Hechos 27:10 - Guahibo

¹⁰ Pablo picani jumaitsi mapacueniaje: —Xanë raja yapëtaniji nacatsiayai baja bitso menia vajaponaenexa vajavajënaeyabelia. Naxuabijitsipa raeta mapamoje. Naxuabijitsipa raeta mapamoënëtaje pecaponaejava yajava. Vaxaitsi ata meta naxuabijitsipatsi. Nexata abaxë majotaje evetavanapaenatsi emarapae pepanepaejava, jai picani Pablo.

Hechos 27:10 Referans Kwoze

Hechos 27:34

Bajaraxuata pacaitorobatsi panexaejava panexaenexa, panesaë panexainaenexa panepanepaenexa. Itsiata raja daxita apo paitsacuenemë tsane, jai Pablo bajarapamonaejavabelia.

Hechos 27:31

Nexata Pablo itsa tane bajarapamonae jera pexuabijavareca, jumaitsi vajabitsaë pijacapitánjavabelia, capítan pijajivijavabelia ata: —Mapamonaeje barcota penacuenebivi itsa ponaena mapajerataje, paxamë pavajabitsaëmë panapenetsianame meneta, jai Pablo.

Hechos 21:3

Nexata barcota patanajetarubenaejavata, pataeyetajë patatsavenonenia Chipretunaeto. Paxenetanajetarubenajë rovia. Paponajë Siria nacuayabelia. Nexata baja papatajë Siria nacuayabelia Tiro tomarata. Nexata Tiro tomarata juteta barcoënëta pecaponaejava.