Yohan 17:3 - Gvray Shànshér Mòngkà Kagvp Àngshv́r

³ Dvciq lvpat gø̀nshaq nø tiqgǿ wa èí nø dìng we Gvray Nà sv̀ng gø, Nàí dèzv́r daqà we Yesu Kristu sv̀ng gø sháò lòng íe.

Yohan 17:3 Referans Kwoze

Yohan 17:25

Døngman pè Vpèá, rvgaqí Nà sv̀ng mèshá nìgø, Ngàí Nà sv̀ng shánge. Nàí Ngà kaq dèzv́r dakngà we sv̀ng yarìí gø shá bǿà.

Yohan 3:17

Kadø íe wani rvgaq tø̀m sv̀ng Gvrayí Àngcèpè dvzv́r daqà lòng nø, rvgaq tø̀m vsv̀ngrì kaq mvrà shvrilv́m dvpvt mø̀í, Àng taqkèní rvgaq tø̀m vsv̀ngrì kaq gø̀nshaq shvlutlv́m dvpvt mv̀ng íe.

Yohan 17:23

Àngmaq nø tiqlòng wa í we taq kø̀mgømlv́m dvpvt, Ngà nø àngmaq vdòng taq vl nø, Nà gø Ngà vdòng taq èvle. Wekvt Ngà sv̀ng Nàí dèzv́r dakngà we nv̀ng Ngà sv̀ng Nàí èshònga døni, àngmaq sv̀ng gø èshù:ngò we sv̀ng rvgaqí shá lú:ngòe.

Yohan 17:21

Àngmaq shvngbe nø tiqlòng wa ílv́m røtnòe. Nàí Ngà kaq dèzv́r dakngà we sv̀ng rvgaqí kv́mlv́m dvpvt,Vpèá, Nà nø Ngà vdòng taq èvl nø, Ngà gø Nà vdòng taq vl dø, àngmaq gø Nøngmaq vdòng taq laq vl.

Yohan 3:34

Gvrayí dvzv́r daqà pèí nø Gvray kàrì shø̀:nòe. Pàwá wani, Gvrayí Àng sv̀ng Shanshér Pvlàcè shvdún zìdvng màvl dø vzíshaq íe.

Yohan 17:8

Kadø íe wani Nàí Ngà sv̀ng vzíshaq kàrì Ngàí àngmaq sv̀ng zǿng bǿngà. Àngmaqí gø vtoò nø̀, Ngà nø Nà yv́ngkèní døng dakngà we gø jø̀ngjǿng shá bǿà. Nàí Ngà dèzv́r dakngà we sv̀ng gø àngmaq kv́m bǿì.

Yohan 14:26

Íwe Vpèí Ngà bø̀ng taqkèní dvzv́rlv́m dá:nò we Dvbvngshú Shànshér Pvlàcèí nàmaq sv̀ng shvngbe shèngøtnvtnø̀ng nø, Ngàí nàmaq sv̀ng dvtá bǿshà rì í dv́ngte gø dvdvm rǿn dèzv́rvtnø̀nge.

Yohan 8:19

Wekvt àngmaqí, “Nvpè nø kayv́ng vle má?” a:lòe. Yesuí, “Ngà sv̀ng gø, Ngà Vpè sv̀ng gø, nàmaqí mèsháshà. Nàmaqí Ngà sv̀ng èsháshà nìnø, Ngà Vpè sv̀ng gø èshánø̀ng ni we íe,” wa vtá:nòe.

Yohan 10:36

Ngà nø Vpèí shànshér dø shègak nø rvgaq tø̀m sv̀ng dèzv́r dakngà pè ǿngàe. Íni, ‘Ngà nø Gvray Àngcèpè ǿngàe,’ wvng rvt, ‘Nà nø Gvray kaq shèyǿ:mòe,’ wa pàwá èzershìnø̀nge?

Yohan 7:29

Íwe Ngàí Àng sv̀ng shángòe. Pàwá wani À:ngí Ngà sv̀ng dèzv́r dakngà nø̀ Ngà nø Àng yv́ngkèní dø̀ng dakngà,” a:lòe.

Yohan 6:57

Cúnshì pè Vpèí Ngà sv̀ng dèzv́r dakngà nø̀, Vpè taqkèní Ngà gø cúnshø̀ng dø tiqdvchá, Ngà sha ke gǿ gø Ngà taqkèní cúnshì longe.

Yohan 5:44

Nàmaq nø tasv̀ng dvgùng vzíkelv́m lòng wa èlánø̀nge. Tiqgǿ wa í pè Gvrayí zi daq we dvgùng sv̀ng nø mèlánø̀ng rvt, kadøwa Ngà sv̀ng lekv́mnø̀ngni?

Yohan 11:42

Kadvgvp gø Ngà røtkà sv̀ng Nàí ètángangà we shángòe. Íwe Nàí dèzv́r dakngà we sv̀ng gùrgùr rip we vsv̀ng loksokrì kv́mlv́m rvtnø̀ Ngà yadø shø̀n we íe,” wae.

Marko 9:37

“Kagǿ ínìgø Ngà bø̀ng taqkèní yadø í we cv̀mrécè tiqgǿ sv̀ng vtoò nìnø, Ngà sv̀ng nàtòng we íe. Vrá Ngà sv̀ng nàtòng we wa mvtaq, Ngà sv̀ng dèzv́r dakngà pè sv̀ng vtoò we íe,” a:lòe.

Yohan 17:18

Nàí Ngà kaq rvgaq tø̀m sv̀ng dèzv́r dakngà døni, Ngàí gø àngmaq kaq rvgaq tø̀m sv̀ng dvzv́ròe.