1 Corintios 15:8 - Guahibo

⁸ Xanë daxita apóstolevivecua bexëajavaberena apóstolenënë nexana. Nexata pacuenia pexi pexainaejivi cotocaevi pexainaenacueto itsi, bajarapacuenia nataniji bajarapamonaevecua. Itsiata baitsi jane daxita Jesús pijajivijavabelia petsitanaitajëtsicujinae, xanëjavaberena ata Jesús netsitanaitajëta tataenexa.

1 Corintios 15:8 Referans Kwoze

1 Corintios 9:1

Payapëtaneme rabaja mapacueneje. Xanë apo xae atanë jumapecataeya pexanaenëanëjavabelia perajutsiviyajuvënëjava, itsiata Dioso netocopata daxitacuene taexanaenexa Jesucristojavabelia tanajamatabëcuenecopatsixae. Payapëtanemenua vajatuxanenë Jesucristo taneitapetsijava apóstolenënexanë. Taitaxutota baja cajena taniji vajatuxanenë Jesús. Paxamë ata patacatsipaebixae Jesucristo pelivaisi, nexata baja panajamatabëcuenecopatame Jesucristojavabelia. Tsipaji asaëyata tonacuenebaponaponajë vajatuxanenë.

Hechos 26:16

Nonotabapunare. Catsitanaitajëtatsi raja tacaitapetsinexa tajajivitonënexamë. Xamë nexata tsipaebianame itsajivijavabelia pacuenia aeconoxae netaneme. Tsipaebianamenua pacuenia icatsia catsitanaitajëtsianatsi bexëa itsamatacabijavabelia.

Hechos 22:18

Nexata Jesús nejumaitsi: “Naxanitsiayo bepijia vecuaponare Jerusaléntomara. Tsipaji raja mapatomarapijivije apo cajumecovënëtsi tsane netsipaebijava xanë talivaisi,” nejai Jesús bemajitsinaebota.

Hechos 18:9

Nexata meravi bemajitsinaebota Dioso jumaitsi Pablojavabelia: —Pëtsa junavame. Pëtsa copatame netsipaebaponaejava tajumelivaisi.

Hechos 9:17

Bajaraxuacujinae Ananías jane baja lia. Joneya pabota Saulo ponapona. Ananías nexata nacobebuata Saulo pematabocotojumavereca. Ananías jumaitsi Saulojavabelia: —Tajabananë Saulo, pepo petuxanenë raja Jesús, ponë catsitanaitajëta namutua nenajetarucaejavata, bajaraponë nitoroba. Bajaraponë nitoroba tacatsimatanacobebuatsinexa pecavecuaajibinexa baja pecaitaxutomeravibijava icatsia baja netaenexa xaniavaetsia. Nitorobanua tacatsimatanacobebuatsinexa pecatsijamatabëvënëcaenexa Espíritu Santo, jai Ananías Saulojavabelia.

Hechos 22:14

Nexata icatsia Ananías nejumaitsi: “Vamojivimi rabaja pijaDioso caitapeta. Caitapeta baja neyapëtaenexa pacuenia catojitsipa netoexanaenexa. Caitapetanua netaenexa Dioso pitabarata Jesús pepo pianeconijibinë. Caitapetanua nejumetaenexa Jesús pecatsipaebilivaisi.

Hechos 22:6

Pablo icatsia jumaitsi hebreojumeta judíovijavabelia: —Nexata jane baja ponajë Damasco tomarabelia. Itsa baja imoxoyotanajetarucajë Damasco tomara, jemata matonejeepatota pinijicotia nematatoyorotsia naitayota athëbëvetsica.

Hechos 26:12

Pablo icatsia jumaitsi nacuaevetsinë Agripajavabelia: —Bajara picani icatsia pacuenia tataicaenexa Damasco tomarata Jesús pelivaisi pejumecovënëtsivi, ponajë picani Damasco tomarabelia. Nitoroba sacerdotevi penamatacaitorobivi. Bajarapamonae pejamatabëcueneta nitoroba tataicaenexa picani Jesús pelivaisi pejumecovënëtsivi tajebinexa penaneconitsivi pejebabiabibota.