1 Timoti 5:6 - Golin: God ka main buku

⁶ Paamba abal weray ta gain kal pirungwa maangwa mere, ere milangwa, ena abalini gulungwa mere milungware, ka main ibal taminin aa ki di abalini ta tekenangwa paamue.

1 Timoti 5:6 Referans Kwoze

Yemis 5:5

I ibal kobe gariba gul mile kalkan binanbile nere inin gaynin kenin ere milinwe. Si kiingwa kaun u maribe nangwa, i ibal kobe komina depil nere kulin bile milinba.

Rebelesen 18:7

Ibalin kobi inin egin wai gale komina depil nongwa mere, i giil iru pire ibalin kobi to. Pire tenanga main iwe, ibalin kobi ka iru di milungwa, ‘Na ibal singaba bil milebinwa. Ibal binanbile u na kule milungwa, na inan ta milekebinwa. Te na kay mun bile yaare ta miikirabinwa.’

Rebelesen 3:1

“Ena na ka ta dirala i ka minin ganin bile Sadis ka main ibal taminin to. “Ka pore di i tega i, yal ta God Iban anan kole muru kole sutan bole milere, te kulmama anan kole muru kole sutan aa tongwa yal, yal iray na mile ka pore di i teiwa. I ibal kobe kal eringa na kanere, te ibal kobe mile, ‘Sadis ka main ibal taminin sigare kule wai milemua,’ dimba ibal gule daalin sungwa mere, i ibal kobe nomanin suna iru gule daalin simua.

Luku 15:24

Na wanan iray kaya gulema di pirebinba, malia u milemua. Te yalini u baan ta ongwa kanekibinba, malia kanebinwa.’ Dire pare komina bil kawn kule ki nere miinin maamua.

Luku 15:32

Dimba i kebininbi kaya gulema di pirebinba, malia u milere, te u baan ta ongwa kanekibinba, maliaga kanebinwa. Kanebinga ena komina bil ki nere para wai pirebinga, para paamua.’”

Epesas 5:14

Paangwa iwe. Ka main minin ganin iru dire bilungwa paangwa, “Gulungwa gul milungwa ibal kobe ale kwi ye milo. Milanga Kirisito i nomanin aa naabile i tenamua.”

Epesas 2:1

Ena goma i ibal kobe God giran mina se ere kal digan ere taalime eringire, God pirin pai i tongure, nomanin gule daalin sungure u main enwe.

Luku 15:13

Are kaun taw wei sungure, wan emin i kalkan tongwa irere, te kobile moni irere, ogin pisere ere gariba ta tayan pi paire, kalkan pile wele ere i sutaw ere ne wei simua.

Matyu 8:22

Dimba Yesu maan iru dungwa, “Pisero, gurala di milungwa ibal kobe, ibal taw gulangwa maul si yenamua. I na duulin bile wo,” dungwa.

Kolosi 2:13

I ibal kobe kal digan main main ere milere, te i inin gaynin kal piringa maangwa ere milinga, ena i gulungwa mere milingire, God iru kanemue. Kanimba God i Kirisito bole si dawle i tongure, si kwi yere sigare kule u wai pire milinwe. Kal digan ere taalime erebinga para muru God pirin i gule ere na ibal kobe na tomue.

Epesas 2:5

Na tongwiwe. God giran mina ka dungwa se erebinga, ena God pirin pai na tongure, gulungwa mere milebinwe. Milebinba Kirisito gulere alungwa main paangwa mere, God si kwi ye na tongure, sigare kule u wai pire Kirisito bole u taran pi milebinwe. Sigare kule u wai obinga main iwe, God kal wai ere pilaan pai na ibal kobe na tongwa i pire sigare kule u wai obinwe.

Luku 12:19

Ye pisere ena ka iru diralwa, Singabo, komina te bona gana binanbile ala yobingire, nerabinga me erin binanbile wei ta sekenamua. Konagi erekire mone di milere, komina ne milere miinin maaralwa.’

Luku 7:25

yal ta galsuna wai wen sigi dungwa kanala di pirine? Tamama. Ibal kobe galsuna wai sigi dungwa singaba mere mile ogun wai wen ki pai milungure kananwa.

Luku 16:19

Yesu ka ta ainere iru dungwa, “Goma bona gana aa te nongwa yal ta milere, galsuna wai dungwa morin sigi direre, te kaun kaun komina wai morin nomua.

2 Timoti 3:6

Yalin kobe taw gawlima kobe yal ta kiraan sire bole para ki pai milere, abal kobe nomanin binanbile si pirungwa, yalini kela kule di tere bawle tomue. Abalin kobe goma kal digan ere taalime erungwa main pire obin di ware milere, te gain kal pirungwa maangwa main main miriin kabin paangwa, erala di pire ware milere,