Yohan 15:1 - Gvray Shànshér Mòngkà Kagvp Àngshv́r

¹ “Ngà nø bìmrøng mvdø̀ng ǿngàe. Ngà Vpè nø vshv́ngshú íe.

Yohan 15:1 Referans Kwoze

Yohan 6:55

Pàwá wani Ngà sha nø v́mlv́m mvdø̀ng íe. Ngà shvwi gø aqlv́m mvdø̀ng íe.

Marko 12:1

Wekvt Yesuí kàshvbóng kèní rá àngmaq sv̀ng shǿn pà:ngòe. “Vsv̀ng tiqgǿ nø bìm tiq kùlwàng ka:tnò nø̀, gùrhøm ha:mò dá:ngí bìmshí cutrà dv̀ngkø̀r gø chuqdv̀ng, zunzvng gø wàòe. Wekvt bìm kùlwàng sv̀ng kùlwàng wáshúrì kaq ngáò dá:ngí, àng nø dvgá tiqmóng sv̀ng dìá:mì.

Yohan 6:32

Yesuí àngmaq sv̀ng, “Ngàí kàdøng vla:tnìni, muqlàng kèní zidòng èzí yv̀ngshà pè nø Moshi mø̀í. Muqlàng kèní zidòng mvdø̀ng lòng èzínø̀ng pè nø Ngà Vpè mv̀ng íe.

Yohan 1:9

Vsv̀ng í dv́ngte sv̀ng vwanalv́m gálòng mvdø̀ng nø rvgaq tø̀m sv̀ng dì daqì.

Yohan 1:17

Kadø íe wani Dvrá lèga nø Moshi taqkèní èzí yv̀ngshà. Íwe, jejú nv̀ng dìnglòng nø Yesu Kristu taqkèní tuq daqì.

Yohan 15:2

Ngà vdòng taq caqshì nø̀ àngshí mvzí we dvgv̀ng í dv́ngte sv̀ng À:ngí tu:tnò nø̀, àngshí zí we dvgv̀ng í dv́ngte nø, àngshí té zílv́m rvt À:ngí dvshè:ròe.