Marko 3:9 - Gvray Shànshér Mòngkà Kagvp Àngshv́r

⁹ Vsv̀ng loksu:kngí Àng sv̀ng màshvgørlv́m rvt, kùngshícè tiqgø̀m Àng dvpvt tvlú dvgø̀lv́m Àng coqcv́nrì sv̀ng a:lòe.

Marko 3:9 Referans Kwoze

Yohan 6:15

Àng sv̀ng mvdø̀ng mvdaq koqkv́m zv́nglv́m wàò we sv̀ng Yesuí dǿm bǿà rvtnø̀, vrá tiqkvt Àng wawa shìgùng sv̀ng yilshìá:mì.

Marko 5:30

Yesu nø Àng góng kèní jórnònggùn búngá:mì we sv̀ng chàng dǿmshì bǿì nø̀, vsv̀ng loksok dvhø̀ø wv́l poshì sórí, “Ngà bèlaq sv̀ng kagǿí èshupme?” wae.

Marko 4:1

Yesuí tìnúngmè shvnvng yv́ng rá tiqkvt mvshǿl shvngø:tnòe. Àng vl yv́ng vsv̀ng loksok gvzà kø̀m ráì rvtnø̀, Àng nø tìnúngmè mvdv̀m kùngshí vdòng sv̀ng zv́ngshì nø̀ runge. Vsv̀ng loksok shvngbe nø tìnúngmè vdàm pà tø̀mø runge.

Marko 4:36

Wervt coqcv́nrì nø vsv̀ng loksokrì là:ngò nø̀, Yesu rung we kùngshí gø̀m sv̀ng zv́ngshì dá:ngí, Àng nv̀ng tiqdø léshìe. Dvgá kùngshírì gø zv̀ne.

Marko 5:2

Kùngshí kèní Yesu léshì daqì weó, mvmv́ng cáng dvchøp we vsv̀ng tiqgǿ nø lóngdùng dvgv̀m dang kèní dì ráì nø̀, Yesu sv̀ng vhǿma:tnà.

Marko 6:32

Wervt àngmaq wa kùngshí zúnshì nø̀ vsv̀ng màvl we tiqyv́ng sv̀ng dìá:mì.