Marko 13:9 - Gvray Shànshér Mòngkà Kagvp Àngshv́r

⁹ Nàmaq nàyáshìnø̀ng! Vsa:ngí nàmaq sv̀ng dvrá róng taq tèle bǿnø̀nge. Júrøt chø̀mrì taq gø, nàmaq sv̀ng nàdipmvtnø̀nge. Vrá, Ngà rvtnø̀ øpshú gàmzø̀rì nv̀ng koqkv́mrì mv́rdv̀ng shvkse wáshìlv́m nàmaq rip nàdu lóngnø̀nge.

Marko 13:9 Referans Kwoze

Yohan 16:2

Àngmaqí nàmaq sv̀ng júrøt chø̀m kèní èlùngvtnø̀nge. Nàmaq sv̀ng èshvtnø̀ng rì nø, àngmaqí yadø wàì lòng nø Gvray kaq dvzø:mì we íe, wa dvda:mò we rvtø̀ tuq rae.

Marko 13:5

Yesuí kà pu:ngò nø̀ àngmaq sv̀ng, “Kagǿí gø nàmaq sv̀ng màshvmànlv́m rvt nàyáshìnø̀ng.

Yohan 15:20

‘Vshuq nø àngkàng mvdv̀m té ring we mø̀í,’ wvng nàmaq sv̀ng Ngàí vl bǿshà kà sv̀ng mèsøngnø̀ng. Àngmaqí Ngà sv̀ng dv́ng dvki nàrèng nìnø, nàmaq sv̀ng gø dvki nàrèvtnø̀nge. Àngmaqí Ngà kà sv̀ng cà:nò nìnø, nàmaq kà sv̀ng gø cv̀n lúngòe.

Marko 6:11

Nàmaq sv̀ng mènàtonø̀ng nø̀, nàmaq kàrì sv̀ng gø mètáanø̀ng we kayv́ng vl nìnø, weyv́ng kèní èbúng daqnø̀ng kvt, àngmaq sv̀ng vchaqlv́m shvkse ílv́m dvpvt, nàmaq hípvng vyin we dvtø̀l nàchaqshì ránø̀ng,” a:lòe.

Marko 1:44

“Nàyáshì! Kagǿ sv̀ng gø yalòng bvttut dvshvng mvdaq. Íwe èdivm nø̀, shvrúngshúpè sv̀ng nà góng dètánshìvm. Vrá, vsv̀ng mv́rdv̀ng nà èshèrá:mì we shvkse ílv́m dvpvt, Moshií dèkv́m yv̀ngshà we núngpà shèrúngaò,” a:lòe.

Marko 13:8

Vsv̀ng tiqdvcì nv̀ng tiqdvcì, tiqmóngdàn nv̀ng tiqmóngdàn cìl vshvt longe. Àngyv́ngyv́ng nø rvgaq vnanshì we, dvkø vtit we vl longe. Íwe, yadv́ngpv̀n nø puqnøn zá pv́ngshì we wa íe.