Marko 10:14 - Gvray Shànshér Mòngkà Kagvp Àngshv́r

¹⁴ Íwe Yesuí yv̀ng bǿà kvt, shv̀mná rí sórí àngmaq sv̀ng, “Cv̀mrécèrì Ngà yv́ng laq di ra, àngmaq sv̀ng mènàgámnø̀ng ni. Kadø íe wani Gvray móngdàn nø yadø í rì dvpvt íaòe.

Marko 10:14 Referans Kwoze

Marko 8:33

Ínìgø, Yesu lv́m poshì nø̀ àng coqcv́nrì sv̀ng dvjaqò sórí Piter sv̀ng, “Satané, Ngà yv́ngkèní èsarshì! Kadø íe wani nà nø Gvray nøt sv̀ng mènàdǿnshì, vsv̀ng shòng lòng taq wa nàdǿnshìe,” wa nga:nòe.

Marko 3:5

Àngmaq nøt zaq rvt Yesu nøt yùr nø̀, shv̀mná mvgø̀r sórí àngmaq sv̀ng gùrhøm dvjaqò dá:ngí wepè sv̀ng, “Nà wur èzúshì long,” a:lòe. Àng wur zúshì lú:ngì kvt, vrǿng baná:mì.

Yohan 3:3

Yesuí, “Ngàí kàdøng vlvtnø̀ng, kagǿ gø àngshv́r tiqkvt màgv́lshaq nø, Gvray móngdàn yv́ng mvlúnshì,” wa vtá:nòe.

Yohan 3:5

Yesuí, “Ngàí kàdøng vlvtnø̀ng, tì nv̀ng Pvlàcèí màgv́lshaq kagǿ í nìgø, Gvray móngdàn sv̀ng góng mvlúnshì.