Yohan 13:1 - Gvray Shànshér Mòngkà Kagvp Àngshv́r

¹ Yesu nø rvgaq yalòng kèní búng nø Àngpè yv́ng lolv́m rvtø̀ tuq ráì we sv̀ng Shvlé Bóy mvpà:ngò vzv̀ng kaq sháshìe. Rvgaq tø̀mø vl we Àng coqcv́nrì kaq À:ngí shù:ngò nø̀ lv̀ngdø̀m høq àngmaq sv̀ng shù:ngòe.

Yohan 13:1 Referans Kwoze

Yohan 12:23

Yesuí, “Vsv̀ng Àngcèpè ngø̀rdvgùng shvringlv́m rvtø̀ tuq ráì.

Yohan 13:34

Tiqgǿ nø tiqgǿ nàshòngkénø̀ng, wvng dvkv́mkà àngshv́r tiqlòng Ngàí nàmaq sv̀ng zí ráìe. Ngàí nàmaq sv̀ng shù:ngì dø, nàmaq gø tiqgǿ nø tiqgǿ nàshòngkénø̀ng.

Yohan 16:28

Ngà nø Vpè yv́ngkèní dø̀ng dakngà nø, rvgaq tø̀m sv̀ng tok dakngà. Vrá Ngà nø rvgaq kèní búng nø Vpè yv́ngsv̀ng longvme,” a:lòe.

Yohan 13:3

Yesu nø Vpèí í dv́ngte shvngbe Àng wur taq vzíshaq í we nv̀ng Àng nø Gvray yv́ngkèní dì daqì nø Gvray yv́ng sv̀ng vtv́nglvm í we sháshìe.

Yohan 18:4

Yesu nø, À:ngí vhǿmlv́m rì shvngbe sháshì rvt, àngmaq yv́ngsv̀ng di nø, “Nàmaqí kagǿ èlánø̀nge?” wa rø:tnòe.

Yohan 17:16

Ngà nø rvgaqò mv̀ǿngà dø, àngmaq gø rvgaqò mø̀í.

Yohan 17:1

Yesuí yadv́ng pv̀n shø̀:nò dá:ngí, muqlàng kaq dvjaq sórí yadø wae. “Vpèá, rvtø̀ tuq ráì. Nvcèpè Ngàí Nà ngø̀rdvgùng dvtan lúnlv́m dvpvt Nvcèpè ngø̀rdvgùng sv̀ng dètan daqò.

Yohan 17:5

Wervtnø̀ Vpèá, rvgaq shini màvl dvgvp Nà nv̀ng tiqdø vdáng yà:ngà we ngø̀rdvgùng welù:ngí Nà mv́rdv̀ngø akvt Ngà sv̀ng shèring dakngà.

Yohan 17:26

Nàí Ngà sv̀ng èshòngà we shóngnøt àngmaq vdòng taq v̀llv́m nv̀ng Ngà gø àngmaq vdòng taq v̀llv́m dvpvt, Nà sv̀ng Ngàí àngmaq kaq shá dvzv́r bǿngà. Zv̀ndvtut gø shá dvzv́rlv́m íe,” wae.

Yohan 14:28

‘Ngà nø longvme, vrá nàmaq yv́ngsv̀ng vtv́ng daknge,’ wvng shø̀nkà nàmaqí ètá bǿshà. Nàmaqí Ngà sv̀ng èshòngshà nìnø, Vpè yv́ngsv̀ng Ngà longvm rvt nàmaq dèbùnø̀ng ni we íe. Kadø íe wani Vpè nø Ngà mvdv̀m té ringe.

Yohan 11:55

Yuda vsv̀ngrìò Shvlé Bóy yùl ráì rvtnø̀, vtv́r rvgaq kèní vsv̀ng mvme nø vdèdè dvshérshì we vtóng cv̀nlv́m dvpvt, Shvlé Bóy mvwàò vzv̀ng Yerusalem sv̀ng ngangá:mì.

Yohan 7:30

Wekvt àngmaqí Àng sv̀ng tvplv́m wàòe. Ínìgø Àng rvtø̀ shini mvhøqò rvtnø̀, kagǿí gø Àng sv̀ng mvta:pmò.

Yohan 7:6

Wekvt Yesuí àngmaq sv̀ng, “Ngà rvtø̀ shini mvhøqò. Nàmaq nø kadvgvp gø dí dv̀ng íe.

Yohan 6:4

Wedvgvp nø Yuda vsv̀ngrìò Shvlé Bóy gø tuq yùl ráì.

Yohan 8:20

Kà yarì nø Noqngø̀m Tø̀ngnø taq À:ngí shvngø:tnò dvgvp gv̀msùng shøpdik gà:lò zàngø shø̀n yà:ngà kàrì íe. Íwe Àng rvtø̀ shini mvhøqò rvtnø̀ Àng sv̀ng tiqgǿí gø mvta:pmò.

Yohan 2:13

Wekvt Yuda vsv̀ngrìò Shvlé Bóy tuq yùl ráì nø̀, Yesu nø Yerusalem sv̀ng ngangá:mì.

Yohan 13:29

Yuda nø gv̀msùng shøpshú í rvtnø̀, Yesuí àng sv̀ng bóy dvpvt rà pv̀nrì wvnlv́m, mø̀íni dvshàrì kaq tiqpv̀npv̀n zílv́m, a:lò pà íe, wa tiqmaqí lá:nòe.

Yohan 14:31

Íwe, Ngà nø Vpè sv̀ng shóngshø̀ng we rvgaqí shálv́m rvt, Vpèí dèkv́m dø wv̀ngòe. Có, yayv́ng kèní bú:ngì.”

Yohan 19:28

Yesu nø bv̀nlì shvngbe wá dv́ng bǿà we sv̀ng sháshì rvtnø̀, Shànshér Kàru dvgømlv́m dvpvt, “Ngà tì bále,” wae.