Yohan 3:2 - Gvray Shànshér Mòngkà Kagvp Àngshv́r

² Àng nø yaqdø̀:ngí Yesu yv́ng dì ráì nø̀, “Rabiá, Nà nø Gvray yv́ngkèní èdì daqì we shvngøtshú èí we sv̀ng sháìe. Kadø íe wani Gvray màbá nìnø, Nàí èwàò we shálv́m mvshv́lpvrá yarì sv̀ng kagǿí gø wá mvngu:tnò,” a:lòe.

Yohan 3:2 Referans Kwoze

Yohan 5:36

Íwe Yohan shvkse kà mvdv̀m té ring we shvkse kà Ngà yv́ng vle. Akvt wv̀ngò bv̀nlìrì nø Ngàí wá dvdv́nglv́m rvt Vpèí èzǿng bǿngà bv̀nlìrì íe. Bv̀nlì werìí ni Ngà sv̀ng Vpèí dèzv́r dakngà we shvkse wàòe.

Yohan 9:16

Parisirì tiqmaqí, “Vsv̀ng yapè nø Narni dvrá mvcv̀n rvtnø̀, Gvray yv́ngkèní mø̀í,” wae. Íwe dvgá tiqmaq nø, “Mvrà vl vsàngí yadø í we vtiqlv́m bv̀nlìrì kadøwa wá ngutshì má?” wae. Wekvt àngmaq dvhø̀ vzø̀ng lú:ngì.

Yohan 12:37

Yesuí àngmaq mv́rdv̀ngø shálv́m mvshv́lpvrá wedv́ngte wà bǿà nìgø àngmaq nø Àng sv̀ng mvkv́m.

Yohan 1:38

Yesu wv́l poshì nìnø, àngní lvngàí cv̀na:tnà we sv̀ng yv̀ng bǿà kvt, “Nàníí pà èláshòe?” a:lòe. Àngní lvngàí, “Rabiá, Nà kayv́ng èvle má?” wa rø:tnòe. (“Rabi” wa kà nø “Svra” wa kà íe).

Yohan 7:31

Vsv̀ng loksokrì taqkèní mvme gǿ Àng sv̀ng kv́m ráì. Àngmaq nø, “Meshia tuq daq kvt gø, yapèí wàò we shálv́m mvshv́lpvrárì mvdv̀m nø damvwà daqòni,” wae.

Yohan 20:16

Yesuí, “Mariá,” a:lòe. Mari lv́mposhì sórí Hebru kàí, “Raboni!” wa vtv́nshìe. (Raboni nø “Svrapè” wa kà íe).

Yohan 15:24

Kagǿí gø mvwà dá:rò we bv̀nlì Ngàí àngmaq dvhø̀ taq mvwv̀ng yv̀ngò nìnø, àngmaq nø mvrà màvl ni we íe. Akvt nø yadv́ng pv̀n àngmaqí yv̀ng bǿà nìgø, Ngà sv̀ng gø, Vpè sv̀ng gø àngmaq shvngoshìe.

Yohan 3:26

Àngmaq nø Yohan yv́ng sv̀ng di ráì nø̀, “Rabiá, ku, Yordan tìwàng kupaø nà nv̀ng tiqdø èvlvpshà pè, nà shvkse èwáshìa:pmì pèí tìløpmaò nø̀ vsv̀ng shvngbe Àng yv́ngsv̀ng wa die,” a:lòe.

Marko 12:14

Àngmaq tuq ráì kvt Àng sv̀ng, “Svrapèá, Nà nø dìng we kà wa èshø̀n we nøngmaqí shá bǿshà. Nàí kagǿ sv̀ng gø mènàna:tnò. Vsv̀ng mv̀rshv̀m mèrèwì:ngò, Gvray tvrà døngdøng wa shèngø:tnòe. Íni, Kesar sv̀ng kùyà gún lòng nø dvráe má, màdvrá má?

Yohan 2:11

Yesuí nv̀mlat vtiqlv́m mvshv́lpvrá wàò we yalòng nø Galili móng Kana rvwá taq íe. Yadø Àng ngø̀rdvgùng dvta:nò yv́ngkèní, Àng coqcv́nrì nø Àng sv̀ng kv́m bǿì.

Yohan 4:31

We dvhø̀ taq coqcv́nrìí Àng sv̀ng, “Rabiá, v́mpà èvm ra,” wa rø̀:nòe.

Yohan 6:2

À:ngí zarì kaq dvbanò we vtiqlv́mrì sv̀ng yv́ng lú:nò rvtnø̀, vsv̀ng loksok lokgaí Àng mèpvng cà:nòe.

Yohan 10:38

Ngàí Àng bv̀nlì wv̀ngò we í nìnø, Ngà sv̀ng mèkv́mnø̀ng nìgø vtiqlv́m bv̀nlìrì sv̀ng dvbvng èkv́mnø̀ng lè! Wekvt Vpè nø Ngà vdòng taq vl nø̀, Ngà gø Vpè vdòng taq vl we nàmaqí èshá daqnø̀ng nø ècíng lóngnø̀nge,” a:lòe.

Yohan 14:10

Ngà nø Vpè vdòng taq vl nø, Vpè gø Ngà vdòng taq vl we sv̀ng nà mèkv́m má? Ngàí nàmaq sv̀ng shø̀nò we kàrì nø, Ngà nø:tní shø̀nò we mø̀í. Ngà vdòng taq vl we Vpèí Ngà taqkèní Àng bv̀nlì wàò we mv̀ng íe.