Yohan 1:4 - Gvray Shànshér Mòngkà Kagvp Àngshv́r

⁴ Àng vdòng taq nø gø̀nshaq vle. Vrá, gø̀nshaq yalòng nø vsv̀ng shvngbe dvpvt gálòng íe.

Yohan 1:4 Referans Kwoze

Yohan 8:12

Vrá Yesuí bashàrì sv̀ng, “Ngà nø rvgaq gálòng ǿngàe. Ngà mèpvng cv̀n vsv̀ng nø gø̀nshaq gálòng vdá rvtnø̀ dø vdòngø mvdi,” a:lòe.

Yohan 12:46

Ngà kaq kv́m we kagǿ gø dø vdòngø màv̀llv́m dvpvt, Ngà nø rvgaq tø̀m sv̀ng dø̀ng dakngà we gálòng ǿngàe.

Yohan 5:26

Kadø íe wani Àngpè nø gø̀nshaq àngké í dø tiqdvchá, Àngcèpè sv̀ng gø gø̀nshaq àngké í dvzv́r bǿà.

Yohan 9:5

Rvgaq tø̀mø Ngà vl dvgvp, Ngà nø rvgaq gálòng ǿngàe,” wa vtá:nòe.

Yohan 11:25

Yesuí, “Zunlòng nv̀ng gø̀nshaq nø Ngà ǿngàe. Ngà kaq kv́m gǿ nø, shì nìgø cúnshì longe.

Yohan 14:6

Yesuí àng sv̀ng, “Ngà nø tvrà nv̀ng dìnglòng nv̀ng gø̀nshaq ǿngàe. Ngà taqkèní wa mø̀í nìnø, Vpè yv́ngsv̀ng kagǿí gø dí mvlú:nò.

Yohan 12:35

Yesuí àngmaq sv̀ng, “Gálòng nø nàmaq nv̀ng tiqlvngcè wa vle. Dølù:ngì nàmaq sv̀ng mèzíkévtnø̀ng dvgvp, gálòng shini vl ke, èdìnø̀ng. Dø vdòngø di gǿ nø àng kakaq sv̀ng di we mvsháshì.

Yohan 5:21

Àngpèí shìrì sv̀ng dvzu:nò nø̀ gø̀nshaq dvcú:nò dø, Àngcèpèí gø welòng døni dvcún mvyǿ dv́ngte sv̀ng dvcú:nòe.

Yohan 3:19

Kàngéò we nø yaciq íe. Gálòng nø rvgaq tø̀m sv̀ng gòng daqì nìgø, vsàngí wàò rì nø mvgvm màshvla we í rvt, àngmaq nø gálòng tvle dølòng sv̀ng lè shóngshìe.