Hechos 5:4 - Guahibo

⁴ Nijairami necanajetsivajënaeya, nijaira baja cajena picani saicaya. Nijaira necanajetsicujinae ata, xua nijairamatamo pitame, nijajava baja cajena picani saicaya. ¿Detsa xuajitsia nexata mapacuenia neyamaxëitojorobijava najamatabëxainameje? Ëpaxanëjavaberena baja cajena apo najumetsënëtsimë. Najumetsënëtame baja cajena Diosojavabelia ata, jai Pedro.

Hechos 5:4 Referans Kwoze

Hechos 5:3

Nexata Pedro jumaitsi Ananíasjavabelia: —Ananías, ¿detsa xuajitsia jumecovënëtame dovathi pecayamaxëitojorobijava nenajumetsënëtsinexa Espíritu Santojavabelia? Xamë baja rovia nijairamatamopalata yajuvënëcopatame.

1 Tesalonicenses 4:8

Itsamonae apo panejumecovënëtsi patatsipaebilivaisi. Bajarapamonae itsa apo panejumecovënëtsi paxanë, apo jumecovënëtsi Dioso, ponë nacarajuta Espíritu Santo.

Hechos 5:9

Nexata Pedro jumaitsi bajarapovajavabelia: —¿Detsa xuajitsia amonabeje panajamatabëcuenejëpamebeje panenajumetsënëtsinexabeje Espíritu Santojavabelia? Namuxunaevere. Jumia naviabanajetarubena rabaja amonami pemëthëcaevilia. Bajarapamonae icatsia xamë ata cacaponaelia pecamëthëtsinexa, jai Pedro.

San Lucas 10:16

Icatsia Jesús jumaitsi pijajivijavabelia, setenta ponëbejejavabelia: —Pajivi pacanamuxunaevetsiana, bajarapajivi taenajë xanë tanenamuxunaevetsijava. Pajivi pacanayajiviitavetsiana, bajarapajivi taenajë xanë tanenayajiviitavetsijava. Bajarapajivi Dioso ata taenatsi Dioso penayajiviitavetsijava. Bajarapacuenia Dioso ata taenatsi penayajiviitavetsijava tsipaji xanë Dioso nitoroba, jai Jesús pijajivijavabelia Jesús pijajivi setenta ponëbeje pitorobivajënaeya. Nexata jane baja Jesús pijajivi naropoba. Dioso pejumelivaisi jivi tsipaebanajetarubena daxita tomaranëjava. Saicaya navecuanajetarubena anijanëbeje tsaponae.

Santiago 1:15

Pajivi pibisiacuene exana, bajarapajivi exana pacuenia copiaya pejamatabëëthëtota najamatabëxaina. Nexata tsiteca pibisiacuene itsa exanapona, pepacuene Diosovecua naxuabiana bajarapapibisiacuene pexanaponaexae.

Filemón 1:14

Itsiata baitsi jane apo jitsipaenë Onésimo taneyavenonaponaponaenexa copiaya cavajëtsinejevatsi. Apo jitsipaenënua tacavajëtsinexa tanetocopatsinexamë bajaraponë taneyavenonabiabinexa. Biji rajane picani jitsipajë cavajëtsinejevatsi nijacuate tanetocopatsinexamë bajaraponë.

1 Corintios 8:8

Yapëtanetsi rabaja vaxaitsi. Vajaxaejava yabara Dioso pexitsi apo nacaexanae. Xae atatsi, apo xae atatsinua, najëpabeje. Vajaxaejava apo nacavënananeconitsiaexanae Dioso.