Bib sou entènèt

Paj dakèy
Bib sou entènèt
Thodŏpho 20:32

Thodŏpho 20:32 - Geba Roman New Testament

³² “Khŏnujo ji ila thĭ d́ŏ Kib́ĭcè acukhòbu nu, kî d́ŏ zè dèjî̄b́è kî Zè dèhludètă akhoaă abu nu, cab́ô̆htè thĭ kè̄ b́è b́òhtabò̄ kî gī nib́èkôbò̄ ab́è mètcahtĭ tòcò akă dèilani nu.

Gade chapit la Kopi

tounen moute ⬆

Thodŏpho 20:32
37 Referans Kwoze

Kòlò̆ssia 3:24

Gomohtanibò̄ htè B́ĭcè ki i tèpwè dèila thĭ nikhĭ su acab́ô̆ Zè dèŏlă ò nu. Krĭstu ḿî B́ĭcè adî̄ahma htè thĭ mè adè nu.

Ephè̆sus 1:14

Spirito Tcahtĭ ḿî dèaḿăkhai ab́èkja Kib́ĭcè adèŏlăphlala hnè Za bija tòcò lò. Wa htè aḿî Cè è̆ tòcò nu, Ci ki iwa dèhlô̆htage pĕhtazòhta lŏklikli nu. Mègōnu d́ō, htăhtaibò̄ Kib́ĭcè adòathe.

Thodŏpho 26:18

Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

Hebrè̆u 9:15

Ze leigè thè̆thî athè̆ acab́ô̆ bwèzo dèbwè nu, cab́ô̆htè bija ab́èjole d́ŏ dèò lahtŭlablo adèila tòcò gī nib́èbò̄ Zè dèaḿăkhai tòcò nu. Zè dèthĭ mèkè̆gè dèkhòwè, amèkè̆mèô thè̆thî aŭsu dèdè̆ nu.

Ephè̆sus 1:18

Ja dadè cab́ô̆htè thĭ tha adètcahtî gî̄ hlî̆hta kî tcahtîbò̄ Zè dèhlî̆, thĭ gî̄ thîhè̆bò̄ Zè dèjo thĭ ḿî dèsascĭi da anikhĭ nè kî dèhôwî Co ŏlăgè Ci ki i Za bija tòcò nu alīdobwîthè̆gè pwedè̄,

Kòlò̆ssia 2:7

Solajò̄bò̄ thĭ khawi d́ŏ Zu bu, b́òhtaprahtabò̄ thĭ dèòthôḿô̆ d́ŏ Zò lò, mèhmemèglobò̄ thĭ dèb́u acab́ô̆ Cè thèhlô̆gè thĭ nu. Ò pĕhtakîbò̄ dèkòihtăi Zu hlu Ca tă.

Hebrè̆u 13:9

Ibò̄ ḿè dèthôdèthò̆ acòklîlasă amŏamo tòcò hèphròihŭ ḿè thĭ ḿè. Gi nib́è thotha khoă d́ŏ Kib́ĭcè adèhludètă abu ḿî dè aè domo, kî tè b́è d́ŏ dèsòkhĕne dèhmèla ab́èkja dèadèò̆ tòcò nu ńò. Bija asòkhĕńe dèhmèla jo tòcò anikhĭ ado khlŏhtamamegè ńò.

Ephè̆sus 5:5

Bija htè alathulakèḿè, ahôdèhò̆dè kî adèthaèni do tòcò nu di nib́è za Krĭstu kî Kib́ĭcè ahtĭage dèbwè̆ ńò. (Dèthaènido ḿî dèthèb́è̆ dèjòdèja domo lò.)

Thodŏpho 20:24

Barasă ji nikhĭ dèlômèssègnè̆ jè dèòthôḿô̆ tè b́è ajwīamo ji nikhĭ ńò, ḿî jè gè̄ mèhwăb́è jè dèmè htè B́ĭcè Jezŭ ilani jè, htè aḿî Vanzĕlō ab́èkja Kib́ĭcè adèhludètă nu.

Jŭda 1:20

Ḿî thĭ nu, jè b́èlò̄ athò tòcò, thĭ gè̄ mèib́è thĭ dèb́u atcahtĭ acab́ô̆ hikăd́ò̆ kî prahtabò̄ thĭ ne d́ŏ akho nu. Thèb́è̆htabò̄ d́ŏ Spirito Tcahtĭ acô̆thèlè̆ abu nu,

1 Kòrĭn 6:11

Hlĕ athè̆lè̄kho nu d́ŏ thĭ klè̆ tòcò cò ḿîgè gōnu, barasă khŏnujo thĭ dèkhòwè b́è ŭsab́ăthab́ă htŏ kî d́ŏ B́ĭcè Jezŭ Krĭstu kî B́ĭcè aSpirito Tcahtĭ abu thĭ b́è mèjīmèdwăgè kî Kib́ĭcè nu.

Thodŏpho 14:23

D́ŏ Dèòplo gŏ aplo akho nu ze lè̄htagè adoabwe tòcò, cè thèb́è̆hta kî d́u dèadèò̆ hwă ci ilagè lōwa tòcò B́ĭcè htè cu b́ugè dèbwè acukhòbu nu.

Hebrè̆u 10:14

D́ŏ Zè dèhlu tapla lò abu nu, Zè mènigè bija Zè mèwîmètcă tòcò anikhĭ dèò alahtŭlablo.

Hebrè̆u 2:11

Manè̄, amè tcahtĭ dè dèbwè kî ab́è mèwîmètcă tòcò ḿî zî ḿî lŏ dikhwĭ lò d́ō, Zo jogè lōwa tòcò, “thè̆buwe” akhoacè̆,

Thodŏpho 14:26

kî d́ŏnu cò d́ògè thè̆bò htô̆do Antiò̆ka u, htè cè b́è thodŏgè kîd́ò̆ Kib́ĭcè adèhludètă akhoacè̆ zè mèpĕhtagè khŏnujo nu.

Zowănnī 17:17

Mèwîmètcăbò̄ cè tòcò Ni nikhĭ d́ŏ Nè dèdî̄dèhma abu nu. Ne lē Nè hwè ḿî dèdî̄dèhma lò.

Ephè̆sus 4:16

D́ŏ Zu bu, dè asŏ agla lŏcăcè b́è d́òj́ăb́uwè̄glogè ale kî ale, d́ŏ dèneb́î̆cè alò, htè amèzo hlè lōwa nu. Kîd́ò̆ b́ĕ asŏ agla dagla kî dagla mè adèmè nu, dèneb́î̆cè thèd́è̆bwè b́òdohtai ane kî dèb́èlò̄ lò.

Ephè̆sus 4:12

Zè mè dè ajo ḿî cab́ô̆htè Ca ka prahnèdòlò Kib́ĭcè abija lŏcăcè agè̄ mè Krĭstu adèkhî̆dèbwè adèmè kî gè̄ mèlehtalehtô̆ Krĭstu anebî̆cè anikhĭ nu.

Thodŏpho 14:3

Păulu kî Barnăbas òwe tod́odasa, cò d́ò̆htôd́ò̆dèlè khŭthakla Kib́ĭcè anikhĭ; kîd́ò̆ B́ĭcè thô̆htô tèpwè cè tòcò kî Zu hlu Za tă, agè̄ mè dèbòdèba acòklîcòhjè̆ amŏamo nu.

Zowănnī 15:3

Dèthôithò̆i htè Ji ilani htŏ thĭ tòcò akhoacè̆ thĭ plî̆ thĭ tcă htŏ.

Jŭda 1:1

Jŭdas, Jezŭ Krĭstu azôpho kî Zăkomo apîkò̆, hnŭsè thĭ htè ab́èjo tòcò, thĭ htè Kib́ĭcè Pa b́èlò̄ kî Jezŭ Krĭstu adèwoikhai tòcò.

1 Kòrĭn 1:2

hnŭsè le thĭ Kib́ĭcè Adèòplopho d́ŏ Kòrĭnthia, d́ŏ Jezŭ Krĭstu abija tcahtĭ, htè ab́èjolegè d́ŏ bija tcahtĭ dagwālè̄ aklè̆ htè athèb́è̆hta wi B́ĭcè Jezŭ Krĭstu, htè aḿî wa kî cè tòcò ab́icè nu.

Thodŏpho 15:40

Ḿî Păulu nu, zô rôhta hwă Cĭlas d́ō zè hè joigè lōwa acab́ô̆ thè̆buwe tòcò ikŏikja cè d́ŏ Kib́ĭcè adèhludètă abu nu.

Thodŏpho 9:31

Mègōnu d́ō Judĕage kî Galilĕage kî Samarĭage bu nu, Dèòplo dohtagè d́ŏ dècodèkhli abu nu, hèkô Kib́ĭcè aklèthòò̆ abu d́ŏ dèscisă ni Kib́ĭcè ale abu nu kî nib́è Spirito Tcahtĭ adèmèhmemèglo kî òèhtagè.

Mărko 10:17

B́ĕ Jezŭ hèkô klè nu, bija dèbwè cwèlehtî Cè, dōhnŏla Cò hlò̆mò̄ kî dè̆gè lōwa, “Sara aè, cab́ô̆htè ji gī nib́è dèthôḿô̆ lahtŭlablo nu, jè kè̄ b́è mè danè̄?”

Thodŏpho 11:23

B́ĕ ze le kî tcahtîb́ègè Kib́ĭcè adèhôwî lab́è cè tòcò nu, ca thaganāiscô tèpwègè kî ikhoiăgè lōwa tòcò akò òibò̄ dèb́uhme d́ŏ B́ĭcè abu nu.

Rŏma 8:17

Kî wî gî̄ ḿî ma Kib́ĭcè aphoali d́ō, wi gī nib́è tèpwè dèilage, Kib́ĭcè kî Krĭstu adèilage apho tòcò nu. Manè̄, wa khaplob́è Krĭstu Zè dèssègnè̆bòdò kî wi nib́èplo Zò dò Ze the.

1 Kòrĭn 6:9

Thĭ thîhè̆ tèpwè htè bija amèdè atè b́è ńò nu di nib́è Kib́ĭcè ahtĭage ńò nu, htè bija adèò khorokhara tòcò, athèb́è̆ dèjòdèja tòcò, alathulakèḿè tòcò, azòlò̄ôè̆ tòcò, ad́ŏthibwĭ tòcò,

1 Kòrĭn 6:10

a ahudè tòcò, adèthaèni do tòcò, aò̆hmuapò tòcò, adohôdohò̆ dè tòcò, kî aăwūăthèphlè dè tòcò, nu di nib́è Kib́ĭcè ahtĭage ńò.

Swiv nou:

Lyen patwone

Piblisite

Piblisite