Yohan 13:11 - Gvray Shànshér Mòngkà Kagvp Àngshv́r

¹¹ Kadø íe wani Àng kaq nvmv́mlv́m pè sv̀ng À:ngí sháòe. Wervt À:ngí, “Nàmaq dvhø̀ kèní tiqgǿ wa mø̀íni shvngbe nø èshèrnø̀nge,” a:lò we íe.

Yohan 13:11 Referans Kwoze

Yohan 13:26

Yesuí, “Ngàí zidòng yamǿr kung taq zønò nø̀ zǿngò gǿ íe,” wa vtá:nòe. Wekvt À:ngí zidòng tiqmǿr zøn dv̀ng Simon Iskariot àngcè Yuda sv̀ng zíòe.

Yohan 13:21

Yadv́ng pv̀n shø̀n bǿà dá:ngí, Yesu nø vtvngshaq nøt dvshà lú:ngì nø, “Ngàí kàdøng vla:tnìni, nàmaq taqkèní tiqgǿí Ngà sv̀ng ènvmvm bønge,” wa dèdè vchàngòe.

Yohan 13:18

Nàmaq shvngbe sv̀ng shø̀n we mø̀í. Ngà rvcvngshìshaq rì sv̀ng Ngàí shángòe. Íwe Shànshér Kàru taq, ‘Ngà v́mpà vmpè àng híí Ngà sv̀ng pèlonge,’ wa ciq dvhømlv́m rvt íe.

Yohan 13:2

Wedvgvp àngmaq nø dørø̀m v́mpà v́mlv́m runge. Sataní Simon Iskariot àngcè Yuda vdòng taq Yesu sv̀ng nvmv́mlv́m nøt vzv́ngashaq íe.

Yohan 2:25

Vsv̀ng nøt vdòngø kapà vl we À:ngí dǿ:mò rvtnø̀, vsv̀ng kagǿ dang kagǿí shvkse wàò we gø Àng zǿm mvdv̀ng.

Yohan 17:12

Ngà nø àngmaq nv̀ng tiqdø à:lì dvgvp Nàí èzǿnga we Nà bø̀ng taqkèní àngmaq sv̀ng rok bǿngà. Shànshér Kàru kà dvhømlv́m dvpvt, vmv́nglv́m pè wa mø̀í nìnø, àngmaq tiqgǿ gø màmvng dø Ngaí gar bǿngà.

Yohan 18:4

Yesu nø, À:ngí vhǿmlv́m rì shvngbe sháshì rvt, àngmaq yv́ngsv̀ng di nø, “Nàmaqí kagǿ èlánø̀nge?” wa rø:tnòe.