Yohan 4:3 - Gvray Shànshér Mòngkà Kagvp Àngshv́r

³ Wervt Àng nø Yuda móng kèní búng nø̀ Galili móng sv̀ng vrá vtv́ngá:mì.

Yohan 4:3 Referans Kwoze

Yohan 11:54

Wervt Yesu nø Yuda vsv̀ngrì dvhø̀ø neyv́ng negv̀m mvdìá:mì. Weyv́ng kèní Àng búng nø̀ rvgaq mvgung shvnvng Epraim tǿò mvrìng yv́ngø Àng coqcv́nrì nv̀ng v̀lá:mì.

Yohan 10:40

Yesu nø Yordan tì kupa nv̀msvr lap, Yohaní nv̀mlat tìløpma yà:ngà yv́ngsv̀ng vrá tuqá:mì nø̀ weyv́ngø v̀lá:mì.

Yohan 3:22

Yadv́ng pv̀n mèpvng Yesu nø Àng coqcv́nrì nv̀ng Yuda móng sv̀ng gòng ráì nø̀, àngmaq nv̀ng weyv́ngø vl sórí tìløpmaòe.

Yohan 2:11

Yesuí nv̀mlat vtiqlv́m mvshv́lpvrá wàò we yalòng nø Galili móng Kana rvwá taq íe. Yadø Àng ngø̀rdvgùng dvta:nò yv́ngkèní, Àng coqcv́nrì nø Àng sv̀ng kv́m bǿì.

Yohan 1:43

Mèpvng ni taq Yesu nø Galili móng sv̀ng búnglv́m dvdushì bǿì. Wekvt Pilip sv̀ng À:ngí yv̀ng bǿà nø̀, “Ngà mèpvng ècv̀n ra,” a:lòe.

Marko 3:7

Wemèpvng Yesu nv̀ng Àng coqcv́nrì nø tìnúngmè kaqsv̀ng yilshìá:mì. Galili kèní vsv̀ng loksu:kngí gø Àng mèpvng cv̀n bǿà.

Yohan 3:32

À:ngí vyv́ngshaq vtáshaq rì dang shvkse wáshì nìgø, Àng shvkse kà sv̀ng kagǿí gø màtoò.

Yohan 4:47

Yesu nø Yuda móng kèní Galili móng sv̀ng tuq ráì wa kà dupèí tá bǿà kvt, Yesu yv́ng dìá:mì nø̀, Àng di daq weí shìlv́m dv́nshì we àngcèpè sv̀ng dvbanalv́m dvpvt nímshìe.

Yohan 7:1

Wemèpvng Yesu nø Galili móng taq tvríshìá:mì. Yuda vsv̀ng shølshúrìí Àng kaq shvtlv́m wàò rvtnø̀, Àng nø Yuda móng sv̀ng dí màmvyǿ.