Yohan 10:4 - Gvray Shànshér Mòngkà Kagvp Àngshv́r

⁴ Àng vyv̀ngrì shvngbe vtv́ng lap shvléò dá:ngí, àngmaq vzv̀ngzv̀ng àng die. Vyv̀ngrìí àng kà mvshá:lò rvtnø̀, àng mèpvng cà:nòe.

Yohan 10:4 Referans Kwoze

Yohan 10:16

Yawáng kèní mø̀í we dvgá dø vyv̀ngrì gø Ngà vdánge. Werì sv̀ng gø Ngàí shøl ràe. Wekvt àngmaq nø Ngà kà ta long weí, tiqré wa ívm nø̀, vyv̀ng roqshú gø tiqgǿ wa ívme.

Yohan 12:26

Ngà sv̀ng dvzøm mvyǿ gǿ nø Ngà mèpvng cv́n ràe. Ngà dvzømshú nø Ngà vl yv́ngø v́l lúnlv́m íe. Ngà sv̀ng dèzøm gǿ sv̀ng nø, Vpèí vpǿ shvring lú:ngòe.

Yohan 18:37

Wervtnø̀ Pilatní, “Wedø íni, Nà nø koqkv́m ni èí má?” a:lòe. Yesuí, “Nàí èshø̀:nò døni Ngà nø koqkv́m ǿngàe. Ngà sv̀ng ègv̀l dakngà nø rvgaq tø̀m sv̀ng dø̀ng dakngà we nø dìnglòng dvpvt shvkse wáshìlv́m rvt íe. Dìnglòng lap wáshì rì kagǿ gø Ngà kà tae,” wa vtá:nòe.

Yohan 10:8

Ngà vzv̀ngzv̀ng di rì shvngbe nø vkǿ nv̀ng tølv́mshúrì íe. Íwe vyv̀ngrìí nø àngmaq kà mvtáaò.

Yohan 3:29

Zvmìshv́rmè nø lvngàshv́rpèò íaòe. Lvngàshv́rpèò vrashúpè nø rip nø̀ lvngàshv́rpè kàshaq táò ke shaqshaqwa dvbùe. Welòng dø ngà gø dvbònge.

Yohan 13:15

Ngàí nàmaq sv̀ng wáa bǿshà dø nàmaqí gø wàlv́m shvbóngshìrà Ngàí wv̀ng bǿngà we íe.

Yohan 10:3

Àng sv̀ng nø bv́ngkà vsóngshúí bv́ngkà tánaòe. Vyv̀ngrì gø àng kà tae. À:ngí nø àng vyv̀ngrì bø̀ng goò sórí vtv́ng lap sv̀ng shø:lòe.

Yohan 10:5

Íwe màmv́r gǿ mèpvng nø àngmaqí mvcà:nò, dvshàshà àng yv́ngkèní vtnvme. Pàwá wani àngmaqí màmv́rrì kà sv̀ng màmvshá:lò,” a:lòe.

Yohan 10:27

Ngà vyv̀ngrì nø Ngà kà tae. Ngàí gø àngmaq sv̀ng shángò nø̀, àngmaq nø Ngà mèpvng cv̀ne.