Marko 12:6 - Gvray Shànshér Mòngkà Kagvp Àngshv́r

⁶ Wemèpvng àng shóngshì we àngcè tiqpè wa v́laò we, ‘Ngàcèpè sv̀ng nø àngmaqí vpǿ dáòe,’ wa dvda:mò nø̀, shvngbe lv̀ngdø̀m nø wepè gø àngmaq yv́ngsv̀ng dvzá:ròe.

Marko 12:6 Referans Kwoze

Yohan 1:34

Yalòng sv̀ng ngàí yv̀ngò rvtnø̀ yapè nø Gvray Àngcèpè íe, wvng shvkse wv́ngshø̀nge,” a:lòe.

Yohan 5:23

Yalòng nø àngmaqí Àngpè sv̀ng vpǿò dø Àngcèpè sv̀ng gø vpǿlv́m dvpvt íe. Àngcèpè kaq màpǿò gǿ nø Àng kaq dvzv́r daqà we Àngpè sv̀ng gø màpǿò we ni íe.

Yohan 3:35

Àngpèí nø Àngcèpè sv̀ng shù:ngò rvt, vl dv́ngte Àng wur sv̀ng tvleshaq íe.

Yohan 1:49

Wekvt Natanielí Àng sv̀ng, “Rabiá, Nà nø Gvray Àngcèpè, Israel Koqkv́mpè èíe,” a:lòe.

Yohan 1:18

Gvray kaq yv̀ng dá:rò vsv̀ng nø kagǿ gø màvl. Vpè pøtpúmø vl nø̀ Gvray gø í pè, Gvray Lòngzàpèí mv̀ng Gvray sv̀ng chaqdvp dètan daqshà.

Yohan 1:14

Mòngkà nø shagóng í daqì nø̀, nøngmaq nv̀ng tiqdø v̀l daqì. Àng ngø̀rdvgùng sv̀ng gø nøngmaqí yv̀ng yv̀ngshà. Welòng nø jejú nv̀ng dìnglòng dv̀nzø̀ng we Vpè Gvray Àngcè Lòngzàpèò ngø̀rdvgùng íe.

Marko 9:7

Wekvt rvmøt tiqpù bung daqì nø̀ àngmaq sv̀ng dvkøq daqà. Rvmøt vdòng kèní kàshaq tiqlòng shø̀n daqì nø̀, “Yapè nø Ngà shóngshø̀ng we Ngàcèpè íe. Àng kà ètánø̀ng,” wae.

Marko 1:11

Wekvt muqlàng kèní kà shø̀n daqì nø̀, “Nà nø Ngà shóngshø̀ng we Ngàcèpè èíe. Nà sv̀ng Ngà gvzà dvbònge,” wae.

Marko 12:5

Vrá, À:ngí vshuq dvgá tiqpè dvzv́r bǿà nìnø, wepè sv̀ng gø àngmaqí shvt bǿà. Mèpvng dvgádø mvme gǿ dvzv́r bǿà nìgø, tiqmaq sv̀ng hwíhwí reò nø̀, tiqmaq sv̀ng sha:tnòe.

Marko 12:7

Wedø ínìgø kùlwàng wáshú werì vrashì nø̀, ‘Zaqshøp vpvtlv́m pè nø yapè lè íe. Ló, àng sv̀ng shatnì. Wekvt zaqshøp nø nøngmaq dvpvt í longe,’ wae.