa to.

Rebelesen 3:8

I mile pai eringa na i kaniwa. I ka main pire gi dinga, i niminin ta milekinba, na ka diga pire wiina erere, te na guunan kanan ka di kile di mena ere na tekinwa. I kol wai ta pire ka main konagi erana dire, kol ta bala di i tegire, yal ta kol i si pere ta di i tekenangwa paamua.

Rebelesen 2:13

Satan kenin ere ke milungwa ain baan suna iray, i ibal kobe ki pai milinga kaniwa. Na ka main i aa gi di pire milere, te na ka main di gawa di milungwa yal, kaan Antipas, Satan ki pai milungwa ain ibal kobe yalini si gulungwa kaun, i ibal kobe pire gi di na tenga piserekire, mun kal waa na tekinwa.

2 Pita 2:1

Ena goma kakiibi ka kebe yal kobe Isirel ibal milungwa suna u maribe pi milemue. Goma u maribe pi milungwa mere, malia ka main kakiibi dire nil si tongwa yal kobe, i milinga gul u maribe pi milamue. Pi milere ka main ibal u sutaw nama dire, kiraan sire ka main digan kawn kule nil si tenamue. Terere te Kobaan Yesu tobe tere yalin kobi pirin paangwa gule ere terala dimba, Yesu ka dungwa yalin kobi pirala pirekire, ka di kile di mena eramue. Iru eramia, ena God gin taran yalin kobi sinangure, kirara u sutaw namue.

Yon Yesu guun kan ka minin ganin bilungwa 15:22

Na ure ka di ibalin kobe tekerabinga, ena kal digan ere taalime erangure pirin ta pai tekenamba, malia ibalin kobe mile, ‘Na kal digan ere taalime erebinba, pirin ta paikimua,’ dire ka iru ta dikinamua.

Yut yalini ka minin ganin bile tongwa 1:4

Ka minin ganin bile i terala di piriga main iwe. God pire tekungwa yal taw, ka main ibal taminin milungwa suna aal kule u milemue. Na ibal kobe kal digan ere taalime erebinga, God pirin i gule ere na tere kal wai iru ere ibal tongwa, yalin kobi pirimba, “Na gaynan kal piriga maangwa mere erabinwa,” dire, te na yal kobe Singaba taran Yesu Kirisito ka dungwa, yalin kobi ka di kile di mena eremue. Kamin kaya wen ka main minin ganin ka iru dire bilungwa paangwa, “Ibal kobe kal ki iru erangwa, ena ka kol ere tere pirin pai ibalin kobi tenamua.” Dungure malia yalin kobi ka dungwa i, pire imue.

2 Korin 6:15

Kirisito te Satan yal sui u taran pi milamo? Iru tamama. Te ka main pire gi dungwa ibal, te pire gi dekungwa ibal main taran paangwa pire dimo? Iru tamama.

Matyu 18:17

Dinamba yalin kobe ka dungwa para pirekenamia, ena ka main ibal taminin para di gawa di to. Di tenangire para pirekenamia, ena Yuda milekungwa ibal mo takis ingwa yal milungwa mere, nomanin si pire yalini to.

1 Korin 6:6

Ka iru dibinba, i milinga suna enin ta ka kol ere enin ta tere ka main pire gi dekungwa ibal ka kol iray pirama dire, awli enga kal erungwai main nigi domiawa.

2 Timoti 2:12

Ka main aa gi di pire milabinga, ena yalini kenin ere ke milangwa kaun na ibal kobe yalini bole para kenin ere ke milabinwa. Na ibal kobe yalini ka dungwa di kile di mena erabinga, ena yalini para iru ere na ibal kobe na tenamua.