Mateo 9:22 - Tü Nüchikimaajatkat Jesucristo

²² Ajununajaashi Jesús sünain ni'rüin tü wayuukot. —Nii waa'iraa, anakaja talatüle paa'in. Anaitpa pia süka pünoujain tanain —nümakalaka Jesús sümüin. Anasü shia wanaa ma'i sümaa naashajaain Jesús sümaa.

Mateo 9:22 Referans Kwoze

Lucas 7:50

Otta nünüiki Jesús sümüin tü jietkat: —O'tte'ennüitpa pia süka pünoujain tanain. Anasü müleka pu'unüle sünain anain paa'in —nümakalaka sümüin.

Mateo 15:28

Nümakalaka Jesús sümüin: —Maachee, te'rüin pia sünain shiimüin pünoujain tanain süka süpüshua paa'in. Anakaja müleka naapüle joolu'u Maleiwa tü püchuntakat —nümakalaka sümüin. Anakalaka tü süchonkot wanaa ma'i sümaa tia.

Mateo 9:2

Je cha'aya, süntakalaka wane wayuuirua nünainmüin sünain nalü'üjiraain wane wayuu ayuuishi süka süi shii'iree niiyajeein nia. Oukta asa'achi, oukta atünachi. Nütüjaapa Jesús saa'u nanoula na wayuukana, aashajaashi nia nümüin chi ayuuishikai: —Tawalachee, anakaja talatüle paa'in. Talatirüitpa paainjala puulia —nümakalaka nümüin.

Lucas 18:42

Asouktüshi Jesús: —Ko'uichipa pia joolu'u saa'u pünoula —nümakalaka nümüin.

Lucas 17:19

Otta nümüin chi wayuukai, müshi Jesús: —Püsha'walaa pu'unaiwa. Anaichipa pia saa'u pünoujain tanain.

Lucas 8:48

Nümakalaka Jesús sümüin: —Nii waa'iraa, anaitpa pia süka pünoujain tanain. Anasü pu'unüle sünain anain paa'in.

Marcos 10:52

Asouktüshi Jesús: —Ko'uichipa pia joolu'u saa'u pünoula —nümakalaka nümüin. Ko'u müshija nia. Je süchikijee tia, o'unüshi nümaa Jesús.

Marcos 5:34

Nümakalaka Jesús sümüin: —Nii waa'iraa, anaitpa pia süka pünoujain tanain. Anasü pu'unüle sünain anain paa'in. Müiria nnojolüin müliain pia sütüma tü ayuuliikat.

Mateo 9:29

Ni'itaakalaka Jesús najapü saa'u tü no'ukot wane'ewa'ire nakua sünain nümüin namüin: —Anashii ko'ule jia joolu'u saa'u jünoujain tanain.

Aluwataaushikana 16:18

Kojuya ka'i sümakuu sümüin tü pütchikat. Shiasa'a üttapa naa'in Pablo sütüma tü shikiisekat, nuuyanajaakalaka sümaa nümüin sümüin tü süseyuukat: —Saa'u nünülia Jesucristo, tamüsü paala pia: ¡Pujuitta suulia tü jintutkat! Shiasa'a süchikijeechon nümüin sümüin, sujuittakalaka suulia.

Juan 4:53

Niyaawanajaakalaka saa'u joolu'u chi nüshikai sünain niiyajünüin chi nüchonkai wanaa ma'i sümaa “Anaichipa chi püchonkai, nnojoleechi ouktüin” nümüin paala Jesús. Ni'itaakalaka naa'in niakai je napüshua na kepiakana nümaa sünain anoujaa nünain Jesús sükajee tia.

Hebreokana 4:2

Aküjünüsü wamüin maa'ulu yaa süchiki tia eemerawaakat maa aka süküjünüin achiki paala namüin na watuushikana. Akatsa'a nnojolüin kasain saapüin namüin, süka nnojolüin nanoujain sünain shiimain tü nümakat chi Maleiwakai namüin.

Aluwataaushikana 14:9

aapaja'alüin tü naashajaalakat Pablo. Je Pablo, niirakaakalaka nümüin. Ni'rapa sünain naapüin naa'in sünain eein süpüla niiyajünüin,

Mateo 17:18

Otta müshia Jesús, nuu'ule'erakalaka tü yolujaakat suulia tü saa'inrakat nüka chi jintüikai. Sujuittakalaka nüle'eru'ujee. Anakalaka chi jintüikai wanaa sümaa tia.

Mateo 8:13

Nümakalaka Jesús joo nümüin chi sülaülashikai surulaat: —Anakaja pu'unüle. Aneechi joo chi püchepchiakai nütüma Maleiwa süka pünoujain sünain anainjachin nia tatüma —nümakalaka Jesús nümüin. Je chi nüchepchiakai, anaichipa nia wanaa ma'i sümaa naashajaain Jesús nümaa chi sülaülashikai surulaat.