Yohan 21:1 - Gvray Shànshér Mòngkà Kagvp Àngshv́r

¹ Wemèpvng Yesu nø Tiberia Tìnúngmè shvnvng coqcv́nrì sv̀ng vrá tiqkvt dvtánshìe. Dvtánshì lòng nø yadø íe.

Yohan 21:1 Referans Kwoze

Yohan 6:1

Wemèpvng Yesu nø, Tiberia tǿò we Galili Tìnúngmè kupa sv̀ng léshìá:mì.

Yohan 6:23

Wekvt Kàngpèí Gvray kaq oqà wa dá:ngí àngmaq zidòng v́ma:pmì zàng shvnvng yv́ngø Tiberia wamà kèní kùngshí tiqmaq koqshì ráì.

Yohan 21:14

Yalòng nø Yesu shìyv́ng kèní zun lú:ngì mèpvng, coqcv́nrì sv̀ng Àng dvtanshì we vshø̀m kvt wakvt íe.

Marko 16:12

Wemèpvng, àngmaq kèní vnípè nø vtv́r rvwá sv̀ng di dvgvp, Yesu nø shø̀ngshang tiq mv̀rshà:mí àngní lvngà sv̀ng dvtánshìe.

Marko 16:7

Nàmaq èdìv́mnø̀ng nø̀ Àng coqcv́nrì nv̀ng Piter sv̀ng, ‘Àng nø nàmaq vzv̀ngzv̀ng Galili gùrwang sv̀ng di dae. À:ngí nàmaq sv̀ng èvlvpshà dø, nàmaqí Àng sv̀ng weyv́ngø mv̀ng èyv̀ng bǿnø̀nge,’ wa dètánø̀ng,” a:lòe.

Marko 16:14

Wemèpvng, coqcv́n tiqcé tiqpè wa námrung nø̀ v́mpà vm dvgvp Àng dvtánshìe. Íwe, àngmaq kv́mnøt màvl nø̀ nøt zaq rvt Yesuí àngmaq sv̀ng nga:nòe. Kadø íe wani Àng zun lú:ngì mèpvng Àng sv̀ng yv̀ng dárà rì kà sv̀ng àngmaq mvkv́m.