Yohan 1:44 - Gvray Shànshér Mòngkà Kagvp Àngshv́r

⁴⁴ Pilip nø, Anderu nv̀ng Piter vl we Betseda mvrìng kèní íe.

Yohan 1:44 Referans Kwoze

Yohan 12:21

Àngmaq nø Galili móng Betsedapè Pilip yv́ng dì ráì nø̀, “Vshaqpèá, Yesu sv̀ng nøngmaq yv́ng mvyǿìe,” a:lòe.

Marko 8:22

Àngmaq nø Betseda mvrìng sv̀ng tuq ráì nìnø, vsv̀ngrìí nemàn tiqpè shøla:tnà nø̀, àng sv̀ng lvshupma:tnò dø Yesu sv̀ng kórshìe.

Marko 6:45

Wedá:ngí chàng Yesuí vsv̀ng loksokrì sv̀ng shvloò sórí, Àng coqcv́nrì sv̀ng gø kùngshí vdòng zv́ngshì dvzá:rò nø̀, kupa Betseda rvwá sv̀ng Àng vzv̀ngzv̀ng léshì dvzá:ròe.

Marko 3:18

Anderu, Pilip, Bartolemi, Mati, Toma, Alpiu àngcèpè Yaku, Tadiu, dvcì shóngnøt te pè Simon nv̀ng

Yohan 1:43

Mèpvng ni taq Yesu nø Galili móng sv̀ng búnglv́m dvdushì bǿì. Wekvt Pilip sv̀ng À:ngí yv̀ng bǿà nø̀, “Ngà mèpvng ècv̀n ra,” a:lòe.

Yohan 1:45

Pilipmí Nataniel sv̀ng lá lún bǿà nø̀ àng sv̀ng, “Moshií gø Dvrá lèga taq vruò nø̀, Kàdvtutshúrií gø vru yà:ngà pè sv̀ng nøngmaqí yv̀ng bǿshà. Àng nø Yosep àngcè, Nazaretpè Yesu íe,” a:lòe.

Yohan 1:46

Wekvt Natanielí àng sv̀ng, “Nazaret mvrìng kèní nø shvla we kapv̀n bunge má?” a:lòe. Pilipmí, “Có, yv̀ngv́mshò lè,” a:lòe.

Yohan 1:48

Natanielí Àng sv̀ng, “Nàí ngà sv̀ng kadø èshángà má?” wa rø:tnòe. “Pilipmí nà sv̀ng shini mègo dvgvp, nv̀mgwè tø̀ng lv̀ngpvngø nà èvl dvgvp ni, Ngàí nà sv̀ng yv̀ng bǿngà,” wa Yesuí vtá:nòe.

Yohan 6:5

Vsv̀ng loksok lokga Àng yv́ngsv̀ng di ráì we Yesuí yv̀ng bǿà nìnø, Pilip kaq, “Vsv̀ng yadv́ngte v́mlv́m dvpvt, nøngmaqí kayv́ng kèní v́mpà wvnlv́m?” wa rø:tnòe.

Yohan 6:7

Pilipmí Àng sv̀ng, “Nøngmaqí gv̀msùng vníyá dinari dvpǿ la wa:nì nìgø tamǿrcè gø vpvt na mø̀í,” wa vtá:nòe.

Yohan 12:22

Wekvt Pilip dìá:mì nø̀ Anderu sv̀ng dvtáòe. Vrá, Anderu nv̀ng Pilip dì ráì weí Yesu sv̀ng dvtáòe.