Bib sou entènèt

Tĭto 2:12 - Geba Roman New Testament

¹² Ahluată anu, thèhlô̆ kè cab́ô̆htè gè̄ b́è̆lădakè̆bò̄ dè to d́ŏ ta j́a B́ĭcè ńò, dèthaèni Lākho adî̄adè kî kò òibò̄ dèkŏikhòi, dèdî̄dèhma, dèd́ŏb́èj́ab́è Kib́ĭcè d́ŏ Lākho jo abu,

Gade chapit la Kopi

tounen moute ⬆

Tĭto 2:12
59 Referans Kwoze

Mattĕo 16:24

B́ĕnu, Jezŭ d́ò Zo bōhmubicè tòcò gōjo, “Bija dèbwèbwè gā thaè lekô Je le d́ō, za jab́i d́ò̆è ze ne. Za j́ahta d́ò̆è zu Krusu kî zô gô̄ lôkô d́ò̆è Je le.

Rŏma 6:19

(Thĭ gî̄ thîhè̆htôbò̄ anikhĭ, jò d́ò dèjî̄b́è aphlò̆ thĭ nigu nu.) Jò d́ò̆sa thĭ hlĕ athè̆lè̄kho nu, thĭ mèigè thĭ neb́î̆cè dèkî̆kkèmèhlò̆ kî dèkorokhara azôabwè, ḿî khŏnujo, mèibò̄ cè dèdî̄dèhma azôabwè pĕhtazòhta d́ŏ dèwîdètcă anikhĭ dòkhò̆.

2 Petru 2:9

Dèado thîhè̆ agē mèhlô̆hta bija ascisăni B́ĭcè ale tòcò d́ŏ dèhnakă aklè̆ kî agī cirra bwèkî̆kkè tòcò d́ŏ dècirra amuni abu cadè̄ nu,

1 Zowănnī 2:6

Bija dèbwèbwè htè ad́ò d́ŏ aò d́ŏ Kib́ĭcè abu nu, zò mò ò thôḿô̆ acab́ô̆ Jezŭ Krĭstu mègè nu.

2 Timò̆theo 3:12

Bija htè athaè ò thôḿô̆ d́ŏ dèb́èlò̄ dèthub́uthèb́è̆ kî aò d́ŏ Jezŭ Krĭstu abu gŏ abwè nu gā khab́è dèbassèngè̆ lò.

Dèd́è̆lî̄ 14:12

Mègōnu akhoacè̆ bija tcahtĭ tòcò mò òhmeòglo d́ŏ dèòi Kib́ĭcè adèhmèla kî dèb́u Jezŭ nu.

Lŭka 1:75

d́ŏ dèwîdètcă kî dèdî̄dèhma abu d́ŏ wu munimuthè̆ ò atherĕ nu.

1 Thèssalò̆nika 4:7

Kib́ĭcè dô rôhta wa d́ŏ agô̄ lô phehî adèmòdèma anikhĭ ńò. Ḿî Zo jogè wa d́ŏ dèòthôḿô̆ atcahtĭ abu lò.

Tĭto 3:3

Manè̄ kòd́òdo dō, tapla nu wa thè̆ne wî ḿîgè bija anigudĭ, bija adò sòkhĕńelēthèhô̆ dè ńò kî mèphrògè dè lò. Wa khazôgè wa tha adèthaènisô, dèlô dèmòdèma amŏmoanè̆nè nu. Wè mèlō wo sŏ wè khè̆ d́ŏ dèthèhtèd́òd́è̆, dèthaklathasè̆, dè dè wè̄ dè sè̆ hlè lōwa ńò tòcò nu lò.

1 Thèssalò̆nika 4:9

Ab́èkja dèb́èlò̄ thè̆buwe ab́uge dè nu, amò hweni thĭ cè ale tò ò tèpwè ńò. Thĭ thè̆ne thĭ thîhè̆ tèpwè Kib́ĭcè thèhlô̆ htŏ thĭ htè thĭ kè b́èlò̄hlè lōwa cadè̄ nu.

Ephè̆sus 2:2

B́ĕnu akhî thĭ lôkôgè Lākho adèkî̆kkèmèhlò̆ aklèthòò̆ abu, thĭ sòkhĕńegè dèscidèhnè htè aò Mò̄kholè̄ tòcò ab́ĭcè htè aŭi bija adò sòkhĕńe Kib́ĭcè alē ńò tòcò nu.

Rŏma 12:2

Dòniphînibò̄ ḿè bija Lākhopho aò khwè̆b́a thĭ tòcò adèphîdèmè ḿè. Ḿî b́ăkhlèbò̄ thĭ dègemeelô d́ŏ dègomogamā athè̆ abu nu. Ajo ḿî klèthòò̆ ad́è̆lî̄ wa Kib́ĭcè adèthaèni kî amèthîhè̆ wa dèzwî̄dèè htè Kib́ĭcè thaèni kî dè apĕhtazòhta amò mè tòcò nu.

Rŏma 6:12

Mègōnu akhoacè̆, thĭ ti ib́è dèkhòwè ŭi thĭ neb́î̆cè ńò. Thĭ dò sòkhĕńeb́è thĭ dèthaèni alē ńò.

Mattĕo 28:20

Kî thôithò̆i cè agè̄ mèkô lŏ Jè hmèlagè thĭ tòcò nu. Kî tcabò̄, Jò òkô thĭ kă gô̆ amuni htô̆ munilēdū nu.”

1 Zowănnī 2:27

Ḿî thĭ nu, Krĭstu htôrôgè thĭ kî Spirito Tcahtĭ nu. Kib́ĭcè aSpirito Tcahtĭ kò̄ òkô thĭ kă athŭtherĕ, ado loba mè bija gô̄ thôithò̆i thĭ dèbwè̆ ńò. Spirito Tcahtĭ thèhlô̆ i thi dègŏmihtĭda ḿî lŏ dè ab́è lò, tè b́è aplè ńò. Mègōnu d́ō, mèkôbò̄ acab́ô̆ Spirito Tcahtĭ adèthèihŭ thĭ kî òbò̄ d́ŏ Krĭstu abu nu.

2 Petru 3:11

Mègōnu d́ŏ dètcahtîdòlò dè gè̄ mè ane gōnu d́ō, thĭ mò bè̄hta thĭ tha akò òwîòtcă kî òi dèthub́uthèb́è̆, thĭ htè asòmò̆dôi Kib́ĭcè Amuni adèdole tòcò nu.

Hebrè̆u 8:11

Bija tòcò dô thôithò̆ib́è kò̆ zò khò̆ zè khè ńò. Ḿî̆dîḿî ńò, athè̆buwe dèbwè kò tò d́òb́èkò̆ cè thè̆buwe; ‘Thîhè̆bò̄ B́ĭcè,’ ńò. Manè̄ d́ō, cè tòcò gî̄ thîhè̆ lŏkò̆ Jè, asciphogudu htô̆do adogudŭ nu.

1 Timò̆theo 6:17

Hmèlabò̄ bija ajèdā d́ŏ Lākhokhlŏ jo tòcò, cab́ô̆htè zè gè dè lè̄dolè̄mubò̄ ze ne ńò, za gā da sascĭibò̄ zi dî̄ zè dè htè atò òhmeòglo za ńò tòcò nu ńò, ḿî zò mò sascĭi Kib́ĭcè htè ai wa dèmòdèma lŏcăcè d́ŏ dèthathòhlò̆ abu dèbwè nu.

1 Timò̆theo 4:12

Ibò̄ ḿè bija tcadalakă nè d́ŏ nî ḿî athaze acè̆ dèbwè̆ ḿè. Ḿî kèhtabò̄ bija ab́udè tòcò anikhĭ dètcahlô̆tcad́ò̆i d́ŏ nè dèjî̄b́èdòdò, dèphîdèmè, dèb́èlò̄thòklè̆, dèb́udènè kî dèthowîthatcă abu nu.

Kòlò̆ssia 1:22

Barasă Pho anebî̆cè thè̆ne adèthĭ acè̆, Kib́ĭcè mèthògegè thĭ, cab́ô̆htè Zo gō joge thĭ d́ŏ Cò ò, kî d́ŏ Cò hlò̆mò̄ nu thĭ kè̄ b́è mètcahtĭ. Mèwî mè è, mèhlô̆ dèkhòwèkhòkha kî òhlô̆òlakî dèkèḿè anikhĭ nu.

Galatiăno 5:24

Bija ab́èkja Jezŭ Krĭstu tòcò nu, htalaglo thĭ ane d́ŏ dèphedèhî kî dèthaèni lŏcăcè htŏ.

Galatiăno 1:4

Krĭstu ilagè ane d́ŏ wè dèkhòwèkhòkha tòcò anikhĭ, cab́ô̆htè Zè gè̄ mèhlô̆htagebò̄ wa b́ĕ dèkî̆kkèmèhlò̆ asŏakhè̆ khŏnujo d́ŏ dèsòkhĕńe wî B́ĭcè Pa adèthaèni abu nu.

2 Kòrĭn 7:1

B́èlò̄ thè̆buthè̆we tòcò, d́ŏ dèaḿăkhai jo tòcò abu, wu ŭsab́ă d́ò̆è gajă dè amèb́ò za we neb́î̆cè kî wa tha tòcò nu, cab́ô̆htè wa gī nib́èbò̄ dèwîdètcahtĭ apĕhtazòhta d́ŏ dèscisă ni Kib́ĭcè ale abu nu.

2 Kòrĭn 1:12

Wî phîdophîmu dè ò domo, htè wa tha d́ò̆sa wa ab́è nu, we lè̄d́ŏlè̄j́a bija gŏ abwè, d́okhlŏ thĭ nu d́ŏ Kib́ĭcè ilani wa dèthodanāthadanā abu nu, ḿî d́ŏ Kib́ĭcè ahluată acè̆ wè dè mè tòpòkhogè dè dimĭ ńò nu.

Rŏma 8:13

Thĭ kò ò ma gōnu d́ō, thĭ gī thĭ b́è tèpwè, ḿî Spirito Tcahtĭ gè̄ mèkè̆ mèhlè̆mè̄ ma thĭ phehî adèmè d́ō, thĭ kò ò thôḿô̆b́è tèpwè.

Thodŏpho 24:25

Barasă d́ō, b́ĕ Păulu d́ò̆sagè cè tòcò ab́èkja dè è dè ò̆, dèkŏikhòi ane kî Dècirra Amuni gē ledo awîakè̆ nu, Fĕlix scisăthabogè kî cò d́ò, “Ne ge za htŏ tèpwè. Jè è̆ akhî kò òwe d́ō, jo gō jokò̆ nè tapla be,” cò d́ò lōwa do.

Thodŏpho 24:16

Mègōnu d́ō, ju htukhohtuă òi lŏ tèpwè dèthohlî̆thahlî̆ ajo thèjô̆ d́ŏ Kib́ĭcè kî bija ahlò̆mò̄ nu.

1 Zowănnī 5:19

Wi thîhè̆ tèpwè Lākho thèd́è̆b́è ò nòthò̆ Akî̆kkè Dèbwè adèŭi akălè̄ hnò̆nu, wî ḿî ab́èkja Kib́ĭcè lò.

Ephè̆sus 1:4

Hlĕ Lākho dukhlŭ òhta hnî̆ńò nu, Kib́ĭcè rôhtagè wa cab́ô̆htè wa gā tcă gī htĭ kî gô̄hlô̆gālabò̄ dèkèḿè d́ŏ Zò hlò̆mò̄ nu.

Zowănnī 14:30

Tè b́è Jî gî̄ jî̄b́èhtî òèòò be thĭ ńò, manè̄ d́o, Lākho Asaphra dole htŏ. Zô cô̆thèlè̆ tò ò Jo kho dimĭ ńò.

Zowănnī 6:25

B́ĕ cè tòcò kèhtî Jezŭ d́ŏ pèllèwe alewe dòkhòwō d́ō, cò d́ò lōwa, “Sara, ne ledo d́ò̆ b́ĕjo hlekadè̄?” cè d́è̆ lōwa do.

Lŭka 1:6

D́ŏ Kib́ĭcè ahlò̆mò̄ nu, cè gībwè lōlō ḿî bija adî̄ahma, aòi thoŏthèè Kib́ĭcè adèhmèla kî amèkô pĕhtazòhta akă.

Jŭda 1:18

Cè tòcò d́ò̆sagè thĭ, “B́ĕ muniledū ledo nu, bija htè agè̄ htèkè̆htèô thĭ kò pòhtakò̆ kî cè htè ab́icèklèhtò tò ò ńò tòcò nu gô̄ lôkôkò̆ adèthaèni akî̆kkè akă lò,” nu.

2 Timò̆theo 4:10

Dĕmas b́èlò̄ dè ab́èkja Lākho jo acè̆, lè̄dagè jè kî legè d́ŏ Thèssalò̆nika u nu. Krè̆scèns legè d́ŏ Galătiage, kî Tĭto legè d́ŏ Dalmătia age nu.

Mattĕo 12:32

Kîd́ò̆ bija arră ad́òkè̆d́òô Bija Apho dèbwè nu, dè kā b́ăplèkò̆ cè, barasă bija htè agò̄ d́òkè̆d́òô Spirito Tcahtĭ dèbwè nu, dè kā ta b́ăplèkò̆ cè d́ŏ khŏnujo ńò kîd́ò̆ d́ŏ alekă ńò ńò.

1 Timò̆theo 6:9

Barasă d́ō bija htè athaphî̆hta ajèdā tòcò nu, ladēnī dèhlòdèplè aklè̆ kî b́è cakwani dèthanido kî dèhnahnă adēkha abithagwă lò. Dèthanido mèphî̆htagè dèhèwî̄hèkè̆ kî dèssègnè̆ lò.

Zăkomo 1:27

D́ŏ Kib́ĭcè ahlò̆mò̄ dèthub́uthèb́è̆ aplî̆atcă kî atò b́ò dèkèḿè ńò ḿî ajo; dètcaiôi aphosèklèlè̄ tòcò ahmugèmè tòcò d́ŏ zè dèssègnè̆bòdò abu kî dèòdòbò kî Lākho adècòb́ĭcòb́ò tòcò nu.

Swiv nou:

Lyen patwone

Piblisite

Piblisite