Hebreos 2:8 - Guahibo

⁸ Nexata itsamatacabi tocopatsianame jivi pevetsinexa daxitacuene nexanaejava, jai Dioso pejumelivaisibaxutota Dioso pejumecovënëtsivi yabara. Bajarapacuenia Dioso itsa tocopatsiana daxitacuene Dioso pexanaejava jivi pevetsinexa, itsacuenejavayo ata Dioso apo vecuacopatsi tsane jivi pevetsiaexanaejava. Itsiata baitsi jane abaxë apo taetsi vajaitaxutota jivi pevetsijava daxita bajaraxua.

Hebreos 2:8 Referans Kwoze

San Juan 13:3

Jesús yapëtane paxa Dioso perajutsijavatsi daxitacuene pevetsinexa. Yapëtanenua paxa Diosojavavetsica pepatsijava. Icatsia pacuenia ata naviatsijitsia paxa Diosojavabetsia, yapëtane.

1 Corintios 15:27

Dioso pejumelivaisibaxutota tajëvelia jumaitsi mapacueniaje: “Dioso itsamatacabi pexënato Cristo tocopatsiana daxitacueneviria petoevetsinexatsi,” jai Dioso pejumelivaisibaxutota. Itsiata baitsi jane Dioso pexënatojavabelia apo jumaitsi: “Xanë ata nitorobianame,” apo jai Dioso. Dioso raja itorobiana pexënato petoevetsinexatsi daxitacueneviria.

1 San Pedro 3:22

Jesucristo Dioso piasaëyaexanaecujinaetsi, pona jane baja athëbëabetsia. Nexata athëbëtatsia Jesucristo eca paxa Dioso pecujuanenia. Daxita ángelevi Jesucristo jamatabëcueneevetatsi pitorobinexa.

Apocalipsis 1:18

Xanë rajane baja pepo tasaëtsaponaponaenë daxitamatacabijavabelianexa. Xanë picani tëpajë. Itsiata baitsi jane icatsia asaënë tatëpaecujinae. Nexata baja asaënë tsaponaponae daxitamatacabijavabelianexa. Dioso netocopata tacapanepaenexa tajajivi peponaeyaniva infiernojavabelia. Netocopatanua tananeconitsiaexanaenexa pijaneconi pexainaevi peponaenexa infiernojavabelia.

Hebreos 1:13

Dioso baja cajena caeto ata ángeleviyajuvënënëjavabelia apo jumaitsi mapacueniaje: Ecare abaxë tacujuanenia daxitacuene vajanajuaevetsinexabeje. Nijavajabitsaë abaxë copiaya vecatsivajënae jumecovënëtsiaexanaenatsi nitorobicuenianexa, apo jai Dioso ángeleviyajuvënënëjavabelia. Biji rajane Dioso pexënatojavabelia bajarapacuenia jumaitsi.

Apocalipsis 1:5

Jesucristojavabelia ata bajarapacuenia pacatovajëtatsi. Jesucristo baja cajena pexaniajailivaisi, Dioso pejumelivaisi, jivi tsipaebabiaba. Daxita petëpaevivecua, Jesús baja namataxainaeya Dioso asaëyaexanatsi petëpaejavavecua. Mapanacuata jivi pevetsivi ata matatoxenetsia, Jesús pepo pevetsinë daxitacuene. Jesús vajanacaasivaxae, nacasivatëpa. Nexata baja nacavecuaajibiaexana daxita pibisiacuene vajaexanaeneconimi.

Hebreos 2:5

Papejananacua yabara pacatsipaebatsi, Dioso baja itsa exanaena bajarapanacua, Dioso apo tocopatsi tsane ángelevi pevetsinexa. Biji rajane jivi tocopatsianatsi pevetsinexa bajarapanacua.

San Juan 3:35

Dioso bitso asiva pexënato. Tocopata daxitacuene pevetsinexa, pitorobinexanua.

San Mateo 28:18

Nexata Jesús pijajivi cujirena. Jumaitsi pijajivijavabelia: —Dioso baja cajena nevetsiaexana daxitacuene athëbëtatsia, daxita mapanacuajava ataje, taevetsinexa.

Hebreos 1:2

Nexata jane baja aeconoxae, mapamatacabitaje, Dioso itorobica pexënato vajanacatsitanajamatabëcuene itajëtsinexa, vajayapëtaenexa Dioso vajanacatojitsipaejava. Bajayata Dioso itoroba pexënato pexanaenexa mapanacuaje, daxitacuene yajava. Nexata daxitacuene mapanacuateje Dioso pexënato tocopata pevetsinexa.