Mateo 21:11 - Tü Nüchikimaajatkat Jesucristo

¹¹ Namakalaka na wayuukana eekai naküjeein: —Nia Jesús chi nünüikimaajachikai Maleiwa chaje'ewaikai Nazaret cha'aya Galilea —namakalaka.

Mateo 21:11 Referans Kwoze

Juan 6:14

Shiasa ne'rapa na wayuukana tü naa'inrüitpakat Jesús sünain shiain tü nütüjakat apüleerua Maleiwa nümüiwa, o'ttüshii naya sünain aashajaajirawaa nüchiki sünain maa: —Shiimüintaaja'aya Jesús sünain niain chi Nünüikimaajachikai Maleiwa, chi antajachikai anülia sa'akamüin wayuu.

Juan 7:40

Shiasa su'uluku tü e'rajüsükat sükua tü mi'iraakat saapapa nünüiki Jesús, müshii yaa: “Shiimain sümaa niain chi Nünüikimaajachikai Maleiwa ajütünajachikai so'uweena wane ka'i sa'akamüin wayuu”.

Lucas 7:16

Ponusü ma'i naa'in na wayuukana tü ne'rakat. Je na'waajüin Maleiwa: —Anashikaiche ma'i chi nünüikimaajachikai Maleiwa antakai wa'akamüin —müshii waneeirua. Otta wane: —Antüichipa Maleiwa süpüla nükaaliijainjanain waya nüpüshikana —müshii.

Aluwataaushikana 7:37

“Moiséskai chii, nia chi makai namüin na watuushinuukana: ‘Maleiwakai, chi Jümaleiwasekai, ni'itaajeechi ja'akajee jiakana wane wayuu nünüikimaajachinjachi jümüin maa aka ni'itaain taya joolu'u. Joonoo sümaa süpüshua'a tü nümüinjatkat jümüin’.

Juan 9:17

nasakirakalaka chi mo'upü'ükai nüchikua'aya: —Piakai ko'ushikai nütüma, ¿jarai naa'in pümüin? —namakalaka nümüin. Nüsouktakalaka chi wayuukai namüin: —Wane nünüikimaajachi Maleiwa naa'in tamüin —nümakalaka namüin.

Mateo 2:23

Je nüntapa cha'aya, o'unüshi sulu'umüin wane pueulo kanüliasü Nazaret süpüla kepiainjanain naya cha'aya. Alatüsü tüü süpüla keraainjatüin tü nünüikikat chi Maleiwakai aküjünakat paala natüma na nünüikimaajanakana, tü makat: “Nazaretje'ewai chii”.

Juan 4:19

—Eekaja'a eera pia saa'in tamüin nünüikimaajachi Maleiwa.

Juan 1:21

Nasakirakalaka sünain müleka niale Elías. —Nnojo, nnojoishi tayain Elías —nümakalaka Juan namüin. Nasakirakalaka joo nia sünain müleka niale chi Nünüikimaajachikai Maleiwa ajütünajachikai so'uweena wane ka'i sa'akamüin wayuu. —Nnojo, nnojoishi tayain chi wayuukai —müshija'a joo nia namüin.

Marcos 6:15

Shiasa süküjala waneeirua: —Niataa Elías. Otta sünüiki wane'eya: —Niataa wane nünüikimaajachi Maleiwa maa aka na nünüikimaajana namaiwajanakana.

Lucas 24:19

—¿Kasa kasachiki alataka? —nümakalaka Jesús namüin. —Shia tü alatakat nümüin Jesús chi Nazaretje'ewaikai, nünüikimaajachikai Maleiwa. Pülashi ma'i nia nütüma Maleiwa süpüla naa'inrüinjatüin kasa anasü su'upala wayuu wainma je süpüla nüküjainjatüin tü anasükat namüin.

Juan 1:25

Nasakirakalaka nia: —¿Jamaka'a puwoutisaajaka'a wayuu sünain nnojolin piain Cristoin, sünain nnojolin piain Elías, je sünain nnojolin piain chi Nünüikimaajachikai Maleiwa? —namakalaka nümüin Juan.

Lucas 7:39

Otta chi fariseokai eenajitkai Jesús, müsü naa'in nüle'eru'u: “Je chira, müleka niale wane chi nünüikimaajachikai Maleiwa, niyaawatüinje tü jierü epettakat nia, nütüjaa aa'uluje sukuaippa sünain kaainjaralüin shia, je niyouktüinje sümüin tü saa'inrakat nüka”.

Mateo 21:10

Je nikerolapa Jesús sulu'umüin Jerusalén, patatsü saa'in tü wayuukolüirua süpüshua sümaa naashajaajiraain sünain maa: —¿Jaraikai nian? —namakalaka.

Mateo 21:26

Oo'ulaka mojushiisü süpüla ‘Wayuu’ wamüinjanain süka nünüikimaajachin nia Maleiwa saajüin tü wayuukolüirua. Mojushiijeerü namüin”, majiraashii naya nujuuna Jesús.

Mateo 21:46

Kee'ireesü ma'i naa'in nata'üleein Jesús, otta nnojoishi nata'ülüin süka mmolüin naya seema tü wayuu kamalainkat amüin nünüiki Jesús süka niain wane nünüikimaajachi Maleiwa saajüin tü wayuukolüirua.