Yohan 2:16 - Gvray Shànshér Mòngkà Kagvp Àngshv́r

¹⁶ Kaø nvmke rì sv̀ng gø À:ngí, “Yayv́ng kèní yarì èlvngshì bǿnø̀ng. Ngà Vpè chø̀m nø nàmaqò wulaq washìrà mø̀í!” a:lòe.

Yohan 2:16 Referans Kwoze

Marko 11:17

À:ngí àngmaq sv̀ng shvngø:tnò nø̀, “‘Ngà chø̀m nø vsv̀ng dvcì í dv́ngte dvpvt júrøt chø̀m, wa tǿ ràe,’ wa nø̀ vru yà:ngà. Íwe nàmaqí nø, yachø̀m sv̀ng ‘ tølv́mshúrì àngdv̀ng’ lè í dèzv́r bǿshà,” a:lòe.

Yohan 5:17

Yesuí àngmaq sv̀ng, “Vpèí nø akvt høq bv̀nlì wá ma:nò rvt, Ngàí gø wá mvnòe,” a:lòe.

Yohan 20:17

Yesuí àng sv̀ng, “Ngà sv̀ng mèzø̀mànøng, kadø íe wani Ngà nø Vpè yv́ngsv̀ng shini màrvlv́ngshaq ǿngàe. Íwe Ngà vnvmrì yv́ngsv̀ng èdivm nø àngmaq sv̀ng, ‘Ngà nø, Ngà Vpè nv̀ng nàmaq Àngpè gø í pè, Ngà Gvray nv̀ng nàmaq Gvray yv́ngsv̀ng rvlv̀ngvme wae,’ èvlá:mò,” a:lòe.

Yohan 10:29

Nga kaq vyv̀ng werì èzøng we Vpè nø, shvngbe mvdv̀m té ring Pè íe. Vpè wur taqkèní àngmaq sv̀ng kagǿí gø tøl mvdá:ngò.

Yohan 8:49

Yesuí, “Ngà nø cáng dvchøp we mvǿngà. Vpè kaq mv̀ng vpǿ shvringòe. Nàmaqí lè Ngà sv̀ng shèyǿmshàe.

Yohan 2:15

À:ngí bv̀nrì mvship tiqlòng wàò dá:ngí, àngmaq shvngbe sv̀ng gø, vyv̀ngrì nv̀ng nungwàrì sv̀ng gø, Noqngø̀m Tø̀ngnø wáng kèní lù:ngòe. Gv̀msùng cheshì rìò gv̀msùngrì gø bv̀ng shinaò nø̀, àngmaq shvbóyrì gø ngaqa bǿà.