1 Timoti 2:5 - Golin: God ka main buku

⁵ Iru pirungwa main iwe. God taran tawle milungure, te God te ibal u taran nama dire, u ibal ongwa yal, Kirisito Yesu, taran tawle konagi iru ere na ibal kobe na tomue.

1 Timoti 2:5 Referans Kwoze

Galesia 3:20

Di tomba God aan kere yere, “Iru iru ere teralwa,” dungwa suna yal ta si aine di ibal tenangwa ta milekungure, God inin di maribe ere ibal tomue.

1 Korin 8:6

Abe God yalini taran wen milemue. Yalini kalkan para ere yongure, ibal kobe konagi ere God taran tenama dire, milemue. Te Singaba, Yesu Kirisito taran mile kalkan para ere yerere, te na ibal kobe yalini ka main pire gi di milebinga, yalini yobilaan bile na tomue.

Kibiru 9:15

Ena ka di i tega main iru paimia, Kirisito ka wai di bole pena gale ibal terala dire, kile kaman ka kwi di ibal tomue. God mile, “Na duulin bilana wo,” di ibal tere, “Kalkan wai dire di painangwal painangwa main ere i teralwa,” dire aan kere ye ibalin kobi tongwa u maribe nama dire, kile kaman ka kwi iray di ibalin kobi tomue. Kalkan i, u maribe nangwa main iwe, goma kile kaman ka di tongwa ibal si keli sire kal digan erungwa, God pirin i gule ere ibalin kobi tenama dire, Kirisito gulemue.

Kibiru 7:25

Yesu iru ere milemia, ena ibal kobe mile, “Yesu na awli pi God milungwa gul namua,” dire pi tegi yenangwa, Yesu ibalin kobe aa ki di tenangure, sigare kule u wai namue. Yesu ibalin kobi pire ana di God te milangwal milangwa, ena malia te eme para aa ki di ibalin kobi tenangwa paamue.

Kibiru 12:24

Te i ibal kobe Yesu guman mina ure ale milinwe. Yesu kal ere i tongwa iwe. Yalini ka wai di bole pena gale ibal terala dire, kile kaman ka kwi di ibal tongure, te Ebel kabe sire mayan garu dimba, Yesu mayan garu di na ibal kobe tongwa wi yebe pire main ta wai paingwa, i maribe ere ibal tomue.

Yon Yesu guun kan ka minin ganin bilungwa 1:14

Ibal ta kaan Ka Dungwa, u ibal wo ongure, na ibal kobe yalini bole mile paibingire, yalini kenin wai ere ibal tere kirara kawen di milungwa. Abe God Wan taran yobilaan bil niminin wen milungwa, na ibal kobe kanebinga.

Orom 10:12

Yuda ibal kobe te Yuda milekungwa ibal kobe ibal ta ta, ta milekire, ibal ke kuunin muru mili omue. Gariba ibal para Singaba taran wen milere, te ibal kobe, “Na aa ki do,” di yalini tenangure, aa te wai ere aa ki di tenamue.

Yon Yesu guun kan ka minin ganin bilungwa 17:3

I God taran kirara kawen milinga ibal kobe iru pire pol sire, te i yal ta Yesu Kirisito nusi ime eringa, ibal kobe yalini para pire pol sinangwa, ena mile painangwal painamua.

Kibiru 8:6

Yalin kobi konagi iru ere milimba, Yesu ka main kenin erungwa yal konagi ere milungwa wi yebe omue. Wi yebe ongwa mere main iwe. God ka wai di bole pena gale ibal tenama dire, kile kaman ka di tongure, Yesu kalkan i ka di kuunin erungwa, ena main paangwa i wi yebe ongwa mere omue. Mose kile kaman ka wai paamba, God, “Kal wai wen ere i teralwa,” dire aan kere ye na ibal kobe tomia, ena main ta paangwa i, wi yebe omue.

Epesas 4:6

Na ibal kobe para na Abe God yalini yal taran wen milemue. Milere ibal para wen yalini kenin ere ke milere, te yalini iban ibal para nomanin suna yobilaan bile terere, te ibal para nomanin suna mile pai ere tomue.

1 Korin 8:4

Iru paimia ena ibal kobe kabe si gale galbale kobile tongwa mere, dirala erebina. “Galbale kobile dimba, sia ta iban milungwa mere si paale ire galbale kobile iru kuunin ta dekemua, te God yalini taran milemia, taw ama ta milekemua,” dire na ibal kobe iru kanebinwe.

Matyu 1:23

Ka iru dungwa, “Gi yal ikungwa, inin digan sire wan kule nenangure, kaan Emanuel yenamua.” (Kaan Golin ka iru paangwa, God inin ibal bole milebinga.)

Rebelesen 1:13

kalin kobi baan suna i u ibal ongwa yal milungwa mere, yal ta iru milungwa, para kaniwe. Yalini galsuna arawai sigi dungwa pi kawn mawan ongure, kin dongwa kobile gol kin dongwa kaniwe.

Matyu 1:1

Yesu Kirisito sanamoi gilekume u maribe ongwa iru bilungwa. Debiti te Ebarakam milungwa yal su gawliman, Yesu milemua.

Aposel 4:12

God Yesu inin nusi ere gariba ibal tongwa, yalini inin tawle ibal aa ki di tongure sigare kule u wai ongure, te eme para u wai namua. Ibal ta ama iru ta erekinamua,” dire Pita iru dungwa.

Orom 1:3

Bile paalungwa ka dungwa main iwe. God Wan na ibal kobe Singaba Yesu Kirisito milungwa mere, ka dungwa paamiawe. Yesu ibal milungwa mere yalini sanamoi Debiti milungure, u maribe pi milimba,

1 Timoti 6:13

Kalkan para muru kwi milama dire, God ere yongwa milungure, te Kirisito Yesu mile Pontas Pailete guman mina inin milungwa main di maribe erungwa milere, yalin sui maabin mina na i kiranin aa tere ka iru di i terala piro.

1 Yon 2:1

Na kule yega kobe, i ibal kobe kal digan ere taalime ta erekinana dire, ka minin ganin bile i teiwe. Ka bile i teiba, na ibal ta kal digan ere taalime erabinga, ena aa ki di ibal tongwa yal, Abe God bole milere yal iray, na ibal kobe pi kulere ka di God tere aa ki di na tenamue. Aa ki di ibal tongwa yal, Yesu Kirisito, kabin sire wai wen milungwa yal milemue.

Luku 14:22

Dungure erere nilerari yal iru dungwa, ‘Yal Singabo, i ka dinga mere wiina ere warebinba, ai taw imo dimua.’