San Mateo 14:26 - Guahibo

²⁶ Jesús pijajivi itsa tanetsi mene itaboxoya penajetarucaejava, nabenajaca. Vavajai pecajunavi. —¡Petëpaenë raeta pejumape najetaruca! jai Jesús pijajivi.

San Mateo 14:26 Referans Kwoze

San Lucas 24:37

Nexata Jesús pijajivi bitso nabenajaca. —Petëpaenëmi raeta pejumape maje, jamatabëjai bajarapamonae Jesús yabara.

Apocalipsis 1:17

Itsa taniji bajaraponë, betatëpaenë irataeya bocajunuajë bajaraponë pitabarata. Itsiata baitsi jane bajaraponë nejayarena pecujuacobeta. Nejumaitsi: —Pëtsa necujunavame. Xanë rajane baja daxitacuene pepo tataxuxuabinë. Daxitacuene icatsia tacopiarucaeyaexanaenënexa.

San Lucas 24:5

Bajarapapetiriavi bitso cujunava bajarapaángelnëbeje. Nexata pecajunavi pematabacabëta irataeya bobena. Nexata bajarapaángelnëbeje jumaitsi petiriavijavabelia: —¿Detsa xuajitsia petëpaenë pebuatsijavatatsi, pajaitame? Bajaraponë asaë baja icatsia.

Hechos 12:15

Nexata bajarapamonae jumaitsi: —¡Camatajemaba raja saya! jai. Itsiata icatsia Rode jumaitsi: —¡Xaniajanë raja pepacuene! Pedro raja nucalia baupa pënëverena, jai Rode. Bajarapamonae nexata jumaitsi: —Apo Pedro raeta. Pevetsiángeltsi raeta, jai bajarapamonae.

San Lucas 24:45

Nexata Jesús pijajivi jamatabëcuenecaëjëpaeyaexana Jesús pijajivi xaniavaetsia pejumeyapëtaenexa pacuenia Dioso pejumelivaisibaxutota tajëvelia jumaitsi Jesús yabara.

San Lucas 24:23

Itsiata apo caxitajarababuatsi bajarajota Jesús petëpaenë. Nexata bajarapapetiriavi naviabarena. Bajarapamonae panetsipaeba pacuenia bemajitsinaebota tane ángelnëbeje. Angelnëbeje pina nexata jumaitsibeje petiriavijavabelia: “Jesús rabaja asaë tsaponaponae icatsia,” jai pina.