Marko 8:11 - Gvray Shànshér Mòngkà Kagvp Àngshv́r

¹¹ Parisirì dì ráì nø̀, Yesu nv̀ng vzǿng pv́ngshì nø̀ Àng kaq cip lálv́m, “Muqlàng kèní mvshv́lpvrá tiqlòng dètanshà,” wa rø:tnòe.

Marko 8:11 Referans Kwoze

Yohan 4:48

Yesuí àng sv̀ng, “Nàmaqí nø shálv́m mvshv́lpvrá nv̀ng vtiqrà ni mèyv̀ngnø̀ng kèní nø, kadø ínìgø mèkv́mnø̀ng,” a:lòe.

Yohan 7:48

Shølshúrì, mø̀íni Parisirì taqkèní, Àng sv̀ng kv́m we tiqgǿgǿ vle má?

Yohan 6:30

Àngmaqí, “Wedø íni nøngmaqí yà:ngì nø̀ Nà sv̀ng kv́mlv́m dvpvt kapà mvshv́lpvrá èwàò ni má? Nàí pà èwàò ni?

Marko 12:15

Nøngmaqí kùyà gúnaì ni má, mvgúnaì ni má?” a:lòe. Íwe, àngmaqí vní nøt nø:tnò we sv̀ng À:ngí sháò rvtnø̀, “Ngà sv̀ng pàwá nàløtshàe má? Dinari tiqgø̀m èlv́ngvtnø̀ng nø̀ dètanvtshà,” a:lòe.

Marko 2:16

Àng nø mvrà vl rì nv̀ng kùyà gúnshúrì ó tiqdø vm we sv̀ng Parisirì kèní dvrá svrarìí yv̀ng bǿà. Wekvt àngmaqí Àng coqcv́nrì sv̀ng, “Àng nø pàwálv́m kùyà gúnshúrì nv̀ng mvrà vl rì ó tiqdø vme má?” wa rø:tnòe.

Yohan 8:6

Àngmaq yadø shø̀n lòng nø, Àng sv̀ng cèlv́m dvpvt vlø:tnò we íe. Yesu nø ngǿmshì sórí Àng wurhà:mí vba tø̀mø vruòe.

Marko 9:16

Wekvt À:ngí werì sv̀ng, “Àngmaq nv̀ng kapà rvt nàzø̀ngnø̀nge má?” wa rø:tnòe.