Yohan 1:51 - Gvray Shànshér Mòngkà Kagvp Àngshv́r

⁵¹ Vrá Yesuí, “Ngàí kàdøng vla:tnìni, muqlàng vtánvm nø̀, Gvrayò muqlàng dvzv́rrì nø, Vsv̀ng Àngcèpè taqkèní rvlv́ng mvnshì yøt mvnshì we sv̀ng nàmaqí èyv̀ng lóngnø̀nge,” a:lòe.

Yohan 1:51 Referans Kwoze

Marko 14:62

Wekvt mv̀ng Yesuí, “Ngà ni ǿngàe. Vsv̀ng Àngcèpè nø̀ Jórnònggùn vl pè vbàngpaø rung we nv̀ng, muqlàng rvmøtrì nvngnvng døng dak we sv̀ng nàmaqí èyv̀ng lóngnø̀nge,” a:lòe.

Marko 1:10

Tì vdòng kèní kungshì lú:ngì chàng, muqlàng vtáná:mì nø̀, Gvray Pvlàcè nø kaø dø Àng mvdv̀m lashì daqì we À:ngí yv̀ng bǿà.

Yohan 10:1

“Ngàí kàdøng vla:tnìni, vyv̀ng wáng vdòng sv̀ng bv́ngkà chit kèní màgóngshaq, shø̀ngshang tiqdang kèní rvlv̀ng ra gǿ nø vkǿ nv̀ng tølv́mshú íe.

Yohan 14:12

Ngàí kàdøng nàmaq sv̀ng vla:tnìni, Ngà kaq kv́m gǿí nø, Ngàí wv̀ngò bv̀nlìrì wà lú:ngòe. Yarì mvdv̀m té ring we bv̀nlìrì gø wà lú:ngòe. Pàwá wani Ngà nø Vpè yv́ngsv̀ng longvme.

Yohan 6:47

Ngàí kàdøng vla:tnìni, Ngà sv̀ng kv́m gǿ nø dvciqlvpat gø̀nshaq lúne.

Yohan 21:18

Ngàí nà sv̀ng kàdøng vlvtnø̀ng, nà gùchàngré èí dvgvp nø, nà nø nà wa juqnv́m ènv́mshì nø̀, nà dí mèyǿ yv́ng dí èlú:nòe. Íwe nà cèrǿng ra dvgvp, nà wur nàgàng nø̀, vsà:ngí nà sv̀ng juqnv́m ènv́mavt nø, nà dí mèmèyǿ yv́ngsv̀ng èshøl bøe,” a:lòe.

Yohan 8:51

Ngàí kàdøng vla:tnìni, Ngà kà cv́n døng we kagǿí gø shìlòng sv̀ng kadvgvp gø màhǿm lú:ngò,” wa vtá:nòe.

Yohan 6:32

Yesuí àngmaq sv̀ng, “Ngàí kàdøng vla:tnìni, muqlàng kèní zidòng èzí yv̀ngshà pè nø Moshi mø̀í. Muqlàng kèní zidòng mvdø̀ng lòng èzínø̀ng pè nø Ngà Vpè mv̀ng íe.

Yohan 3:5

Yesuí, “Ngàí kàdøng vlvtnø̀ng, tì nv̀ng Pvlàcèí màgv́lshaq kagǿ í nìgø, Gvray móngdàn sv̀ng góng mvlúnshì.

Yohan 16:20

Ngàí kàdøng vla:tnìni, nàmaq nø dèyórshìnø̀ng nø rv̀ngshvng èwà lóngnø̀nge, íwe rvgaq nø dvbù longe. Nàmaq nøt dèshànø̀ng nìgø, nàmaq nøt dvshàlòng nø dvbùlv́m vpovme.

Yohan 13:16

Ngàí kàdøng vla:tnìni, vshuq nø àngkàng mvdv̀m ring we mø̀í. Dvzv́rshú gø àng kaq dvzá:rò pè mvdv̀m ring we mø̀í.

Yohan 10:7

Wervt Yesuí vrá tiqkvt yadø a:lòe. “Ngàí kàdøng vla:tnìni, Ngà nø vyv̀ng bv́ngkà chit ǿngàe.

Yohan 6:53

Yesuí àngmaq sv̀ng, “Ngàí kàdøng vla:tnìni, nàmaq nø Vsv̀ng Àngcèpè sha mèkénø̀ng, Àng shvwi mèaqnø̀ng nìnø nàmaq vdòng taq gø̀nshaq màvl.

Yohan 5:27

Vrá, Àng nø Vsv̀ng Àngcèpè í rvtnø̀, kàngélv́m vmíng Gvrayí Àng sv̀ng vzíshaq íe.

Yohan 5:19

Wekvt Yesuí àngmaq sv̀ng vtá:nò we nø, “Ngàí kàdøng vla:tnìni, Àngcèpèí nø Àng nø:tní wa tiqpv̀n gø wá mvlú:nò. Àngpèí wàò lòng sv̀ng yà:ngò nø̀ wa wá lúnòe. Kadø íe wani Àngpèí wàò pv̀n wa Àngcèpèí gø wàòe.

Yohan 3:3

Yesuí, “Ngàí kàdøng vlvtnø̀ng, kagǿ gø àngshv́r tiqkvt màgv́lshaq nø, Gvray móngdàn yv́ng mvlúnshì,” wa vtá:nòe.

Yohan 16:23

Weni taq nàmaqí Ngà sv̀ng røtlv́m tiqkà gø màvlvm. Ngàí kàdøng vla:tnìni, Ngà bø̀ng taqkèní nàmaqí Vpè sv̀ng kapà èrøtnø̀ng nìgø, À:ngí èzí daqnø̀nge.

Yohan 13:38

Yesuí, “Ngà dvpvt nà gø̀nshaq dvbǿm kvmshø̀nge nàyà lá? Ngàí nà sv̀ng kàdøng vlvtnø̀ng, dv̀nggú shini mvgì dvgvp, nàí Ngà sv̀ng vshø̀m kvt èmang lóngàe,” wa vtá:nòe.

Yohan 8:58

Yesuí, “Ngàí kàdøng vla:tnìni, Abraham shini màvl dvgvp kèní ni Ngà nø àv́lshaq ǿngàe,” a:lòe.

Yohan 8:34

Yesuí, “Ngàí kàdøng vla:tnìni, mvrà wa gǿ vrv̀m nø mvrà vshuq íe.

Yohan 6:26

Yesuí àngmaq sv̀ng, “Ngàí kàdøng vla:tnìni, nàmaqí Ngà sv̀ng èláshà lòng nø, shálv́m mvshv́lpvrárì sv̀ng èsíngnø̀ng rvt mø̀í. Zidòng èv́mnø̀ng nø̀ nàgàvpshà rvt mv̀ng íe.

Yohan 1:50

Yesuí àng sv̀ng, “Nv̀mgwè tø̀ng lv̀ngpvngø Ngàí nà sv̀ng yv̀ng bǿngà wvng kà rvtnø̀ èkv́me ó? Ya mvdv̀mø té ring pv̀nrì nàí èyv̀ng lú:ngòe,” a:lòe.