Hechos 12:16 - Guahibo

¹⁶ Nexata bajarapamonae pecuaicuaijaijavata, Pedro tsiteca baupa docodocotanunuca. Nexata jane baja bajarapamonae tobaupata Pedro pejonenexarena. Bajarapamonae itsa tanetsi Pedro, bajarapamonae jamatabëcuenenajunaviaca.

Hechos 12:16 Referans Kwoze

Hechos 12:15

Nexata bajarapamonae jumaitsi: —¡Camatajemaba raja saya! jai. Itsiata icatsia Rode jumaitsi: —¡Xaniajanë raja pepacuene! Pedro raja nucalia baupa pënëverena, jai Rode. Bajarapamonae nexata jumaitsi: —Apo Pedro raeta. Pevetsiángeltsi raeta, jai bajarapamonae.

Hechos 12:17

Nexata Pedro nacobeyota bajarapamonae pemoyanexa. Pedro tsipaeba pacuenia Dioso pejamatabëcueneta capanepatsi penaneconitsivi pejebabiabibovecua. Pedro jumaitsi: —Patsipaebianame mapalivaisije Santiagojavabelia. Patsipaebianame itsamonaejavabelia ata, Dioso pejumecovënëtsivijavabelia, jai Pedro. Bajaraxuacujinae Pedro pitsapalia. Itsajavabelia icatsia pona.

Hechos 12:13

María pijabo matatoyorotsia yacaranata ibopanaxanetonë mataropotsia pefaratsijavaxanetota. Nexata bajarapayacaranatsijavaxaneto baupa, Pedro docodocota petobaupatsinexatsi. Nexata bajarapabota penacuenebivayo, Rode, pitsaparena petaenexa ponë baupa docodocotanunuca.