Bib sou entènèt

Thodŏpho 9:31 - Geba Roman New Testament

³¹ Mègōnu d́ō Judĕage kî Galilĕage kî Samarĭage bu nu, Dèòplo dohtagè d́ŏ dècodèkhli abu nu, hèkô Kib́ĭcè aklèthòò̆ abu d́ŏ dèscisă ni Kib́ĭcè ale abu nu kî nib́è Spirito Tcahtĭ adèmèhmemèglo kî òèhtagè.

Gade chapit la Kopi

tounen moute ⬆

Thodŏpho 9:31
56 Referans Kwoze

Rŏma 5:5

Dèsascĭi dè mèscilazela za wa tha ńò, manè̄ Kib́ĭcè hlòla Zè dèb́èlò̄ d́ŏ wa thabu, d́ŏ Ci ilani wa Spirito Tcahtĭ abu nu.

Rŏma 15:13

Dèsascĭi Ab́ĭcè gē lei d́ò̆è thĭ dèthaganāi kî dècodèmò d́ŏ thĭ dèb́u abu cab́ô̆htè Spirito Tcahtĭ gî̄ phîkè̆ b́è dè acŏglo thĭ dèsascĭi tòcò nu.

Thodŏpho 8:1

Kî Saŭlu khagè zè dèthĭ athè̆thî. Hlĕnu dèlômèssègnè̆ òhtagè d́ŏ Jerŭsalèm Dèòplo akho nu d́ō, bōhmubicè tòcò akhlŏ ab́udè tòcò cwè phrulaphrî̆htagè d́ŏ Judĕage kî Samarĭage bu tòcò nu.

Ephè̆sus 4:12

Zè mè dè ajo ḿî cab́ô̆htè Ca ka prahnèdòlò Kib́ĭcè abija lŏcăcè agè̄ mè Krĭstu adèkhî̆dèbwè adèmè kî gè̄ mèlehtalehtô̆ Krĭstu anebî̆cè anikhĭ nu.

2 Kòrĭn 13:10

Ajo acè̆ jò ò d́ŏ ajî nu kî hweni thĭ cè, cab́ô̆htè b́ĕ jo dohtî thĭ nu jè gè̄ dè mèsôbò̄ thĭ d́ŏ Dèado ila jè aphlŭathere agè̄ mèlehtalehtô̆ thĭ anikhĭ, kî tèb́è agè̄ mèkè̆mèô thî anikhĭ ńò nu.

2 Kòrĭn 10:8

Ală ḿî jè bè̄dobè̄mugè je ne, barasă Dèado igè jè aphlŭathere agā prahta thĭ, kî agā da phrakè̆ thĭ ńò d́ō, ja gā da thăwāib́è tèpwè ńò.

2 Kòrĭn 7:1

B́èlò̄ thè̆buthè̆we tòcò, d́ŏ dèaḿăkhai jo tòcò abu, wu ŭsab́ă d́ò̆è gajă dè amèb́ò za we neb́î̆cè kî wa tha tòcò nu, cab́ô̆htè wa gī nib́èbò̄ dèwîdètcahtĭ apĕhtazòhta d́ŏ dèscisă ni Kib́ĭcè ale abu nu.

Thodŏpho 16:5

Dèòplo dohtagè d́ŏ dèb́u ahmeaglo abu, kî d́ŏ dèòplopho òèòcara hta abu nu.

Thodŏpho 12:24

Kib́ĭcè Alēahwè dohtakhò̆hta kî d́èlò̄d́èkhò̆gè.

Thodŏpho 6:7

Gōnu akhoacè̆ Kib́ĭcè Alēahwè d́èlò̄d́èkhò̆ kîd́ò̆ bōhmubicè òèhtaplăgègè d́ŏ Jerŭsalèm u bu nu. Phŭgi tòcò aklè̆, aphîni dèb́u òèòògè.

Jŭda 1:20

Ḿî thĭ nu, jè b́èlò̄ athò tòcò, thĭ gè̄ mèib́è thĭ dèb́u atcahtĭ acab́ô̆ hikăd́ò̆ kî prahtabò̄ thĭ ne d́ŏ akho nu. Thèb́è̆htabò̄ d́ŏ Spirito Tcahtĭ acô̆thèlè̆ abu nu,

Hebrè̆u 4:9

Mègōnu d́èsò̆dūsòd́è̆ alle htè Kib́ĭcè ja la b́ĕ anithăthô dini anikhĭ nu kò òb́è ladŭ dokhlo be htè ad́ò,

1 Timò̆theo 1:4

D́ò̆sabò̄ cè tòcò agè̄ lè̄dakè̆ dèd́ò̆sa hlemo adèlèblo tòcò kî johtabahtage dèlakhwĭlathèlè̆ atu kŭdu za ńò tòcò htè amèòhta dèd́òdèsa nu. Dè ajo tòcò tè b́è amèlehtalehtô̆ Kib́ĭcè adèthaèni ńò, ḿî d́ŏ dèb́u abu lò dòkhò̆.

1 Thèssalò̆nika 5:11

Mègōnu akhoacè̆, ikhoiă hlèbò̄ lōwa, mèzohlèbò̄ lōwa dèbwè kî dèbwè, acab́ô̆ thĭ mègè khŏnujo nu.

Kòlò̆ssia 1:10

Kî thĭ kò òthôḿô̆kò̆ acab́ô̆ Kib́ĭcè adèthaèni ò adĕ kî mèmòtha thèjô̆kò̆ Cè. Thĭ dèòthôḿô̆ ki ihtakò̆ dèmè awîaè gŏ amo, kî thĭ gō dohtakò̆ d́ŏ dèthîhè̆ Kib́ĭcè abu nu.

Philippiăno 2:1

Thĭ dèòthôḿô̆ d́ŏ Krĭstu abu ḿî dè d́ŏ ai thĭ dèkhodèă, kî Zè dèb́èlò̄ mèmòhtage thĭ lò. Thĭ mèthò thĭ ne kî Spirito Tcahtĭ, kî thĭ òi dèthakhòwè, dèthaò mèzo bija dèbwè kî dèbwè lò.

Ephè̆sus 5:21

Dèbwè kî dèbwè khahô̆khajò hlèbò̄ lōwa d́ŏ dèd́ŏdèja Krĭstu abu nu.

Ephè̆sus 4:29

Dèjî̄b́è akî̆kkèmèhlò̆ nu i ḿè ahèhta d́ŏ thĭ hòbŭ ḿè, ḿî jî̄b́èbò̄ dèjî̄b́è amò aè htè amèlehtalehtô̆ dè, cab́ô̆htè bija asòkhĕńe b́è tòcò gī nikhoniăbò̄ nu.

Ephè̆sus 4:16

D́ŏ Zu bu, dè asŏ agla lŏcăcè b́è d́òj́ăb́uwè̄glogè ale kî ale, d́ŏ dèneb́î̆cè alò, htè amèzo hlè lōwa nu. Kîd́ò̆ b́ĕ asŏ agla dagla kî dagla mè adèmè nu, dèneb́î̆cè thèd́è̆bwè b́òdohtai ane kî dèb́èlò̄ lò.

2 Kòrĭn 12:19

Thĭ gō gomothòrò̆ wa kasèwāsèi we ne thĭ hlò̆mò̄ dôjôjô̆ lò lòmò̄. Tè b́è gōnu ńò. Acab́ô̆ Krĭstu adèthaèni ò adĕ nu, wî jî̄b́è d́ŏ Kib́ĭcè ahlò̆mò̄ lò. B́èlò̄ thĭ, Ŏ thè̆buthè̆we tòcò, wè mè dèlŏcăcè ḿî thĭ nikhĭ dòkhò̆.

1 Kòrĭn 14:26

Thè̆buwe tòcò, dè d́ŏ ja thaè d́ò ḿî ajo lò. B́ĕ thĭ ladēplo thèb́è̆hta nu, dèbwè gā thăbô̄ kòihtăi, alewe dèbwè gè̄ thèhlô̆i dè, alewe dèbwè kò d́ò̆htôla d́è̆lî̄hta Kib́ĭcè, alewe dèbwè kò d́òdòlòdè, kî alewe dèbwè d́ò̆ kò d́òhlî̆hta dèd́òdòlò ahtabohtab́ă lò. Dèlŏcăcè gè̄ kèhta dèmèzo dŏ Dèòplo anikhĭ.

1 Kòrĭn 14:12

Thĭ nikhĭ ḿî gōnu lò lò, d́ŏ thĭ dèthaèni Spirito Tcahtĭ adèila akhoacè̆ htukhohtuăbò̄ cab́ô̆htè agò̄ khlŏhtamame d́olĭbò̄ bija amèhta Dèòplo tòcò anikhĭ nu.

Rŏma 14:19

Mègōnu akhoacè̆, wò kò ò d́ò̆è dè anuad́ò̆ htè aleihŭ wa d́ŏ dèjīdèd́wă kî dèdohtamuhta aklèbu nu;

Rŏma 14:17

Manè̄ kò̄ d́òdo d́ō, Kib́ĭcè Htĭge tè b́è dèadèò̆ ńò, ḿî dèdî̄dèhma kî dèjīdèd́wă, dèthakhŭthaganāi htè Spirito Tcahtĭ ilagè wa nu.

Thodŏpho 2:47

Cè tòcò htăhtai Kib́ĭcè ahluată d́ŏ Zè dèb́èlò̄hmòb́è akhoacè̆ kî nib́è tèpwè bija adèb́èmēb́èhnè, b́èthob́ètha. Gŏ lumu ani nu Kib́ĭcè mè òèhtagè bija d́ŏ agī nib́è dèhlô̆htage tòcò nu.

Thodŏpho 5:11

Dèòplo thèd́è̆pho kî athîhè̆b́è dè ajo tòcò thaphuthaganāsôgè.

Thodŏpho 20:32

“Khŏnujo ji ila thĭ d́ŏ Kib́ĭcè acukhòbu nu, kî d́ŏ zè dèjî̄b́è kî Zè dèhludètă akhoaă abu nu, cab́ô̆htè thĭ kè̄ b́è b́òhtabò̄ kî gī nib́èkôbò̄ ab́è mètcahtĭ tòcò akă dèilani nu.

Swiv nou:

Lyen patwone

Piblisite

Piblisite