Marko 2:13 - Gvray Shànshér Mòngkà Kagvp Àngshv́r

¹³ Yesu nø rá tiqkvt tìnúngmè shvnvng sv̀ng dìá:mì ke, vsv̀ng loksok lokga nø Àng yv́ngsv̀ng dvkǿmshì ráì nø̀, À:ngí àngmaq sv̀ng mvshǿl shvngø:tnòe.

Marko 2:13 Referans Kwoze

Marko 4:1

Yesuí tìnúngmè shvnvng yv́ng rá tiqkvt mvshǿl shvngø:tnòe. Àng vl yv́ng vsv̀ng loksok gvzà kø̀m ráì rvtnø̀, Àng nø tìnúngmè mvdv̀m kùngshí vdòng sv̀ng zv́ngshì nø̀ runge. Vsv̀ng loksok shvngbe nø tìnúngmè vdàm pà tø̀mø runge.

Marko 2:2

wela:ngí ni àngmaq gvzà kø̀m ráì. Wervt bv́ngkà chit yv́ng gø rúngrà mvchǿng høq íá:mì. Wekvt À:ngí àngmaq sv̀ng mòngkà dvsha:ngòe.

Marko 1:45

Wedø ínìgø, wepè búngá:mì nø̀ yadang kayv́ng màyv́ng dvshvng bǿà. Wervt Yesu nø vsà:ngí sháò dø mvrìng vdòng góng màshvla høq íá:mì nø̀ mvrìng vtv́r vsv̀ng màvl rvgaq yv́ngø vle. Ínìgø vsv̀ngrì nø kakaq màkaq kèní Yesu yv́ngsv̀ng wedøni dí mvnshì ráì.

Marko 10:1

Yesu nø we gùrwang kèní búngá:mì nø̀ Yordan tìwàng kupa, Yuda gùrwang sv̀ng tuqá:mì. Vsv̀ng loksokrì nø vrá tiqkvt Àng yv́ngsv̀ng kø̀m ráì. Àngwà Àng wá yà dø, àngmaq sv̀ng shvngø:tnòe.