Yohan 4:10 - Gvray Shànshér Mòngkà Kagvp Àngshv́r

¹⁰ Yesuí àng sv̀ng, “Gvray gønpaq lòng nv̀ng nà yv́ngkèní aq tì røtshì pè nø kagǿ í we sv̀ng la èsháò nìnø, nà mv̀ng Àng yv́ngkèní èrøtshì nø̀, À:ngí nà sv̀ng cúnshì we tì èzivtne,” wa vtá:nòe.

Yohan 4:10 Referans Kwoze

Yohan 4:14

Íwe Ngàí zǿngò we tì aq gǿ nø kadvgvp gø mvbál long. Tì welòng nø dvciqlvpat gø̀nshaq zí lún høq àng vdòngø bor we tìbor í longe,” wa vtá:nòe.

Yohan 3:16

Àng kaq kv́m vsv̀ng kagǿ ínìgø màmvng nø̀ dvciqlvpat gø̀nshaq lúnlv́m dvpvt, Àngcè Lòngzàpè zí daqì høqshaq ni Gvray nø rvgaq tø̀m vsv̀ng kaq gvzà shóngshìe.

Yohan 6:35

Yesuí, “Ngà nø gø̀nshaq zidòng ǿngàe. Ngà yv́ng di ra vsv̀ng nø kadvgvp gø svrí mvshì long. Ngà sv̀ng kv́m we kagǿ gø, dvciqciq mvbál long.

Yohan 17:3

Dvciq lvpat gø̀nshaq nø tiqgǿ wa èí nø dìng we Gvray Nà sv̀ng gø, Nàí dèzv́r daqà we Yesu Kristu sv̀ng gø sháò lòng íe.

Yohan 6:51

Ngà nø muqlàng kèní la daqà we cúnshì we zidòng ǿngàe. Zidòng yalòng á:mò we kagǿ ínìgø dvciqlvpat cúnshì longe. Vrá rvgaq tø̀m vsv̀ngrì cúnshìlv́m dvpvt Ngàí zílv́m zidòng nø, Ngà sha íe,” a:lòe.

Yohan 16:3

Àngmaqí nø Vpè sv̀ng gø, Ngà sv̀ng gø, mèsháshì rvtnø̀ yadv́ng pv̀n wà lú:ngòe.